Chi dii 3:3 - Kaa n Kəzə̀ n fəghə mə

³ Moʼlə tsu ghəə zey ghə â diinə ghaa tii nsə ghəə ghey ghaa â zownə. Ghaa i dzûmə ndow ghəə a tii ghə, ghaa kweyyə nuu bə soʼo fə̀ŋ tə ghaa n ghəə a bəbə ghey ghaa ghəŋŋənə. Abə ghaa ka zhəm nuu kɔʼ, mə i bə n kow ghaa tə a loʼ wù tsɔŋɔ, ghaa i keeli soʼo way nəŋə zey mə i bəghənə tii.

Chi dii 3:3 ပူးပေါင်းရင်းမြစ်များ

Matyo 25:13

Sey, təmi kɔʼ na n fuu zə, n təŋkey, ghaa khə dzə way tsuʼ fey nkee nəŋə zey Waa weynum î bəghənə tii.”

Malakus 13:33

Sey, təmi kɔʼ na nə ifuu nə igɔŋŋə, ghaa i ghə̂mə tənə, boʼnə ghaa khə way nəŋə zey ghəə ghən i neynə bənə kə.

Malakus 13:36

I kə̂ ghaa nə̂ bəghəmnə nə̀ tə gbəllə bə kwɔɔlə ghaa nə̀ ghaa bweelinu.

1 Tesalonika 5:2

N sey dza n təŋkey, wû i ghaa, ghaa khənu nə̀ Mûkəbii nə̂ vuŋŋə bəghə tə̀ wû tsɔŋɔ nə̂ bəghənə tii n tsuʼu tə.

1 Timoti 6:20

Timoti, tɔʼɔ kwu keeli fə key Zə̀ kə fuu naŋanə tə wɔ nə̀ wə i keyyə. Kə wə nə zəllənə ghɔɔmə tən tə fuu way ngɔɔmə zə tə Zə̀ kə nsə ghɔɔmə tə laʼlə tən ghə̂ a loʼ a dza nə̀ a loʼ utɔb loʼ sey nə̀ à way dzə utɔb.

2 Timoti 1:13

Tɔʼɔ kwu keeli dzɔb tsu ghəə ghən adzəm mə â dii bənə tə wɔ, tə a loʼ jìi zey i kpiinə tə wɔ ni dzûmə. Nghee wə bəghəmnə tə Klisto, khə soʼo iləghə n kow ghə̂ ghə, wə i loʼnu ni dzûmə jii zən n təŋkey wə loʼ nə kəfə kəmɔʼ ghi Yeso Klisto.

Hibru 2:1

À wey loʼ ghə i tii zə saa khə ni tɔʼ ney ighə̂mə n ghəə ghən saa zownə. Sey nə̀, kə ghə i loʼ i nə sìi dzəŋŋənə saa.

2 Pita 1:13

N moʼo nə̀ i ndzəm kpiinu tə mə ni zəŋŋə zeeli bə ghaa nya wən n nam loʼnə n tow kə nə̀ kə wù ghaa u loʼ u nə neyzəənə ghəə a tii ghə.

2 Pita 3:1

Fə ghuŋ a dzuŋu ghə, màʼlə kən nya ghəŋŋə ndow umàʼlə ubəghə n tɔ̀ɔ bənə tə̀ ghaa. N màʼlə wən ubəghə n tɔ̀ɔ bənə ni maŋ zəŋŋə bə ghaa n ghəə ghey ghaa khə dzənə, loʼ ni ghəŋə nə̀ ghaa i tɔʼɔ moʼlə tsu ghəə a tii ghə n fə̀ŋ tə zow tə.

2 Pita 3:10

A kee loʼ soʼo nə̀ tsuʼ fey Mûkəbii i bəghənə tii, wù loʼ i keeli naŋa way. Tə i bəghə nə̀ ghaa ka keeli naŋa tə̀ wù tsɔŋɔ nə bəghə nə̀ ghaa ka keeli. N tsuʼ fə tii fə, dəm kə nə kwɔɔ nghee dəŋ kə saŋa nuulə nyiə ndownə. Zə̀ kə nə ləŋi maʼa fə wən udzəm u loʼnə idəŋ nə uvələ. Ghəlikətsə nsə fə wən udzəm u loʼnə tii i saŋ nuu tsu.

Chi dii 16:15

Mûkəbii n dza nə̀, “Koʼo, n bəghə tə a loʼ wù tsɔŋɔ! Zə̀ kə i buulə wù wən tə i bweeli way, tə i loʼ tən soʼonə n ndzə̂ tə wi tə nə uwû, sey nə̀ kə tə i bwey kaabə n wû u zum wə, kə tow kə i dəd soʼo wi nə̀ tə loʼ ghi wuŋ wə bii.”

Chi dii 2:25

N kee ləghə kə nə̀ ghaa bɔɔmə təmi taw tsu n bəghəm i fə̀ŋ i ghaa ni ndow kuum n nəŋə zey mə i bəghənə tii.

Chi dii 2:5

Moʼlə tsu nghee wə â buʼ loʼ tsə tii tə̀ wɔ ni bə bwu khə̂mə. Kweyyə nuu bə fə̀ŋ zə n ghəə a bəbə ghey ghaa ghəŋŋənə, wə i ghəŋŋə ndow ghəə ghey wə â buʼu ghəŋŋə tsənə. Nə̀ à way sey, mə i bə ney nuu kɔʼ nyəllə kə kədaa kə key n bənə kə wi.

Chi dii 22:7

Yeso dza nə̀, “Zow na! Mə i kuʼlə bəghənu! Zə̀ kə i buulə ghə̂ ghey ghə i dzûmənə ghɔɔmə zən ghə dza naŋa zeynə n màʼlə kən!”

Chi dii 3:11

Mə i kuʼlə bəghənu. Tɔʼɔ kwu keeli dzɔb tsu fə̂ key wə khənə, kə wù loʼ i bəkeeli naamə kə.

Chi dii 3:19

Ghə̂ ghən adzəm n ləghənə, mə n kpaa tsu ghə, mə n chɔd tsu ghə. Sey, ghaa khə ni ndzəm khə nə̀ ghaa numnu nkee ghaa kaynu, ghaa kweyyə nuu bə soʼo fə̀ŋ tə ghaa n ghəə a bəbə ghə.

Chi dii 3:2

Zhəm nuu kɔʼ nə təmbweeli ghaa kuu nyi ndow isəŋ n fə key kə loʼ nə̀ kə ka kam kpu may n kow ghaa n təŋkey, n ka kam koʼ dzə nə̀ fwaʼ kə ghaa kə kpiinu n sə kə Zə̀ kuŋ.