Chi dii 20:4 - Kaa n Kəzə̀ n fəghə mə

⁴ Mə n koʼ ndow kuu wə udəŋ nə ghə̂ ghey ghə â doʼonə tii, ghə n fuu ghə n daʼa kə ni saʼ. Mə n koʼ ndow soʼo zay u ghə̂ ghən ghə â gboo tôw u ghə wə boʼnə ghə â tiilə dza aghəə bòʼ Yeso tiilə dza soʼo aghəə bòʼ ghɔɔmə i Kəzə̀. Mə n koʼ ndow soʼo ghə̂ ghey ghə â ka ngɔɔmə faalə kə nyam mbvən key, muʼu fey fə fiilənə wi, ka ney tsə̀ə faalə kə nyam mbvən key n kaʼ usə u ghə nkee n wɔɔ kə ghə. Ghə n doʼo bə utaw, saʼ soʼo tə a loʼ udəŋ ghi Klisto nə tənum kam.

Chi dii 20:4 ပူးပေါင်းရင်းမြစ်များ

Matyo 19:28

Yeso n dza ndòw tə̀ ghə nə̀, “N kuum dza bə tə̀ ghaa nə̀, abə Waa Weynum î doʼnə n kuu kə ufɔɔ kə wi kə nyiələ kə n mbi i fəghə zə, ghaa ghən ighəm n ghii ghə abəghə i doʼ soʼo fu n kuu u təfɔɔ, saʼa naʼa tə Izree tən ighəm n ghii tə təbəghə.

Matyo 24:10

Ndəmə aghə̂ ghə i buu doʼo n bəghəm i fə̀ŋ i ghə. Ghə i bàa wû i ghə zə, fìilə fuu wû i ghə.

Malakus 6:16

Ambə Helɔd zow tsunə ghəə ghən, tə n dza nə̀, “Jɔn wən mə â gboonə tow kə wi kə, tə n zhəm dzəŋŋə nə ivə.”

Malakus 6:27

Sey, tə n daŋŋə tsəʼlə kəlaŋ tə̀ wù wey tə keyyənə wi nə̀ tə ndòw gboo bə tow kə Jɔn. Sawgoʼ ə tii n nuu ndòw n ndaw tsaʼ, ndòw gboo tsu tow kə Jɔn.

Malakus 9:11

Ghə n bəb ndòw tə̀ Yeso nə̀, “À loʼ kee ghə̂ a dii a kəlaŋ a dzanə nə̀ a i bəghə dzə Elayja isə tə wù wən tə khə ni bə i sə bəghə?”

Lukas 1:17

Tə i bəghə n sə kə Bày. Tə i khə zay kə nsə daʼa kə, tə̀ tûm Kəzə̀ Elayja â khənə. Tə î bəghə təmə dzəŋi bə ghə bày nsə waa a ghə ghə̀. Tə i ney dzəŋŋə bə ghə̂ ghey ghə tawnə n tow kə tə Zə̀ kə, ghə kweyyə fə̀ŋ tə ghə, ghə keeli utɔb tə̀ a loʼ ghə̂ ghey ghə loʼnə tsətsəghə n sə̂ K-a-zə̀. Tə i bayyə naŋa tsu aghə̂ tə̀ Bày, tə î bəghənə.”

Lukas 14:14

kùmnə ghə i way ni tsə dzəŋŋə wɔ, sey, wə nə keeli ibuulə, abə ghə̂ ghey ghə loʼ tsətsəghə nə zhəm dzəŋŋə bənə nə ivə.”

Lukas 22:30

Sey nə̀ ghaa i loʼ ghi mə̀ n baŋŋə kuŋ, n fɔɔ wùŋ, ghaa i zəə, ghaa i məə, ghaa doʼo ndow n kuu u təfɔɔ ni saʼ naʼa tə Izree tən ighəm n ghii tə təbəghə.”

Tùm i dzuŋu zə kuum Yeso Klisto tə Jɔn â tɔɔnə 14:19

Fəkəmə, ghə̂ a mbi ghə i kəm way ni koʼ mə, abə ghaa, ghaa i kee koʼonu mə. Ghaa i muu, n təŋkey, n loʼ utaw.

Roma 11:15

I loʼ sey n təŋkey, abə i loʼ nə̀, nghee Zə̀ kə â tuu maʼanə ghə̂ a Təjuu ghə bòʼ bəb i ghə, zə â ghəŋə nə̀ ghə̂ a mbi a doʼo bə nə kəfə kəmɔʼ ghi Zə̀ kə, zə i boʼo doʼlə ngee abə Zə̀ kə kəm ney nyi bənə Juu tə ibam ə? Zə i bɔɔmə doʼlə kə tə̀ wù kpuunə zhəm dzəŋŋə bənə nə ivə, doʼo bə utaw.

Roma 8:17

Nghee saa loʼnə waa a Kəzə̀ ghə, saa i zə̂ə soʼonu fə wey Zə̀ kə â təb naŋanə tə ghə̂ a wi ghə. Saa ghi Klisto i dzəŋi zə̂ə soʼonu fə key Zə̀ kə â naŋanə tə wi. I loʼ sey n təŋkey, abə saa ndzəmə fəʼlə dzəŋinə ghi Klisto, saa i keeli soʼonu kɔʼlə mey tə khənə.

2 Timoti 2:12

Abə saa tɔʼ kow tsunə fə̀ŋ tə, Saa i dzəŋi saʼa soʼo mbi ghi wi. Abə saa tuu maʼanə wi, Tə i tuu maʼa soʼo saa.

Chi dii 1:2

Sey, Jɔn loʼ wù wən tə tiilə dza may bənə ghəə ghey adzəm tə â koʼnə. Ghəə a tii a loʼ kuum ghɔɔmə i Kəzə̀ nsə ghəə asəŋ ghey Yeso Klisto â diinə tə̀ wi.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

Chi dii 11:11

Nghee tsuʼu mən ntəghə nsə bòʼ kə tsəghə tsunə, Zə̀ kə n tûm bə zay kən kə fuunə muu zə, nyi bə n kow ghə. Sey ghə n doʼo bə utaw, nuu təmi kɔʼ nə ifuu. Tsəŋ i faalə zə n kwu ghə̂ ghey ghə â koʼnə ghə.

Chi dii 11:15

Jim wə n kəm bə mə. N jim u tii wə, tsəndəghə Kəzə̀ zey nə ulii usəghəmbəghə n tɔŋ tsu sɔŋ i wi, mə n zow ndow dzə̀ tə taw tə loʼ tə, tə fuŋunə idəŋ, dza bə nə̀, “Daʼa key ni saʼ fɔɔ u mbi zən Loʼ n wɔɔ kə Zə̀ kə saa ghi wù wey tə â dza naŋa nə̀ i tûm bənu, Tə i saʼa saa tə̀ mbi nə bə may.”

Chi dii 11:3

Mə i daŋŋə tûm bə aghə̂ abəghə nə̀ ghə n dzəŋə keeli ndzə̂ tə ivə tə nə̀ ghə bə tiilə dza aghəə bòʼ mə. Ghə i dza ghəə ghən n dzanə tə ghə. Ghə i ghəŋŋə sey nə̀ ntsuʼu kam nsə bɔm mə nbəghə nsə ghəm mə ntuubə.”

Chi dii 11:7

Abə ghə i tiilə dza may tsunə tûm ghə, faalə kə nyam mbvən zən i nuu shi kɔʼ bə n fɔŋŋə k-a-bùʼ kən kə kuʼu way, i bə zùu ballə ghi ghə. Zə i təm zə̂ kɔʼ ghə, i wey maʼa soʼo ghə.

Chi dii 12:11

Ghə â təm zə̂ wi n kaŋ tə Waa Nji tən ghə â fəələnə n zat kə fəkaʼ nsə nə isəŋə zən ghə â naʼlənə, dii tsu nə̀ ghə â tsəmə ləghənu ni fuu nuu muu i ghə, abə à buʼ loʼ kə ni kpu daŋŋə.

Chi dii 14:11

Nyoʼ kə uvələ key kə chɔdlɔnə ghə nə may koʼ way tə mbi nə bə may. Ghə̂ ghey adzəm ghə ngɔɔmənə faalə kə nyam mbvən zən nsə muʼu fey fə fiilənə wi, nsə ghə̂ ghey adzəm ghə khənə tsəə zəd i wi, nə doʼo koʼ way nə ghə fəʼlə way n tsə tə nsə n tsuʼu.”

Chi dii 15:2

Mə n daŋŋə koʼ ndow soʼo fə kə loʼ kə tə a loʼ dzuu kəlungali nə vələ u bəʼlə tii. Mə n koʼ ndow soʼo ghə̂ ghən ghə təm zə̂ dzə faalə kə nyam mbvən key, muʼu fən ghə bɔmnə nə̀ fə fiilə wi nsə taŋ ə zəd i wi. Ghə n tey fu n səə dzuu kəlungali zey n bəghəm u fətii wə n wɔɔ nə̀ à fuu Kəzə̀ tə ghə.

Chi dii 17:8

Nyam mbvən zən â buʼ loʼ tsə utaw, nyisa, i kee kəm way dzə utaw. Fəkəmə, zə i shi kɔʼ bə n fɔŋŋə k-a-bùʼ key kə kùʼu way, i ndow n luʼu key ghə i ləŋi maʼanə wi tii. Dzuu zə i zum ghə̂ ghən ghə muu n ghəlikətsə, ghə â ka kam tɔ̀ɔ naŋa zəd a ghə n màʼlə key ghə̂ ghey ghə i keelinə muu zə itsali zə loʼnə tii tə̀ mbi ni kaʼ. Dzuu zə i zum ghə ni koʼ faalə kə nyam mbvən key n təŋkey zə â buʼ loʼ tsə utaw, nyisa i kəm way dzə utaw, zə i nam bəghənu.

Chi dii 2:26

Wù wey tə i taw tsəghənə ghəə a bəbə ghə, kow tsu soʼo fə̀ŋ ni ghəŋə ghəə ghey n ləghənə ni ndow taa ndow, mə i fuu wi n daʼa kə ni saʼ naʼa tə tii tə.

Chi dii 20:6

Zə̀ kə i ngii buulə ghə̂ ghən ghə i ney dzəŋinə ghə ghi ghə̂ a sə isə ghən Zə̀ kə i zhəm dzəŋŋə bənə ghə nə ivə, tə ney soʼo ghə nə̀ ghə loʼ ghə̂ a zow ghə. Və i zən i dzûmə ndow i sə isə zə, khə way daʼa kə n kow ghə. Ghə i fəd doʼo bə ghə fɔɔngili ghey ghə fwaʼanə tə Kəzə̀ nsə tə Klisto, ghə i saʼa ghi wi nə tənum kam.

Chi dii 22:5

Ləm kə nə kəm doʼo koʼ way, daa kə nə kəm khə way fwaʼ kə loʼ kə nkee tsə̀ n təŋkey Mûkəbii tə loʼnə Zə̀ kə, i loʼ daa kə ghə, ghə nə saʼ tə a loʼ udəŋ nə tənəŋə tədzəm.

Chi dii 3:21

Wù wən tə taw tsəghənə ghəə a bəbə ghə, mə i fuu wi n bùʼ kə, tə doʼo dzəŋi ghi mə n kuu kə fɔɔ kuŋ. Ighələ tə mə â taw tsəghənə ghəə a bəbə ghə, doʼo dzəŋi tsu ghi Bày wuŋ n kuu kə fɔɔ kə wi.

Chi dii 4:4

Kuu wə u təfɔɔ nghəm bəghə n ghii wə ukaykə n taʼ dzəŋ tsəghə bə n kuu kə fɔɔ key. N kuu u təfɔɔ wən, a n doʼ təngəd nghəm nbəghə n ghii tə təkaykə, nə̀ ghə n dzəŋə keeli ndzə tə fəmə tə nsə taŋŋə u təfɔɔ wə nə kətow nə̀ ghə faalə nə itsàa.

Chi dii 6:9

Sey, Waa Nji zey n zhwey nuu kɔʼ mə̀ŋ zey nə ulii utaa. Mə n koʼ ndow n tənə tsə zey ghə fəələnə maʼlə wə tii, zay u ghə̂ ghən ghə â weynə ghə bòʼ bəghəm i fə̀ŋ i ghə təŋkey ghə a naʼlə ghɔɔmə i Kəzə̀, təmi taw tsu soʼo ni dza ghəə a Kəzə̀.

Chi dii 7:3

Tsəndəghə ə Kəzə̀ zey n buʼ shi kɔʼ kəbɔŋ dza nə̀, “Kə wə i nyimmə bəəbə ghəlikətsə, nali kə dzuu nkee nkaʼ nə ghə ka kam kuu tsəə n tûm usə̂ u ghə̂ a kəfwaʼ a Zə̀ kə ghey.”