Chi dii 21:3 - Kaa n Kəzə̀ n fəghə mə

³ Mə n zow ndow dzə̀ i taw zə i ghɔɔmə bənə n kuu kə fɔɔ, dza nə̀, “Koʼo, luʼu key Zə̀ kə muunə tii, nya loʼ n fəŋŋə kə aghə̂! Tə i muulə dzəŋi ghi ghə, ghə i loʼ ghə̂ a wi. Zə̀ kə n wû u wi wə i loʼ ghi ghə, tə i doʼo soʼo Zə̀ kə ghə.

Chi dii 21:3 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 14:23

Yeso n beeli ndow wi nə̀, “Abə wù ləghənə mə, tə khə ni naŋŋə ghɔɔmə zuŋ zə, Bày wuŋ i ləghə soʼo wi, mə ghi Bày wuŋ i bə muu dzəŋi bə ghi wi.

2 Kɔrint 6:16

Muʼu n khə way ghə i loʼ zə ni ghəŋə ghi dzəŋi kə dzûmə tə Klisto kə. N dza sey n təŋkey saa loʼ ndaw Zə̀ kən kə loʼnə utaw, tə̀ Zə̀ kə dzanə nə̀, “Mə i muulə ghi ghə Mə i bwey soʼo n fəŋŋə kə ghə, Mə i loʼ Zə̀ kə ghə kə, Ghə i loʼ soʼo ghə̂ ghuŋ ghə.”

2 Kɔrint 6:18

Zə̀ kə, tə khənə daʼa wə udzəm dza soʼo nə̀, “Mə i doʼlə Bày ghaa, Ghaa i loʼ waa ghuŋ a num ghə nsə a zən ghə.”

1 Tesalonika 3:11

Ghey gɔŋŋə nə̀ Zə̀ kə, tə loʼnə Bày, loʼ soʼo Bày tə Mûkəbii saa Yeso Klisto, dii ghey n jìi zey ghey loʼ ni bə taa fey n səə ghaa.

Hibru 11:16

Ghə n fədlə mbuŋŋə ndow naʼ zey i dzɔb tsəghənə, tɔŋŋə naʼ zey i loʼnə idəŋ. Sey, Zə̀ kə dədlə way n tow kə abə ghə tɔŋŋənə wi nə̀ loʼ Zə̀ kə ghə bòʼ nə̀ tə n bayyə naŋa naʼ zə tə̀ ghə.

Hibru 8:10

Sey, Mə Mûkəbii, n dza nə̀, à wey loʼ kaa n fəghə mən mə i zə̂ənə ghi ghə̂ ghə Izree ghə N tsuʼu mən n bəghənə. Mə i kuu naŋa ndow laŋ wuŋ n tow u ghə N tɔ̀ɔ naŋa ndow soʼo n fə̀ŋ tə ghə. Mə i doʼlə Zə̀ kə ghə, Ghə i doʼo soʼo ghə̂ ghuŋ.

Hibru 8:2

Tə fwaʼa tə a loʼ fɔɔngili u nii nii wə n luʼu kən kə zow tsəghəshinə luʼu tə tədzəm. Luʼu kə tii kə, à ndzəm loʼ fəfəə à bəghənə Mûkəbii, à way dzə wù sɔŋtsuʼ tə bəghənə.

Chi dii 10:4

Ambə ghow i kə̀m tsunə tənəŋə təsəghəmbəghə, mə n ləghə ni tɔ̀ɔ tsu ghəə ghən n zow tsu, kəm fəd zow ndow dzə̀ i loʼ zə i ghɔɔmə bənə idəŋ, nə̀, “Nyi naŋa tsu ghəə ghən ghow zən i kəm tsunə tənəŋə təsəghəmbəghə dzanə. Kə wə nə tɔ̀ɔ naŋŋə soʼonə.”

Chi dii 10:8

Sey, dzə̀ zey mə â buʼ zownə idəŋ n kəm ghɔɔmə bə tə mə, dza tsu nə̀, “Ndow ney kɔʼ màʼlə key kə chi doʼonə n wɔ̀ tsəndəghə wey tə teynə n nali kə dzuu nsə n ghəlikətsə.”

Chi dii 12:10

Mə n daŋŋə zow ndow dzə̀ i taw zə idəŋ i dzanə nə̀, “Nyisa, Zə̀ kə n bə ni bəghəshi ghə̂ a wi! Nyisa, Zə̀ kə n dii daʼa kə wi kə tə a loʼ kədə̀ŋ! Nyisa wù wey tə â dza naŋa nə̀ i tûm bənu n dii daʼa key tə khənə, N təŋkey, vəətsəə ghey ghə â teynə n sə kə Zə̀ kə saa, sɔʼɔ zeeli kəwɔɔ tə̀ waazə a saa ghə n tsə tə nsə n tsuʼu tə, Ghə n tən maʼa shi wi idəŋ.

Chi dii 21:7

Ghə̂ ghən ghə i təmə zəənə ghəə a bəbə ghə, ghə i zəə fə̂ wən udzəm. Mə i doʼo Zə̀ kə ghə, ghə i loʼ waa ghuŋ ghə.

Chi dii 22:3

Fə kə loʼ kə nə doʼo koʼ way fu inaʼ nə̀ Zə̀ kə n ləŋ naŋa. Kuu kə fɔɔ K-a-zə̀ nsə kə Waa Nji kə i loʼ fu n naʼ i tii. A loʼ fu ghə̂ a kəfwaʼ a wi ghə i ngɔɔmənə wi.

Chi dii 7:15

Sey, ghə loʼ n sə̂ kə kuu kə fɔɔ u Kəzə̀, fwaʼa tə Zə̀ kə n tsə tə nsə n tsuʼu n fəə kə wi. Wù wey tə doʼnə n kuu kə fɔɔ key, tə i laalə tə ghə nghee tə doʼ dzə ghi ghə.