Chi dii 22:6 - Kaa n Kəzə̀ n fəghə mə

⁶ Tsəndəghə Kəzə̀ zey n dza bə tə mə nə̀, “Ghɔɔmə zən loʼ ghɔɔmə zən ghə̂ a loʼ gaʼ fə̀ŋ tii, zə a loʼ soʼo isəŋə. Mûkəbii, Zə̀ kən kə ghəŋŋənə nə̀ Zay kə wi kə dii ghəə ghə tə tûm tə Kəzə̀ tə. Tə n tûm bə tsəndəghə ə wi nə tə bə dii tə ghə̂ a kəfwaʼ a wi ghə, ghəə zey i khə ni teeli kuʼlə ney kəbənə.”

Chi dii 22:6 ပူးပေါင်းရင်းမြစ်များ

Chi dii 1:1

À wən loʼ màʼlə kə ghəə ghən Yeso Klisto a chi diinə tə̀ Jɔn. Zə̀ kə â fuu ghəə a tii ghə tə wi, nə̀ tə dii nduŋə ndow tə ghə̂ a kəfwaʼ wi ghə. Ghəə a tii a loʼ ghəə ghey ghə i kuʼlə neynə bənə kə. Ni ghəŋə nə̀ ghə keeli ghəə ghən, Klisto n tûm bə tsəndəghə wi tə wù kəfwaʼ wi tɔŋŋə Jɔn.

Chi dii 21:5

Wù wey tə â doʼnə n kuu kə fɔɔ key n dza nə̀, “Nya, n ghəŋŋə tsu ufə̂ udzəm u doʼo bə u fəghə wə!” Tə n dza kpiʼi bə tə mə nə̀, “Tɔ̀ɔ naŋa tsu ghəə a ghən, n təŋkey ghɔɔmə zən loʼ ghɔɔmə zey ghə̂ a loʼ ni gaʼ fə̀ŋ tii, loʼ soʼo isəŋə.”

Chi dii 19:9

Tsəndəghə Kəzə̀ zey n dza tə mə nə̀, “Tɔ̀ɔ naŋa tsu nə̀, Zə̀ kə i buulə ghə̂ ghən ghə tɔŋɔnə n zə̂ kə ney zə iwû i Waa Nji zey!” Tə n dza kpiʼi bə tə̀ mə nə̀, “À wən loʼ ghɔɔmə zən i loʼnə isəŋə, i nuu bə n wɔ Zə̀ kə.”

2 Pita 1:21

N dza sey n təŋkey, wù sɔŋtsuʼ u loʼ u way dzə tə â tsə̀m koʼ kɔʼnə n nəŋə wi ni dza ghəə ghey a nuu bənə n wɔ Zə̀ kə. Â fəd loʼ Zay kə Zow kə, kə â ghəŋənə nə̀ ghə i dza bə ghəə ghey a nuu bənə n wɔ Zə̀ kə.

Kəfwaʼ 3:18

À loʼ nə̀, à wən loʼ jìi zey Zə̀ kə neynə ni luulə ghəə ghən tə â naʼa naŋanə n wɔ tûm tə wi tə tədzəm nə̀, wù wi wey tə â dza naŋa nə̀ i tûm bənu khə ni teeli fəghə.

Lukas 1:70

tə̀ tə â khə dza naŋanə tə̀ tûm tə Kəzə̀ tə wi tə zow tə n num tə ibam tə nə̀,

Chi dii 18:20

Duʼlə n na a bikighow kə, duʼlə n na bòʼ və i weyzən wən! Ghaa ghən ghaa loʼnə ghə̂ a Kəzə̀, duʼlə n na! Ghaa ngəd tə Yeso nsə tûm tə Kəzə̀ tə, duʼlə n na! Ghaa duʼlə n təŋkey Zə̀ kə n wi saʼ Ghəŋə nə̀ tə fəghə ighələ tə̀ tə â ghəŋənə nə̀ ghaa fəghə.’”

2 Pita 3:2

N ləghə nə̀ ghaa i moʼlə tsu ghɔɔmə zey tûm tə Kəzə̀ tə zow tə â dza naŋanə tə̀ ghaa n num tə ibam tə, ghaa i moʼlə tsu soʼo laŋ wey ngəd tə Yeso tə â fuunə tə̀ ghaa nə̀ u nuu bə n wɔ Mûkəbii saa nsə bəghəshi ə saa.

Hibru 12:9

Abə saa loʼ ni zow tə̀ ghə bày a saa ghə fa n mbi nə̀ a maŋ loʼ wù sɔŋtsuʼ a dza ghə fɔɔlə tsu saa abə saa ghəŋə bəəbə tsunə, i sey dii nə̀ saa khə ni zaŋŋə mbad zow tə̀ Bày saa wey tə loʼnə idəŋ abə tə fɔɔlənə saa, sey nə̀ saa i keeli muu zə itsali.

Roma 1:2

Tûm i dzuŋu zən n naʼlənə loʼ i zən Zə̀ kə â təb naŋanə, ghəŋə soʼo nə̀ tûm tə wi tɔ̀ɔ naŋa n màʼlə kə wi.

Chi dii 22:7

Yeso dza nə̀, “Zow na! Mə i kuʼlə bəghənu! Zə̀ kə i buulə ghə̂ ghey ghə i dzûmənə ghɔɔmə zən ghə dza naŋa zeynə n màʼlə kən!”

1 Kɔrint 14:32

I loʼ nə̀, ghə̂ ghey Zay kə Zow kə fuunə ghə n naamə kə ni naʼlə bə ghəə ghey Zə̀ kə dzanə loʼnu ni kwu keeli wû i ghə tə̀ ghə ni ghɔɔmə umɔʼ umɔʼ.

Matyo 13:41

Waa wù sɔŋtsuʼ nə tûm bə tsətəndəghə tə Kəzə̀ tə wi, ghə nə bə say nuu shi bə ghə̂ ghey ghə ghəŋŋə nə̀ ghə̂ ghə i naŋŋə way laŋ u wi wə nsə ghə̂ ghey ghə ghəŋŋə ghəə a bəbə ghə n fɔ̀ɔ u wi,

Lukas 16:16

Laŋ u Mushi nsə tûm tə Kəzə̀ tə â gaamə tsə ghaa ni keeli ghəə a Kəzə̀ ni bə kùm tə̀ Jɔn wù fuu u mmuu Kəzə̀ mə â bə nə. Ni ney nuu bə n nəŋŋə i tii zə, n sa naʼlə kə tûm i dzuŋu zə bòʼ fɔɔ u Kəzə̀, ghə̂ ghə a fuʼunə ni nyi fu tii nə kədaʼa.

2 Tesalonika 1:7

Tə i ghəŋŋə nə̀ ghaa ghən ghaa fəʼlənə nya nə̀ ghaa keeli izayyə, tə ghəŋə soʼo nə̀ ghey zayyə. Zə̀ kə i ghəŋŋə ghəə ghən abə Mûkəbii Yeso i tsu bənə idəŋ ghi tsətəndəghə tə wi tə nii tə.

1 Kɔrint 7:29

Waazə ghə, ghəə zey n dzanə loʼ nə̀, nəŋə i Mûkəbii ni bə dzəŋŋə n shɔd. Sey, ni zey tsu nya ndòw n sə kə, gheynum ghey ghə khənə ghey ghə khə ni muu tə̀ a loʼ ghə̂ ghey ghə khə way ghey ghə,

Kəfwaʼ 12:11

Tɔb u Pita wə n daŋŋə fən nyi dzəŋŋə bə, tə n dza nə̀, “Mə n ndzəm keeli nya nə a loʼ isəŋə nə̀ Mûkəbii â tûm bə tsəndəghə ə wi nə̀ tə bə bəghəshi mə n wɔɔ kə Herɔd, tə bəghəshi soʼo mə n wɔ ghəə ghən adzəm ghə̂ Təjuu ghə â bayyə naŋa ni ghəŋə n kow mə.”

Chi dii 4:1

Ambə n koʼ may tsu ghəə ghən, mə n kəm keeli jim u loʼ wə, n jim u tii wə, mə n koʼ fuʼ u ndaw u chi doʼonə idəŋ. Mə zow ndow dzə i loʼ zə i ghɔɔmə bə nə tə mə, nə̀ i fuŋu tə a loʼ isɔŋ, zə n dza nə̀, “Kɔʼ bə fa tə n dii bə wɔ n ghəə ghən a khə ni teeli shi.”

Chi dii 21:9

Tsəndəghə Kəzə̀ umɔ̀ʼ n tsətəndəghə tə Kəzə̀ tey təsəghəmbəghə ghə â khənə bɔm tey təsəghəmbəghə nə̀ a tii luu doʼo tən kə zəŋ tən tə guŋŋə kɔʼnə təsəghəmbəghə n bə n səə mə dza tə mə nə̀, “Bə, mə i dii bə wɔ n weyzən, wey Waa Nji zey.”

Chi dii 22:1

Tsəndəghə Kəzə̀ zey n dii bə mə n dzuu zey i khənə mmuu mey n fuunə muu zə. Dzuu i tii n nyiəllə tə a loʼ tay mən n ngii kwɔɔnə wən zə ghə tɔŋŋə nə̀ a loʼ krista nə i kuŋu shiə bə kuu kə fɔɔ K-a-zə̀ nsə Waa Nji zey.

Chi dii 22:16

“Mə Yeso, mə n tûm bə tsəndəghə zuŋ nə tə bə naʼa bə ghəə ghən tə̀ ghaa n dzəŋi u dzûmə tə Klisto. N loʼ waa waa fɔɔ Devid, n loʼ səghəbələ fə n bələbələ tə fən fə nyiəllənə.”