Chi dii 21:2 - Kaa n Kəzə̀ n fəghə mə

² Mə n koʼ ndow soʼo naʼ i zow zə, nə̀ a loʼ Yerosalem i fəghə zə, i shiə tsu bənə idəŋ nə̀ a fuu tsu bə Kəzə̀, nə̀ ghə n bayyə tə a loʼ weyzən ghə lab dzɔb tsu ni ndow fuu tə num.

Chi dii 21:2 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 3:29

Wù wey tə baa khənə weyzən n zə̂ kə ney zə iwû zə, loʼ num weyzən, fə̂ a num weyzən ə tii maŋa zəllə kə ni zow dzə̀ ə wi, ghə n duʼlə. À wey loʼ ndzoʼo ghəə zey i ghəŋŋə nə̀ mə i ngii khə duʼlə zə n fə̀ŋ zuŋ.

2 Kɔrint 11:2

N mbuŋŋə ni keeli nghee tə̀ ghaa loʼnə tii ighələ tə̀ Zə̀ kə mbuŋŋənə ni keeli. N ləghə ni fuu ndow ghaa tə̀ wù umɔʼ tɔŋŋə Klisto nə̀ ghaa khə way bwu i loʼ zə̀, tə̀ bày weyzən wən ghə â nyi naŋanə nə fuu ndownə waa wi wən tə̀ num nə̀ tə ka kam nyəŋi koʼ tsə ghi weynum.

Hibru 11:10

I loʼ sey n təŋkey, Abraham â ləmmə ni muu n naʼ i zən tsə̂ u tii u loʼ nə a səd Kəzə̀, nə̀ a loʼ soʼo Kəzə̀ kə bəghənə naʼ i tii zə.

Hibru 11:16

Ghə n fədlə mbuŋŋə ndow naʼ zey i dzɔb tsəghənə, tɔŋŋə naʼ zey i loʼnə idəŋ. Sey, Zə̀ kə dədlə way n tow kə abə ghə tɔŋŋənə wi nə̀ loʼ Zə̀ kə ghə bòʼ nə̀ tə n bayyə naŋa naʼ zə tə̀ ghə.

Hibru 12:22

Luʼu key ghaa kee bənə tii nya loʼ n Kaʼ u Zayɔn, naʼ i Zə̀ kən kə loʼnə utaw n Yerosalem zey i loʼnə idəŋ. Ghaa n bə n luʼu key ndəmə kam tə tsətəndəghə tə Kəzə̀ tə muunə fu nə̀ wù way ni taŋ may.

Hibru 13:14

Saa khə dzə way naʼ zən i doʼo tən nə tə̀ saa fa n ghəlikətsə, saa fədlə ləmmə ndow naʼ zey i nam khə ni bə.

Chi dii 1:1

À wən loʼ màʼlə kə ghəə ghən Yeso Klisto a chi diinə tə̀ Jɔn. Zə̀ kə â fuu ghəə a tii ghə tə wi, nə̀ tə dii nduŋə ndow tə ghə̂ a kəfwaʼ wi ghə. Ghəə a tii a loʼ ghəə ghey ghə i kuʼlə neynə bənə kə. Ni ghəŋə nə̀ ghə keeli ghəə ghən, Klisto n tûm bə tsəndəghə wi tə wù kəfwaʼ wi tɔŋŋə Jɔn.

Chi dii 1:4

À loʼ mə Jɔn n tɔɔnə màʼlə kən. N tɔ̀ɔ bə tə̀ dzəŋi u dzûmə tə Klisto wən usəghəmbəghə u loʼnə n mboʼo Eshya. N gɔŋŋə nə̀ Zə̀ kə mə dii ghaa n ndzuŋ ə wi, tə fuu soʼo ghaa n buulə zə. À loʼ wi tə â loʼnə nə nzeyyə, tə loʼnə nyisa, à loʼ soʼo wi tə i bəghənə. N gɔŋŋə soʼo nə̀ zày u Kəzə̀ wən usəghəmbəghə u loʼnə n sə kə ndaŋ ə kədə̀ŋ ə Kəzə̀ dii ghaa n ndzuŋ, u fuu soʼo ghaa n buulə zə.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

Chi dii 11:2

Ka kee fòʼ dzə bii key kə loʼnə fu n ndaw Kəzə̀ i nii zə, n təŋkey ghə n fuu tə̀ ghə̂ ghən ghə way ghə̂ a Təjuu ghə. Ghə i dəʼlə naʼ i zow zə nə aghow nə̀ təndzɔŋɔ nghəm nkaykə nsə ndzɔŋɔ tə təbəghə.

Chi dii 21:10

Zay kə Zow kə nyi bə n kow mə, tsəndəghə Kəzə̀ zey n boʼo kɔʼ ndow mə n kaʼ u dabə wə. Tə n dii ndow naʼ i zow zə tə mə, i loʼnə Yerosalem. Naʼ i tii zə n shiə tsu idəŋ nə̀ à fuu tsu bə Kəzə̀.

Chi dii 21:9

Tsəndəghə Kəzə̀ umɔ̀ʼ n tsətəndəghə tə Kəzə̀ tey təsəghəmbəghə ghə â khənə bɔm tey təsəghəmbəghə nə̀ a tii luu doʼo tən kə zəŋ tən tə guŋŋə kɔʼnə təsəghəmbəghə n bə n səə mə dza tə mə nə̀, “Bə, mə i dii bə wɔ n weyzən, wey Waa Nji zey.”

Chi dii 22:17

Zay kə Zow kə nsə wey Waa Nji zey dza nə̀, “Bəghə!” Wù wey tə zow ghəə ghən teeli khə ni dza soʼo nə̀, “Bəghə!” Wù wən fə̀ŋ ə mmuu zuʼlənə wi, tə bə. Wù wey tə ləghənə ni mə̂ mmuu mən n fuu muu zə nə̀ tə̀ ka tsə, tə bə mə̂.

Chi dii 22:19

Abə wù ney nuu shi kɔʼnə ghəə zə n ghɔɔmə zən ghə dza naŋa zeynə n màʼlə kən, Zə̀ kə i ney nuu tuʼ zey tə mə khə ni n tam wey u shiənə kaʼ fey fə fuunə muu zə tə ney nuu shi soʼo wi n naʼ i zow zey ghə tiilənə n màʼlə kən.

Chi dii 3:12

Wù wey tə i taw tsəghənə ghəə a bəbə ghə, mə i ghəŋə nə̀ tə doʼo kənyəllə n fəə kə Zə̀ kuŋ, nə̀ tə nə kəm zəghə maʼa koʼ way luʼu kə tii kə. Mə i tɔ̀ɔ tsu zəd i Zə̀ kuŋ n kow wi nsə zəd zə inaʼ Zə̀ kuŋ tɔŋŋə Yerosalem i fəghə zə, i zən i nuulə shiə tsu bə idəŋ n wɔ Zə̀ kuŋ kə. Mə i tɔ̀ɔ naŋa tsu zəd zuŋ i fəghə zə n kow wi.