Chi dii 4:2 - Kaa n Kəzə̀ n fəghə mə

² N nəŋə i tii zə kə, Zay kə Zow kə n nyi bə n kow mə, mə n koʼ ndow kuu kə fɔɔ idəŋ nə wù loʼ doʼ tii.

Chi dii 4:2 ပူးပေါင်းရင်းမြစ်များ

Matyo 22:43

Tə n bəb ndòw tə̀ ghə nə̀, “À kee loʼ kee Zay kə Zow kə â ghəŋə nə̀ Devid tɔŋɔ wi nə a loʼ ‘Mûkəbii’ ə? Devid n dza,

Hibru 8:1

Sey, ghəə zey i baa loʼnə n ghəə ghən a dzanə i loʼ nə̀, saa khə ndzoʼo fɔɔngili u nii nii wən tə loʼnə n kpi u Kəzə̀ u təmə wə idəŋ nə̀ udaʼa udzəm u loʼ n wɔɔ kə wi.

Chi dii 1:10

A n bə n tsuʼ inaʼ wə nkala u loʼ wə, Zay kə Zow kə nyi bə n kow mə, mə n zow ndow dzə i taw i loʼ zə i fuŋunə n baa mə tə aloʼ isɔŋ ghə tɔŋɔnə.

Chi dii 12:5

Sey, tə n ji tsu waa u num wə tə i saʼa naʼa tə tədzəm n wɔɔ a taw ghə. Ghə n daŋŋə bəkeeli nuu kɔʼ waa tii, ney ndow tə Zə̀ kə, doʼlə naŋa tsu wi n kuu kə fɔɔ kə wi.

Chi dii 17:3

Zay kə Zow kə, kə nyi bə n kow mə, sey tsəndəghə Kəzə̀ zey daŋŋə boʼo nuu ndow mə n mbvən ə ntsaŋ. Nghee N loʼ fu, mə n koʼ weyzən u loʼ wə tə nyaʼa doʼonə n faalə kə nyam mbvən i baŋa nyiəllə zə, nə ghə tɔ̀ɔ naŋa kaabə zəd ghey a tsayyənə Zə̀ kə n kow nyam tii. Nyam mbvən i tii n khə utow usəghəmbəghə nsə ndɔŋ tə ighəm.

Chi dii 19:4

Ngəd tey nghəm nbəghə nsə ghii tə təkaykə nsə fə̂ wey ukaykə u loʼnə utaw n bwu ndow a ghəlitsə, fuu ndow ingɔɔmə tə̀ Zə̀ kə, tə doʼnə n kuu kə fɔɔ, dza tsu nə̀, “Zə i loʼ kə sey! Kali u loʼ u Kəzə̀ wə!”

Chi dii 20:11

Mə n daŋŋə koʼ ndow kuu kə fɔɔ kə nii nii kə fəmə kə nsə wù wey tə doʼnə tii. Ghəlikətsə nsə dəŋ kə n tyi nuu tsu n luʼu key tə loʼnə tii, bùʼ kə n kəm way fu tə ghə.

Chi dii 21:10

Zay kə Zow kə nyi bə n kow mə, tsəndəghə Kəzə̀ zey n boʼo kɔʼ ndow mə n kaʼ u dabə wə. Tə n dii ndow naʼ i zow zə tə mə, i loʼnə Yerosalem. Naʼ i tii zə n shiə tsu idəŋ nə̀ à fuu tsu bə Kəzə̀.

Chi dii 21:5

Wù wey tə â doʼnə n kuu kə fɔɔ key n dza nə̀, “Nya, n ghəŋŋə tsu ufə̂ udzəm u doʼo bə u fəghə wə!” Tə n dza kpiʼi bə tə mə nə̀, “Tɔ̀ɔ naŋa tsu ghəə a ghən, n təŋkey ghɔɔmə zən loʼ ghɔɔmə zey ghə̂ a loʼ ni gaʼ fə̀ŋ tii, loʼ soʼo isəŋə.”

Chi dii 3:21

Wù wən tə taw tsəghənə ghəə a bəbə ghə, mə i fuu wi n bùʼ kə, tə doʼo dzəŋi ghi mə n kuu kə fɔɔ kuŋ. Ighələ tə mə â taw tsəghənə ghəə a bəbə ghə, doʼo dzəŋi tsu ghi Bày wuŋ n kuu kə fɔɔ kə wi.

Chi dii 4:10

Ngəd tey nghəm nbəghə n ghii tə təkaykə n təm ndow tənguʼ n sə kə wù wən tə doʼnə n kuu kə fɔɔ key. Ghə ngɔɔmə wù wən tə loʼnə utaw nəŋə tədzəm. Ghə n tsɔʼ maʼa taŋŋə u təfɔɔ u ghə n sə kə kuu kə fɔɔ dzaa tsu nə̀,

Chi dii 4:5

N kuu kə fɔɔ key, ghow zə n mwallə shiə bə, bɔŋ mə n kwɔɔ shiə bə soʼo fu, ghow zə kəmə shiə bə soʼo fu. N sə kə kuu kə fɔɔ kə tii kə, saalə tə n bəʼlə fu təsəghəmbəghə. Saalə tən təsəghəmbəghə â loʼ Zày u Kəzə̀ wən usəghəmbəghə.

Chi dii 4:9

Nəŋə tədzəm fə̂ wey u ukaykə u loʼnə utaw n zhim tədzaŋa, fuu nkɔʼlə, ngɔɔmə, fuu soʼo kəzɔŋŋə tə wù wən tə doʼnə n kuu kə fɔɔ kə tii kə, nə̀ tə nə kpu koʼ way tə mbi nə bə may.

Chi dii 5:1

Sey mə n koʼ ndow kəmàʼlə nə̀ ghə n nəm n wɔɔ kə zəə kə wù wən tə doʼnə n kuu kə fɔɔ key. Màʼlə kə tii kə n loʼ nə̀ ghə n tɔ̀ɔ tii nə badla tədzəm, zɔʼ tsu mə̀ŋ tii nə təluʼu təsəghəmbəghə.

Chi dii 5:13

Mə n zow ndow fə̂ wən udzəm Zə̀ kə â bɔm idəŋ, n ghəlikətsə, n tənə ghəlikətsə nsə n nali kə dzuu u zhimnə nə̀, “Tə wù wən tə doʼnə n kuu kə fɔɔ nsə tə waa njì, ibuulə, ingɔɔmə, ukali nsə daʼa kə loʼ u ghə wə, tə̀ mbi nə bə may.”

Chi dii 6:16

Ghə n dza ndow tə̀ kaʼa tə nsə naa u tii wə nə̀, “Bwu tsu bə n kow ghey, wə nyi naŋa tsu ghey, kə wù wey tə doʼnə n kuu kə fɔɔ nə koʼonə ghey, nsə nə̀ kə nəghə u fəə u Waa Nji wey i bwu n kow ghey,