Chi dii 3:11 - Kaa n Kəzə̀ n fəghə mə

¹¹ Mə i kuʼlə bəghənu. Tɔʼɔ kwu keeli dzɔb tsu fə̂ key wə khənə, kə wù loʼ i bəkeeli naamə kə.

Chi dii 3:11 ပူးပေါင်းရင်းမြစ်များ

1 Kɔrint 9:25

I loʼ soʼo nə̀ ghə̂ ghey ghə nyəŋə baalənə ghə maʼlə tsu iwû ni naŋa kɔʼ ndow laŋ wey u laalənə ghəə â nyəŋə ghə. Ghə ghəŋŋə sey ni keeli kənaamə nə kə i doʼo tsuŋŋə way. Abə ghey, ghey kee nyəŋə ni keeli naamə key kə doʼlə tənə nə.

Filipi 4:5

Ghaa khə ni dii ndow tə̀ ghə̂ ghə adzəm nə̀ ghaa zuŋ loʼnu n mwam u ghaa, tənkey, nəŋə i Mûkəbii i fənə bə zə n shɔd.

2 Timoti 2:5

Wù wən tə nyəŋə ballənə, way dzə ni nyəŋ zə̂ kəfə abə tə nyəŋə way tə laŋ u nyəŋə u tii u diinə.

2 Timoti 4:8

Naamə kə ləmmə mə nya idəŋ n fwaʼ kə dzuŋu kən n fwaʼnə ghii kə. Naamə kə tii kə way kə tə mə, kə loʼ soʼo tə ghə̂ ghey adzəm ghə ləghənə ni koʼ tsuʼ fey Klisto i bəghə dzəŋŋənə ibam. À naamə kə tii kə naŋa Mûkəbii wən tə saʼanə ghə̂ ghə n jìi zey i loʼnə tsətsəghə.

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

Jems 5:9

Waazə ghə, kə ghaa nə̂ bəghəm nə̀ zuu zə i shiə n fəŋŋə kə ghaa, nə à way sey Zə̀ kə i saʼ ghaa. I loʼ sey n təŋkey, nəŋə i wù wey tə i saʼanə mbi zən ni bə n shɔd.

Chi dii 1:3

Wù wən tə i tɔŋɔnə ghɔɔmə zən nə̀ ghə̂ a zow, tə i keeli ibuulə. Ghə̂ ghəy ghə zow ghəə ghən a tɔ̀ɔ doʼonə fa, ghəŋə ndow ghəə a tii ghə, ghə i keeli soʼo ibuulə, n təŋkey nəŋə zə n shɔd tə ghəə a tii ghə ni ney kəbənə.

Chi dii 16:15

Mûkəbii n dza nə̀, “Koʼo, n bəghə tə a loʼ wù tsɔŋɔ! Zə̀ kə i buulə wù wən tə i bweeli way, tə i loʼ tən soʼonə n ndzə̂ tə wi tə nə uwû, sey nə̀ kə tə i bwey kaabə n wû u zum wə, kə tow kə i dəd soʼo wi nə̀ tə loʼ ghi wuŋ wə bii.”

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.

Chi dii 2:13

N khənu luʼu key wə muunə tii. N khənu nə̀ wə muu n luʼu key Satan bəghə doʼonə tii. Wə təmi tən tsu kə n zəd zuŋ. Wə ka tuu maʼa dzə bəghəm i fə̀ŋ zən ghaa khənə n kow mə. N tsuʼu mən ghə â wey maʼanə Antipas wən tə â tɔʼ tiilə dzanə ghəə ghə bòʼ mə tə ghə̂ ghə n naʼ zə, wə n ka tsəm tuu maʼa mə.

Chi dii 2:25

N kee ləghə kə nə̀ ghaa bɔɔmə təmi taw tsu n bəghəm i fə̀ŋ i ghaa ni ndow kuum n nəŋə zey mə i bəghənə tii.

Chi dii 22:12

Yeso dza nə̀, “Koʼo! Mə i kuʼlə bəghənu! N bəghənu n naamə kə, ni naamə kay wù nghee tə̀ tə fwaʼ kuumnə tii.

Chi dii 22:20

Wù wey tə tiilə dza bənə ghəə ghən, dza nə̀, “Ndzəm ndzəm! Mə i kuʼlə bəghənu!” Zə i loʼ kə sey. Bəghə a Mûkəbii Yeso!

Chi dii 22:7

Yeso dza nə̀, “Zow na! Mə i kuʼlə bəghənu! Zə̀ kə i buulə ghə̂ ghey ghə i dzûmənə ghɔɔmə zən ghə dza naŋa zeynə n màʼlə kən!”

Chi dii 3:3

Moʼlə tsu ghəə zey ghə â diinə ghaa tii nsə ghəə ghey ghaa â zownə. Ghaa i dzûmə ndow ghəə a tii ghə, ghaa kweyyə nuu bə soʼo fə̀ŋ tə ghaa n ghəə a bəbə ghey ghaa ghəŋŋənə. Abə ghaa ka zhəm nuu kɔʼ, mə i bə n kow ghaa tə a loʼ wù tsɔŋɔ, ghaa i keeli soʼo way nəŋə zey mə i bəghənə tii.

Chi dii 4:10

Ngəd tey nghəm nbəghə n ghii tə təkaykə n təm ndow tənguʼ n sə kə wù wən tə doʼnə n kuu kə fɔɔ key. Ghə ngɔɔmə wù wən tə loʼnə utaw nəŋə tədzəm. Ghə n tsɔʼ maʼa taŋŋə u təfɔɔ u ghə n sə kə kuu kə fɔɔ dzaa tsu nə̀,

Chi dii 4:4

Kuu wə u təfɔɔ nghəm bəghə n ghii wə ukaykə n taʼ dzəŋ tsəghə bə n kuu kə fɔɔ key. N kuu u təfɔɔ wən, a n doʼ təngəd nghəm nbəghə n ghii tə təkaykə, nə̀ ghə n dzəŋə keeli ndzə tə fəmə tə nsə taŋŋə u təfɔɔ wə nə kətow nə̀ ghə faalə nə itsàa.