Chi dii 3:1 - Kaa n Kəzə̀ n fəghə mə

¹ Yeso n dza bə tə̀ mə nə̀, “Tɔ̀ɔ ndow tə̀ tsəndəghə ə Kəzə̀ zey i keyyənə dzəŋi kə dzûmə tə Klisto key n Sadis nə̀ wù wey tə̀ khənə Zày u Kəzə̀ wən usəghəmbəghə nsə səghəbələ mən nsəghəmbəghə, dza nə̀, n khənu ghəə ghey wə ghəŋŋənə. Wə dii bə tə wə loʼ utaw, loʼ sey nə̀ wə loʼ wù kpu.

Chi dii 3:1 ပူးပေါင်းရင်းမြစ်များ

Lukas 15:24

təŋkey, waa wùŋ wən mâ kpu, nya tə n zhəm dzəŋŋə bə. Tə mâ nay, a n kəm koʼ wi.” Sey ghə n kaʼ ni saŋŋə

Lukas 15:32

I kpiinu tə̀ saa ni saŋŋə, a duʼlə, n təŋkey, waazə wə wən tə â kpuunu, tə n bə dzəŋŋə utaw, tə â naynu, a n kəm koʼ wi.’”

Tùm i dzuŋu zə kuum Yeso Klisto tə Jɔn â tɔɔnə 1:16

Saa n keeli ndzuŋ kəm keeli kuulə bòʼ ləghə i wi zən tə khənə n kow saa naʼ idzəm.

Tùm i dzuŋu zə kuum Yeso Klisto tə Jɔn â tɔɔnə 1:33

Wû wuŋ, mə â khə way nə̀ à loʼ wi Zə̀ kə â dza naŋa nə̀ i tûm bənu, â loʼ Zə̀ kən kə â tûmnə mə nə̀ n bə fuu mmuu n Kəzə̀ nə n mmuu, kə â dzanə tə̀ mə nə̀, ‘Wù wey wə i koʼnə Zay kə Zow kə, kə tsuu mwaa tsunə n kow wi, a loʼ wi tə i fuunə Zay kə Zow kə.’”

Tùm i dzuŋu zə kuum Yeso Klisto tə Jɔn â tɔɔnə 20:22

Ambə Yeso dza tsunə sey, tə n zày ndow n kow ghə, dza tə̀ ghə nə̀, “Ney na Zay kə Zow kə.

Tùm i dzuŋu zə kuum Yeso Klisto tə Jɔn â tɔɔnə 3:34

Wù wən Zə̀ kə tûm bənə, ghɔɔmə bə ghɔɔmə i Kəzə̀, n təŋkey Zə̀ kə n fuu wi n Zay kə wi kə naʼ idzəm.

Kəfwaʼ 2:33

Zə̀ kən kə loʼnə Bày wi n kɔʼlə naŋa wi n kpii u wi u təmə wə, fuu wi n Zay kə Zow kə tə̀ tə â təb naŋanə. Ghəə ghən ghaa koʼonə fa nsə ghəə ghən ghaa zownə à loʼ Zay kə Zow kən Yeso fuu bənə tə ghey naʼ idzəm.

Efesus 2:1

Sə̂ i sə, ghaa â loʼ tsə tə̀ a loʼ ghə̂ ghey ghə kpu doʼonə boʼnə ghaa â naŋŋə way laŋ u Kəzə̀ wə, ghəŋŋə soʼo ghəə a bəbə ghə.

Efesus 2:5

Sey, nghee tə̀ saa â loʼnə tə̀ a loʼ ghə̂ ghey ghə kpu doʼonə bòʼ ghəə a saa a bəbə ghə, tə n fuu saa n muu zə nya nghee saa loʼnə nə kəfə kəmɔʼ ghi Klisto. À loʼ bòʼ ndzuŋ ə Kəzə̀, saa keelinə bəghəshi zə n bəb i saa.

Kolose 2:13

Ghaa â loʼ tsə tə a loʼ ghə̂ a kpuu ghə n sə K-a-zə̀ bòʼ ghəə a ghaa a bəbə ghə nsə nə ghaa a loʼ nə ghə ka kam səghə tyi u ghaa wə. Abə nya, Zə̀ kə n ghəŋə nə̀ ghaa doʼo bə utaw ghi Klisto, n təŋkey, tə n neyzəə ghəə a ghaa a bəbə ghə n ndzuŋə wi.

1 Timoti 5:6

A kee bə wey kpusə wən tə ləghə ni zəələ wû u wi wə, tə loʼ tə a loʼ wù kpuu, abə tə nam buʼ loʼ kə utaw.

Jems 2:26

Nghee tə i loʼ nə̀ wù wey tə loʼ nə̀ zay kə wi kə nuu n shi, loʼ wù kpuu, a loʼ soʼo ighələ ghi wù wey tə dza nə̀ i khə bəghəm i fə̀ŋ nə̀ tə ghəŋŋə way ghəə a dzuŋu ghə loʼ nə̀ bəghəm i fə̀ŋ i wi tii i maŋ loʼ kənunu.

1 Pita 1:11

Ghə n dəm tsu ni kəŋ keeli shi kɔʼ nəŋə i tii zə nsə jìi zey ghəə a tii ghə i neynə bənə kə. Â wən loʼ nəŋə zey Zay kə Klisto key kə loʼnə n kow ghə â dii naŋa ndownə ghə nghee wù wən Zə̀ kə â dza naŋa nə̀ i tûm bənu, i bə fəʼlənə tii nsə kɔʼlə mey tə i bə keelinə.

Màʼlə kə Jud tə̀ ghə̂ a Kəzə̀ ghə 1:12

Ghə̂ ghən loʼ tə a loʼ udzə, u dzəələnə ghaa abə ghaa ghi ghə dzəŋi zə̂ənə n kuubə tə. Ghə zə̂ə ghi ghaa nə̀ ghə khə way tow kə dədlə kə loʼ kə, ghə sə laalə tsu kənə ghow kə ibwey kə ghə kə. Ghə maŋ loʼ tə a loʼ mbaʼ tə ighow n bikighow, zəŋ maŋa fəəbə kaabə tsənə nə̀ tə way ni fuu koʼ ighow. Ghə loʼ soʼo tə a loʼ kaʼ fən abə nùm tii bənə, tam wə n way ni mə̂ koʼ tsə tii. Ghə loʼ tə a loʼ kàʼ mən ghə dənnə nuu shi kɔʼ bənə a ghəlitsə, mə u loʼ nə̀ mə n fɔɔ zum nuu.

Chi dii 1:11

Zə n dza bə tə̀ mə nə̀, “Tɔ̀ɔ tsu ghəə ghən wə i koʼonə nə̀ kəmàʼlə, wə tûm ndow tə dzəŋi u dzûmə tə Klisto wən usəghəmbəghə. Tum ndow màʼlə kə tii kə tə̀ dzəŋi kə dzûmə tə Klisto key n Efesus, Smayna, Pegamum, Tyatira, Sadis, Filadefya, nsə Lodishya.”

Chi dii 1:16

Tə n khə nsəghəbələ nsəghəmbəghə n wɔɔ kə wi kə zəə kə. Kɔb nə̀ i tɔbə badla təbəghə, zə n shi bə n dzuu i wi. Tum-usə̂ u wi wə n nyiəllə tə aloʼ mgbala kə tsə.

Chi dii 1:20

Ghəə zey i nyi doʼonə n səghəbələ mən nsəghəmbəghə wə â koʼnə n wɔɔ kuŋ kə zəə kə nsə nyəllə u kədaa wən usəghəmbəghə nə̀ ghə faalə nə itsaa dii nə̀, səghəbələ mən nsəghəmbəghə tey n tow u tsətəndəghə tən tə keyyənə dzəŋi u dzûmə tə Klisto wən usəghəmbəghə, nyəllə u kədaa wən a tey n tow u dzəŋi u dzûmə tə Klisto wən usəghəmbəghə.”

Chi dii 1:4

À loʼ mə Jɔn n tɔɔnə màʼlə kən. N tɔ̀ɔ bə tə̀ dzəŋi u dzûmə tə Klisto wən usəghəmbəghə u loʼnə n mboʼo Eshya. N gɔŋŋə nə̀ Zə̀ kə mə dii ghaa n ndzuŋ ə wi, tə fuu soʼo ghaa n buulə zə. À loʼ wi tə â loʼnə nə nzeyyə, tə loʼnə nyisa, à loʼ soʼo wi tə i bəghənə. N gɔŋŋə soʼo nə̀ zày u Kəzə̀ wən usəghəmbəghə u loʼnə n sə kə ndaŋ ə kədə̀ŋ ə Kəzə̀ dii ghaa n ndzuŋ, u fuu soʼo ghaa n buulə zə.

Chi dii 2:13

N khənu luʼu key wə muunə tii. N khənu nə̀ wə muu n luʼu key Satan bəghə doʼonə tii. Wə təmi tən tsu kə n zəd zuŋ. Wə ka tuu maʼa dzə bəghəm i fə̀ŋ zən ghaa khənə n kow mə. N tsuʼu mən ghə â wey maʼanə Antipas wən tə â tɔʼ tiilə dzanə ghəə ghə bòʼ mə tə ghə̂ ghə n naʼ zə, wə n ka tsəm tuu maʼa mə.

Chi dii 2:19

N khənu ghəə ghey ghaa ghəŋŋənə, n khənu ləghə zey ghaa khənə n wû i ghaa, n khənu bəghəm i fə̀ŋ zey ghaa khənə n kow mə, khə fwaʼ kə ghaa, khə soʼo nghee ghaa kownə fə̀ŋ tii. N khənu nə̀ fwaʼ key ghaa fwaʼanə nya, tsəghəshinu kə key ghaa â buʼu fwaʼa tsənə.

Chi dii 2:2

n khə maynu ghəə ghey wə loʼ nə̀ wə n ghəŋə. N khənu nghee tə wə kuunə səŋ zə a tii ni fwaʼ nsə nghee wə kownə fə̀ŋ tii. N khənu nə̀ wə way ni bəghəm naŋa ghə̂ ghey ghə ghəŋŋənə ghəə a bəbə ghə. N khə soʼonu nə̀ wə n mɔm koʼ ghə̂ ghən ghə tɔŋŋə wû i ghə zə nə̀ à loʼ ngəd tə Yeso loʼ sey nə̀ ghə way dzə, wə u keeli tsu nə̀ ghə loʼ ghə̂ a badla ghə aghəə ghə.

Chi dii 2:9

n khənu chɔd wə wə̀ nsə nghee wə laanə tii loʼ sey nə̀ wə kee kuumnu n ghəə a Kəzə̀. N khənu ghəə a bəbə ghey ghə̂ ghən ghə tɔŋŋə wû i ghə zə nə̀ à loʼ ghə̂ a Təjuu loʼ sey nə̀ ghə way dzə dza kaabə tsənə n tow kə. À ndaw kədzəŋi ghə khə Satan.

Chi dii 3:15

n khənu ghəə ghey wə ghəŋŋənə. N khənu nə̀ wə kay way, wə a num soʼo way. I mə dzɔbə nə̀ wə baa doʼo tən tsu kə nə kəbad kəmɔʼ.

Chi dii 3:2

Zhəm nuu kɔʼ nə təmbweeli ghaa kuu nyi ndow isəŋ n fə key kə loʼ nə̀ kə ka kam kpu may n kow ghaa n təŋkey, n ka kam koʼ dzə nə̀ fwaʼ kə ghaa kə kpiinu n sə kə Zə̀ kuŋ.

Chi dii 3:8

n khənu ghəə ghey wə ghəŋŋənə. N khənu nə̀ wə khənu nyaŋi fə kədaʼa fə, wə a ghəŋŋə ghəə ghey mə â diinə wɔ tii, ka tuu maʼa soʼo zəd zuŋ. Koʼo! Mə n chi naŋa fuʼ u ndaw wə tə wɔ nə wù loʼ tsəm way ni fìi naŋa.

Chi dii 4:5

N kuu kə fɔɔ key, ghow zə n mwallə shiə bə, bɔŋ mə n kwɔɔ shiə bə soʼo fu, ghow zə kəmə shiə bə soʼo fu. N sə kə kuu kə fɔɔ kə tii kə, saalə tə n bəʼlə fu təsəghəmbəghə. Saalə tən təsəghəmbəghə â loʼ Zày u Kəzə̀ wən usəghəmbəghə.

Chi dii 5:6

Mə n koʼ ndow waa njì i teynə n fə̀ŋ ə kuu kə fɔɔ key tə̀ ghə n wey, nə̀ fə wən u loʼnə utaw ukaykə nsə ngəd tə n taʼ dzəŋ tsəghə bə. Waa njì ə tii n khə təndɔŋ təsəghəmbəghə nsə sə̂ ghə asəghəmbəghə. Sə̂ ghən asəghəmbəghə loʼ zày u Kəzə̀ wən ghə tûm shi ndownə n badla tədzəm fa a ghəlitsə.