Chi dii 20:3 - Kaa n Kəzə̀ n fəghə mə

³ Tsəndəghə Kəzə̀ zey n ney maʼa nyi tsu ndow wi n fɔŋŋə k-a-bùʼ key kə kuʼu way fii naŋa kɔʼ dzuu i tii zə, nɔmi naŋa tən tsu soʼo, sey nə̀, kə tə nə kəm sìi ndəŋŋənə naʼa tə ni ndow kuum n nəŋə zey num tən kam i tsəghə tsunə. Abə num tə i tsəghə tsunə kam, ghə i teeli zìi zəghə tsu wi n kəmə fə inəŋə.

Chi dii 20:3 ပူးပေါင်းရင်းမြစ်များ

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Matyo 27:66

Ghə n nuu ndòw n dzuu zə isày i tii zə, ndòw ghəŋə naŋa tsu tsəə n naa key ghə â bəŋŋə tsəd bə dzuu zə isay zə tii, naŋa tsu sawgoʼ tey fu nə̀ tə i keyyə say zey.

Malakus 4:15

Ghə̂ a loʼ a loʼ tə̀ a loʼ ndzoʼ tey tə â tsɔʼlə bənə n jìi, abə ghə zow tsunə ghɔɔmə i Kəzə̀ zə, Satan n daŋŋə bə ney nuu kɔʼ ghɔɔmə i tii zə.

Lukas 8:31

Ghə n buʼu kuulə kəwɔɔ tə̀ Yeso nə kə̂ tə nə tûm nə ghə n fɔŋŋə kə iwad key kə kuʼu way.

2 Kɔrint 11:3

N kee tsəŋə nə̀ nghee tə̀ zuu â nəb fuu tsunə If n tɔb u wi u tsɔŋɔ wə, ghə loʼ ni bə fwɔd maʼa kɔʼ soʼo tɔb u ghaa, ghaa i way ni kəm dzûmə Klisto n fə̀ŋ tə ghaa tə tədzəm.

2 Pita 3:8

Fə ghuŋ a dzuŋu ghə, ghə i loʼ i loʼ fa n ləghə way nə̀ ghaa neyzəə! Ghə i tii i loʼ nə̀, n sə kə Mûkəbii, fətsuʼ fəmɔʼ, fə loʼ tə a loʼ tənum kam. Tənum kam a loʼ soʼo tə a loʼ fətsuʼ fəmɔʼ.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 13:14

Faalə mən zə â diinə n ghəŋə nə̀ ghə fuu wi n daʼa kə nə̀ zə i saʼa n tow kə faalə kə nyam mbvən kə sə isə key. Zə n sii ndzəŋ ndəmə aghə̂ a ghəlitsə. Zə n dza tə ghə nə̀ ghə bɔm kɔʼ fəmuʼu tə ghə ni ngɔɔmə, fə fiilənə faalə kə nyam mbvən kə sə isə key ghə â nyîmmənə wi n kɔb, zə n nam loʼ kə utaw.

Chi dii 17:2

Də̀ŋ wən fa a ghəlitsə n nyəŋi tsəghə kaabə ndow ghi wi, ghə̂ a mbi ghə n khəə doʼo kɔʼ soʼo n nlə wi mey tə â fuunə tə̀ ghə nə̀ ghə i nyəŋi ghi wi.”

Chi dii 17:8

Nyam mbvən zən â buʼ loʼ tsə utaw, nyisa, i kee kəm way dzə utaw. Fəkəmə, zə i shi kɔʼ bə n fɔŋŋə k-a-bùʼ key kə kùʼu way, i ndow n luʼu key ghə i ləŋi maʼanə wi tii. Dzuu zə i zum ghə̂ ghən ghə muu n ghəlikətsə, ghə â ka kam tɔ̀ɔ naŋa zəd a ghə n màʼlə key ghə̂ ghey ghə i keelinə muu zə itsali zə loʼnə tii tə̀ mbi ni kaʼ. Dzuu zə i zum ghə ni koʼ faalə kə nyam mbvən key n təŋkey zə â buʼ loʼ tsə utaw, nyisa i kəm way dzə utaw, zə i nam bəghənu.

Chi dii 20:1

Mə n koʼ ndow tsəndəghə Kəzə̀ i shiə tsu bənə idəŋ, nə̀ tə khə chi kə fɔŋŋə k-a-bùʼ key kə kuʼu way, tə n kwu keeli soʼo tsaʼ i nii zə n wɔɔ.