Chi dii 4:10 - Kaa n Kəzə̀ n fəghə mə

¹⁰ Ngəd tey nghəm nbəghə n ghii tə təkaykə n təm ndow tənguʼ n sə kə wù wən tə doʼnə n kuu kə fɔɔ key. Ghə ngɔɔmə wù wən tə loʼnə utaw nəŋə tədzəm. Ghə n tsɔʼ maʼa taŋŋə u təfɔɔ u ghə n sə kə kuu kə fɔɔ dzaa tsu nə̀,

Chi dii 4:10 ပူးပေါင်းရင်းမြစ်များ

Matyo 2:11

Ghə n nyi ndòw fu n ndaw, koʼ tsu nay waa, tɔŋŋə Maliya ghî waa tii. Ghə n təm ndòw tənguʼ n tənə wi, ngɔɔmə wi, daŋŋə shiələ bə fə wey ghə mə bənə n ghii wə, itsàa, nsə nəŋ zə, nsə mmvə n ləmmə n loʼ mə, ghə tɔŋŋənə nə̀ a loʼ “Maya.”

Lukas 24:52

Ghə n ngɔɔmə wi, nuu dzəŋŋə ndòw n Yerosalem n duʼlə i nii zə.

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

Chi dii 10:6

Tə n kaa tsu n zəd i Zə̀ kən kə loʼnə utaw nəŋə tədzəm, tə wən tə â bɔmnə dəŋ kə, ghəlikətsə, nali kə dzuu nsə fə̂ wey u loʼ tii udzəm. Tsəndəghə zey n dza tsu nə̀, “Ghab kə i kəm shi way!”

Chi dii 11:16

Ngəd tey nghəm nbəghə nsə ghə̂ ghə akaykə, ghə â doʼnə n kuu u təfɔɔ u ghə n sə K-a-zə̀, n bwu fəə ndow tûm n təsə̂ n ghə a ghəlitsə, ngɔɔmə ndow Kəzə̀.

Chi dii 15:4

A loʼ ndee tə i tsəŋə way wɔ a Mûkəbii? À loʼ ndee tə i tuunə ni ney bə nkɔʼlə n zəd zə ə? À may kə wɔ wə zownə Naʼa tədzəm i bəghənu Ghə fuu wɔ n kɔʼlə mə, N təŋkey aghə̂ adzəm n koʼ nə̀ wə ghəŋŋə ghəə a loʼnə tsətsəghə.”

Chi dii 15:7

Kəfə kəmɔʼ n fə wey ukaykə u loʼnə utaw n fuu ndow ndzəŋ tə itsàa təsəghəmbəghə tə tsətəndəghə tə Kəzə̀ tey təsəghəmbəghə. N ndzəŋ tə itsàa tə tii tə, â luu doʼo tən kə nəghə u fəə u Zə̀ kən kə muunə nəŋə tədzəm.

Chi dii 19:4

Ngəd tey nghəm nbəghə nsə ghii tə təkaykə nsə fə̂ wey ukaykə u loʼnə utaw n bwu ndow a ghəlitsə, fuu ndow ingɔɔmə tə̀ Zə̀ kə, tə doʼnə n kuu kə fɔɔ, dza tsu nə̀, “Zə i loʼ kə sey! Kali u loʼ u Kəzə̀ wə!”

Chi dii 4:2

N nəŋə i tii zə kə, Zay kə Zow kə n nyi bə n kow mə, mə n koʼ ndow kuu kə fɔɔ idəŋ nə wù loʼ doʼ tii.

Chi dii 4:4

Kuu wə u təfɔɔ nghəm bəghə n ghii wə ukaykə n taʼ dzəŋ tsəghə bə n kuu kə fɔɔ key. N kuu u təfɔɔ wən, a n doʼ təngəd nghəm nbəghə n ghii tə təkaykə, nə̀ ghə n dzəŋə keeli ndzə tə fəmə tə nsə taŋŋə u təfɔɔ wə nə kətow nə̀ ghə faalə nə itsàa.

Chi dii 4:9

Nəŋə tədzəm fə̂ wey u ukaykə u loʼnə utaw n zhim tədzaŋa, fuu nkɔʼlə, ngɔɔmə, fuu soʼo kəzɔŋŋə tə wù wən tə doʼnə n kuu kə fɔɔ kə tii kə, nə̀ tə nə kpu koʼ way tə mbi nə bə may.

Chi dii 5:14

Fə wey ukaykə u loʼnə utaw n dza tsu nə̀, “Zə i loʼ sey.” Ngəd tey n təm ndow tənguʼ aghəd, fuu ndow ingɔɔmə tə̀ wù wey tə â doʼnə n kuu kə fɔɔ key nsə Waa Nji zey.

Chi dii 5:8

Ambə i ney kɔʼnə, fə wey ukaykə u loʼnə utaw nsə ngəd tey nghəm nbəghə n ghii tə təkaykə n təm bə tənguʼ n tənə waa njì zey. Kay n khə bəghəm kə fətii nsə bɔm tə itsàa tə n wɔɔ nə̀ à tii luu doʼo kə inəŋ i loʼnə gɔŋŋə tə ghə̂ a Kəzə̀ ghə.

Chi dii 7:11

Tsətəndəghə tə Kəzə̀ tey tədzəm n təmi dzəŋ tsəghə bə kuu kə fɔɔ key, ngəd tey nsə fə wey ukaykə u loʼnə utaw. Ghə n daŋŋə bwu fəə ndow tûm n təsə̂ a ghəlitsə, fuu ndow nkɔʼlə Zə̀ kə.