Chi dii 4:11 - Kaa n Kəzə̀ n fəghə mə

¹¹ “Mûkəbii ghey nsə Zə̀ kə ghey kə, wə kɔʼ kpiinu nə̀ ghə̂ ghə i fuu wɔ n kɔʼlə mə, ngɔɔmə soʼo wɔ n daʼa key wə khənə. Â bɔm wɔ fə wə udzəm, â tsəm soʼo wɔ nə̀ fə wən i loʼ, u keeli soʼo imuu.”

Chi dii 4:11 ပူးပေါင်းရင်းမြစ်များ

Kəfwaʼ 14:15

“Kə̂ ghaa nə ghəŋŋənə ghəə ghən, ghey loʼ soʼo ghə̂ a sɔŋtsuʼ tə a loʼ ghaa! Ghey fa bə ni bə naʼa tûm i dzuŋu zə tə̀ ghaa, nə̀ ghaa loʼ ni kwey nuu bə fə̀ŋ tə ghaa n ghəə ghən a gaamə way ghaa, ghaa i ngɔɔmə ndow Zə̀ kən kə loʼnə utaw. À loʼ Zə̀ kən kə loʼnə utaw kə â bɔmnə mbi idzəm, tɔŋɔ bəkighow, ghəlikətsə, tədzuu, nsə fə wey tii udzəm.

Kəfwaʼ 17:24

Zə̀ key kə â bɔm mbi nsə fə wən udzəm tii, a loʼ wi Mûkəbii ə bikighow nsə ghəlikətsə kə. Tə muu dzə way n ndaw nə a faalə wù sɔŋtsuʼ.

Roma 11:36

I loʼ sey n təŋkey, à loʼ Kəzə̀ kə fwaʼnə fə wə udzəm. À naŋŋə wi fə wə udzəm, à loʼ wi tə khənə fə wə udzəm. Saa khə ni fuu kɔʼləmə tə Zə̀ kə nəŋə tədzəm. Zə i loʼ sey.

Efesus 3:9

Sey nə̀, n chi dii tə̀ ghə̂ ghə adzəm fa n mbi, ghəə ghən Zə̀ kən kə â bɔmnə fə wə udzəm â nyi naŋanə n num tə sə isə tə.

Hibru 1:10

I tɔ̀ɔ doʼo soʼonu nə̀ Zə̀ kə dza nə̀, “Mûkəbii, à loʼ wɔ wə â bɔmnə fə wə udzəm n ghəlikətsə tə̀ mbi a nə kaʼnə, Fə wən udzəm u loʼ idəŋ, â loʼ soʼonə wɔɔ a kəfwaʼ ghə ghə.

Hibru 1:2

Abə nya n num tə tən, Zə̀ kə ghɔɔmə bə aghəə tə̀ saa n bam i waa wi. À loʼ waa wi wən Zə̀ kə â bɔmnə fə wə udzəm n bam i wi, à loʼ soʼo wi Zə̀ kə â sày naŋanə nə̀ à i zə̂ wi fə wə udzəm fa n mbi.

Chi dii 1:6

A loʼ wi tə ghəŋənə nə̀ saa doʼo bə ghə̂ a wi, saa doʼo soʼo ghə fɔɔngili ni fwaʼa tə Zə̀ kə tə loʼ Bày wi. Nkɔʼlə n dzəm nsə daʼa wə udzəm n mbi loʼ u wi wə tə̀ mbi nə bə may. Zə i loʼ sey.

Chi dii 10:6

Tə n kaa tsu n zəd i Zə̀ kən kə loʼnə utaw nəŋə tədzəm, tə wən tə â bɔmnə dəŋ kə, ghəlikətsə, nali kə dzuu nsə fə̂ wey u loʼ tii udzəm. Tsəndəghə zey n dza tsu nə̀, “Ghab kə i kəm shi way!”

Chi dii 14:7

Tə n dza n dzə̀ i taw zə nə̀, “Ngɔɔmə na Zə̀ kə, ghaa fuu soʼo nkɔʼlə tə wi, n təŋkey, nəŋə zey tə khə ni saʼ aghə̂ tii n kpi. Ghaa ngɔɔmə wù wən tə â bɔm bikighow kə, ghəlikətsə, nali kə dzuu nsə tɔŋ n tədzuu mən mmuu n bənə shiənə tii.”

Chi dii 19:1

Ambə tsəndəghə Kəzə̀ u nii nii wey ghɔɔmə may tsu ghəə a ghən, mə zow ndow dəm kə loʼ kə, kə kwɔɔ bənə idəŋ tə a loʼ nɔɔ kə aghə̂. Ghə n dza shiə kɔʼɔ n dzə̂ tə taw tə nə̀, “Ukali tə Zə̀ kə! À loʼ wi tə bəghəshiənə ghə̂ ghə, Aghə̂ adzəm fuu nkɔʼlə tə wi, À loʼ Zə̀ kə saa kə khənə daʼa wə udzəm

Chi dii 5:12

Ghə n zhim shiə kɔʼɔ idəŋ nə̀, “A kɔʼ kpi waa njì zən ghə â weynə ni keeli kədaʼa, ikum, utɔb, nsə nùŋ wə ingɔɔmə, ibuulə nsə kɔʼlə mə!”

Chi dii 5:2

Mə n koʼ ndow tsəndəghə u nii u loʼ wə tə naʼlə shiə kɔʼɔ n dzə i taw zə nə̀, “À loʼ ndee tə kɔʼ kpiinə ni zhwey nuu kɔʼ mə̀ŋ zən, tə zìilə chi kɔʼ màʼlə kə kən ə?”

Chi dii 5:9

Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.