Chi dii 22:2 - Kaa n Kəzə̀ n fəghə mə

² Dzuu tii n kuŋu tsəghə tsu ndow n fə̀ŋ ə jii inaʼ. Kaʼ mən n fuunə muu zə n loʼ n nguŋə tə dzuu tii. Kaʼ n tii mə n məə utam tənəŋə ighəm nsə ghii tə təbəghə nə kənum, dii tsu nə̀ mə â məə inəŋə imɔʼ n ndzɔŋ. Fəbə tə kaʼ n tii mə n loʼ utey ni baŋŋə dzaŋa tə aghə̂ tə nə tənaʼa tədzəm.

Chi dii 22:2 ပူးပေါင်းရင်းမြစ်များ

Lukas 4:18

“Zay kə Zow kə loʼ ghi mə təŋkey Zə̀ kə n mə sày nə̀ n naʼa tûm Kəzə̀ tə̀ ghə̂ a laa ghə, tə tûm mə nə̀ n ndòw naʼa bəghəshi i Kəzə̀ tə kɔt wə, n fù sə̂ a koʼo ghə tə̀ ghə̂ a fəbəghə, n bəghəshi ghə̂ ghey ghə loʼnə nə uchɔd,

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

Chi dii 2:7

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wən. Mə i fuu tsu kədaʼa tə̀ ghə̂ ghey ghə i taw tsəghəshiənə ghəə a bəbə ghə, ghə i kɔy nəghə tam wə n kaʼ fey fə fuunə muu zə, fə loʼnə n sum u Kəzə̀ idəŋ.”

Chi dii 21:21

Ghə à fwaʼ fuʼu n təmbaa mey ighəm nsə ghii mə nbəghə n tay n nyiələ mə ighəm nsə ghii mə nbəghə ghə tɔŋŋə nə̀ à loʼ peel. Ghə â faalə kay fuʼ u mbàa n peel imɔʼ. Ghə a faalə jii tə naʼ i tii zə n baa baa kə itsaa, nə̀ i zowwə tənə kə tə à loʼ lungali kən kə zowwə tɔɔlə nyi daŋŋə ndownə.

Chi dii 21:24

Ghə̂ a tənaʼa tədzəm ghə i bwey n luʼu tə baŋa tə nə̀ a kaʼi dii bə naʼ i tii zə daa kə, dəŋ wən fa a ghəlitsə i ney bə fə u ghə u zəələ wə iwû wə n naʼ i tii zə.

Chi dii 22:1

Tsəndəghə Kəzə̀ zey n dii bə mə n dzuu zey i khənə mmuu mey n fuunə muu zə. Dzuu i tii n nyiəllə tə a loʼ tay mən n ngii kwɔɔnə wən zə ghə tɔŋŋə nə̀ a loʼ krista nə i kuŋu shiə bə kuu kə fɔɔ K-a-zə̀ nsə Waa Nji zey.

Chi dii 22:14

Zə̀ kə i buulə ghə̂ ghey ghə sow ndzə̂ tə ghə tə nə̀ tə i zow, ghə i khə daʼa kə ni zə tam wən u məə n kaʼ fey fə fuu muu zə nsə ni tsəghə nyi n fuʼ u mbàa u naʼ tii zə.

Chi dii 22:19

Abə wù ney nuu shi kɔʼnə ghəə zə n ghɔɔmə zən ghə dza naŋa zeynə n màʼlə kən, Zə̀ kə i ney nuu tuʼ zey tə mə khə ni n tam wey u shiənə kaʼ fey fə fuunə muu zə tə ney nuu shi soʼo wi n naʼ i zow zey ghə tiilənə n màʼlə kən.