Chi dii 3:10 - Kaa n Kəzə̀ n fəghə mə

¹⁰ Nghee wə naŋŋənə laŋ kuŋ kə ni kow fə̀ŋ, mə i bəghəm way nə̀ kaakaa fə mɔm wɔ n nəŋə zə uchɔd. Chɔt u bəghənu fa n mbi ni mɔm koʼ ghə̂ ghey adzəm ghə muunə fa a ghəlitsə.

Chi dii 3:10 ပူးပေါင်းရင်းမြစ်များ

Matyo 24:14

Ghə i naʼlə Tûm i dzuŋu zən bòʼ Fɔɔ u Kəzə̀ n naʼa tə mbi tən tədzəm tə̀ ghə̂ adzəm a zow tsu, sey mbi i daŋŋə may.”

Matyo 26:41

I ghə̂mə tsu na, ghaa i gɔŋŋə tsu nə̀ kə fə kə nə chimmənə ghaa nə̀ ghaa ghəŋə ghə i bəbə i loʼ zə n təŋkey fə̀ŋ tə ghaa tə ləghənu ni ghəŋə ghəə zey i loʼnə tsətsəghə, à kee loʼ kə nə̀, gow uwû ghaa khə way daʼa kə ni təmi taw.”

Matyo 6:13

Kə wə nə bəghəm nə̀ vəətsəə a mɔm koʼ ghey, Kee bəghəshi kə ghey n wɔɔ kə avəətsəə.’

Malakus 14:9

N kùm dza bə tə̀ ghaa nə̀, abə ghə î naʼlə kənə ghɔɔmə i Kəzə̀ zə n luʼu kə ghaa kə fa n mbi, ghə̂ ghə î zəŋŋə soʼonu ghəə zən weyzən wən ghəŋənə ni moʼlə tsuu wi.”

Lukas 2:1

N nəŋŋə i tii zə, Kaysa Ogostus n tsəʼlə tsu kəlaŋ nə̀ ghə ney taŋ aghə̂ ghey adzəm ghə loʼnə n naʼ i Roma.

Tùm i dzuŋu zə kuum Yeso Klisto tə Jɔn â tɔɔnə 17:6

Mə n chi dii wù wey wə loʼ ghii wə tə̀ ghə̂ ghey wə â say shi bənə fa n mbi, fu bə tə̀ mə. Ghə â khə loʼ tsə ghə̂ ghə, wə n say shi bə ghə, fuu bə ghə tə̀ mə, ghə a naŋŋə ghɔɔmə zə zə̀.

Roma 1:8

Ni zey tsu, n fuu kəzɔŋŋə tə Zə̀ kuŋ kə n bam i Yeso Klisto bòʼ ghaa adzəm, n təŋkey ghə kali ghaa mbi idzəm n ndzoʼo bəghəm i fə̀ŋ zey ghaa khənə.

1 Kɔrint 10:13

Keeli tsu na nə̀ ghə i loʼ i way zə i bə mɔm koʼonə ghaa nə̀ i ka kam mɔm koʼ tsə ghə̂ a nuu ghə. A kee loʼ nə̀ Zə̀ kə naŋŋənu ghɔɔmə i wi zə. Sey tə î way dzə ni bəghəm nə̀ ghə i loʼ i mɔm koʼ ghaa nə̀ ghaa i taw tsəghə way ghə i tii zə. Abə ghə i loʼ i kee mɔm koʼnə ghaa, tə i diinu ghaa n jìi tə̀ ghaa loʼ tyi shi tii, sey nə̀ ghaa loʼ ni kow fə̀ŋ n ghə i tii zə.

Efesus 6:13

À wən loʼ ghə i tii zə ghaa khə ni dzəŋə kɔʼ fə u tsam wən udzəm Zə̀ kə fuunə, sey nə̀, abə tsuʼ fə bəbə fə i bənə, ghaa i loʼ ni təm zə̂ ghə̂ a təngəmə a ghaa, nsə nə̀ abə ghaa təm zə̂ kɔʼnə ghə, ghaa i nam khə daʼa kə ni təmi taw tsu n bəghəm i ghaa.

2 Timoti 2:12

Abə saa tɔʼ kow tsunə fə̀ŋ tə, Saa i dzəŋi saʼa soʼo mbi ghi wi. Abə saa tuu maʼanə wi, Tə i tuu maʼa soʼo saa.

Jems 3:12

Waazə ghə, nghee tə i loʼ nə̀ kaʼ fə angəm fə way ni mə̂ bə tam u kaʼ fə nndzaŋ, kaʼ fə təlami fə u way ni mə̂ bə angəm, a loʼ ighələ, tɔŋ fə dzuu fə dzəə fə way ni fuu shi kɔʼ bə muu n zow mə.

1 Pita 4:12

Fə ghuŋ a dzuŋu ghə, kə dzuu zə i zum ghaa n ngaamə kə ifəghə kən ghaa fəʼlənə nya. Ghəə a tii a maŋ loʼ kə ni mɔm koʼ bəghəm i fə̀ŋ i ghaa. Ghaa loʼ ni moʼlə nə̀ à loʼ ghəə i fəghə i loʼ zə i shiənə n kow ghaa.

2 Pita 2:9

Abə i loʼnə sey, i sey dii nə̀ Mûkəbii khənu jìi zey tə i bəghəshiənə ghə̂ ghey ghə ghəŋŋənə ghəə ghey a kpiinə tə̀ Zə̀ kə abə ghə keelinə mɔʼ koʼ kə, tə u khə soʼo jìi zey tə loʼ ni chɔdlɔ ghə̂ ghey ghə ghəŋŋə ghəə ghey a kpiilə way tə̀ Zə̀ kə ni ndow kuum n nəŋə zey tə i saʼanə ghə̂ ghə a tii.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

Chi dii 11:10

Ghə̂ ghən ghə muunə fa a ghəlitsə i duʼlənu bòʼ və i ghə̂ ghən abəghə. Ghə̂ ghə i zəə, ghə tûm kaabə soʼo unaamə n wû i ghə, ni dii tsu nə̀ ghə duʼlənu n və i tûm tə Kəzə̀ tən təbəghə n təŋkey ghə mâ ghəŋə nə̀ ghə̂ ghey ghə muunə fa a ghəlitsə ngii fəghə.

Chi dii 13:10

Abə wù loʼ nə̀ ghə khə ni kwu fìi naŋa wi n ndaw tsaʼ, ghə i teeli kwɔɔ fìi naŋŋənu wi. Wù wən i loʼ nə̀ ghə khə ni wey wi n kɔb, ghə i teeli weynu wi n kɔb. Ghəə ghən dii bə nə̀ ghə̂ a Kəzə̀ a zow a khə ni kow tsu fə̀ŋ, ghə n təmi taw tsu n bəghəm i fə̀ŋ i ghə n kow Zə̀ kə.

Chi dii 13:14

Faalə mən zə â diinə n ghəŋə nə̀ ghə fuu wi n daʼa kə nə̀ zə i saʼa n tow kə faalə kə nyam mbvən kə sə isə key. Zə n sii ndzəŋ ndəmə aghə̂ a ghəlitsə. Zə n dza tə ghə nə̀ ghə bɔm kɔʼ fəmuʼu tə ghə ni ngɔɔmə, fə fiilənə faalə kə nyam mbvən kə sə isə key ghə â nyîmmənə wi n kɔb, zə n nam loʼ kə utaw.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.

Chi dii 14:12

Ghəə ghən dii tsu nə̀ ghə̂ a Kəzə̀ a khə ni kow tsu fə̀ŋ, tɔŋŋə ghə̂ ghən ghə naŋŋə laŋ u Kəzə̀ bəghəm tən soʼo tə̀ Yeso.

Chi dii 14:6

Mə n daŋŋə koʼ ndow tsəndəghə Kəzə̀ u loʼ wə tə zəʼlə kaabənə idəŋ idəŋ, tə khə tûm i dzuŋu zən i fuunə muu zən i may way ni naʼa tə̀ ghə̂ ghən adzəm ghə muunə a ghəlitsə. Zə i naʼlə tûm i dzuŋu zə tə̀ sali ndaw tə tədzəm, təghɔɔmə tədzəm, təluʼu tədzəm nsə naʼa tə tədzəm.

Chi dii 16:14

Ghə loʼ zay wə avəətsəə wən ghə ghəŋŋənə ghəə a fənnə ghə. Zay wən utəghə shiə ndow ni ndow koʼ udəŋ udzəm n mbi, ni zuŋŋə naŋa bə ghə nə̀ ghə i zuu ballə Zə̀ kən kə khənə daʼa wə udzəm n tsuʼ fey mbi i maynə tii.

Chi dii 17:2

Də̀ŋ wən fa a ghəlitsə n nyəŋi tsəghə kaabə ndow ghi wi, ghə̂ a mbi ghə n khəə doʼo kɔʼ soʼo n nlə wi mey tə â fuunə tə̀ ghə nə̀ ghə i nyəŋi ghi wi.”

Chi dii 17:8

Nyam mbvən zən â buʼ loʼ tsə utaw, nyisa, i kee kəm way dzə utaw. Fəkəmə, zə i shi kɔʼ bə n fɔŋŋə k-a-bùʼ key kə kùʼu way, i ndow n luʼu key ghə i ləŋi maʼanə wi tii. Dzuu zə i zum ghə̂ ghən ghə muu n ghəlikətsə, ghə â ka kam tɔ̀ɔ naŋa zəd a ghə n màʼlə key ghə̂ ghey ghə i keelinə muu zə itsali zə loʼnə tii tə̀ mbi ni kaʼ. Dzuu zə i zum ghə ni koʼ faalə kə nyam mbvən key n təŋkey zə â buʼ loʼ tsə utaw, nyisa i kəm way dzə utaw, zə i nam bəghənu.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.

Chi dii 3:8

n khənu ghəə ghey wə ghəŋŋənə. N khənu nə̀ wə khənu nyaŋi fə kədaʼa fə, wə a ghəŋŋə ghəə ghey mə â diinə wɔ tii, ka tuu maʼa soʼo zəd zuŋ. Koʼo! Mə n chi naŋa fuʼ u ndaw wə tə wɔ nə wù loʼ tsəm way ni fìi naŋa.

Chi dii 6:10

Ghə n naʼlə shiə kɔʼɔ n dzə̀ tə taw tə nə̀, “Mûkəbii u ngii taw wə, wə zownu, ghey a loʼ soʼo ni gaʼ fə̀ŋ n kow wɔ. À loʼ zeeli wə i saʼanə ghə̂ ghən fa a ghəlitsə ni dey fuu ngəmə tə ghey nghee ghə weyyə kaabənə ghey ə?”

Chi dii 8:13

Mə n laalə ndow, mə n zow ndow boʼo tûm i zəʼlə kaabə idəŋ idəŋ, zə n dey shi bə n dzə̂ i taw zə nə̀, “Ohooo! Ohooo! Ngoʼ i faalə i bəghənu tə ghə̂ ghən fa a ghəlitsə bòʼ ghəə zən zə i shiənə abə tsətəndəghə tə Kəzə̀ tən tətəghə i tɔŋɔnə sɔŋ tə ghə tə.”