Chi dii 20:2 - Kaa n Kəzə̀ n fəghə mə

² Tə n kwu kɔʼ ngəm zey, zuu i wey wey zey i loʼnə Vəətsəə ghə nkee Satan, kuum naŋa ndow wi n tsaʼ nə tənum kam.

Chi dii 20:2 ပူးပေါင်းရင်းမြစ်များ

Matyo 19:29

Wù wey tə naŋa sənə ndaw tə wi tə, waazə a wi, bày wi, này wi, waa a wi, nkee sum u wi n zəd zuŋ, î keeli dzəŋŋə fə u tii wə nə nbɔm n mbi i zən, tə i keeli soʼo muu zə itsali.

Matyo 8:29

Nghee tə̀ ghə koʼ tsunə Yeso, ghə n buʼ shi kɔʼ mmbɔŋ dza nə̀, “Wə ləghə kee n wɔ ghey ə Waa Kəzə̀? Wə n bə ni bə chɔd ghey nə̀ nəŋə i ka kam kpii ə?”

Malakus 4:15

Ghə̂ a loʼ a loʼ tə̀ a loʼ ndzoʼ tey tə â tsɔʼlə bənə n jìi, abə ghə zow tsunə ghɔɔmə i Kəzə̀ zə, Satan n daŋŋə bə ney nuu kɔʼ ghɔɔmə i tii zə.

Malakus 5:7

Tə n buʼ shi kɔʼ kəbɔŋ idəŋ dza nə̀, “Yeso, Waa Zaamə mbi, wə dza i ji ngee ghi mə ə? N buʼu kəwɔɔ tə̀ wɔ n zəd i Kəzə̀, kə wə nə chɔdlɔnə mə.”

Tùm i dzuŋu zə kuum Yeso Klisto tə Jɔn â tɔɔnə 12:31

Nəŋə zə n kpii tə̀ Zə̀ kə ni saʼ ghə̂ a mbi. À loʼ nya ghə i dzum maʼa shiənə Satan, tə loʼnə də̀ŋ kə mbi kə.

Tùm i dzuŋu zə kuum Yeso Klisto tə Jɔn â tɔɔnə 16:11

Abə n buʼ kə saʼa key, tə nə dii ndow tə ghə nə̀, Zə̀ kə nə saʼanu mbi i zən, n təŋkey, ghə n saʼ tsəghə Satan də̀ŋ kə mbi, tûm wi n bad kə ghə̂ a bəbə kə.

Roma 16:20

Zə̀ kən kə ghəŋŋənə nə̀ fə̀ŋ tə saa tə i loʼ nə ibuulə, i kuʼlə təmə zə̂ənu Satan, tə naŋa bə wi n tənnə fuu i ghaa. N gɔŋŋə nə̀ Mûkəbii saa tɔŋŋɔ Yeso Klisto dii ghaa n ndzuŋ ə wi.

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

1 Pita 5:8

Ney kɔʼ na ghə̂mə zə, ghaa təmi kɔʼ nə ifuu! Wù təngəmə ghaa tɔŋŋə də̀ŋ kə avəətsəə kə ghaalə kaabə tsənu tə̀ dəmow nə nəmmənə, i kəŋənə wù ni kwu fə.

2 Pita 2:4

Zə̀ kə â ka tsəm toʼlə naŋa dzə tsətəndəghə tə wi tən tə â ghəŋənə bəb zə, tə n fəd ney kuum tsu ghə nə tətsaʼ, say maʼa nyi tsu ndow ghə n fɔŋŋə k-a-bùʼ kən kə kùʼu way, nə̀ ghə doʼo fu nə kələm, ləmmə tsu tsuʼ fey tə i saʼanə ghə̂ ghə a tii.

Màʼlə kə Jud tə̀ ghə̂ a Kəzə̀ ghə 1:6

N dza i zəŋŋə bə soʼo ghaa nə̀, tsətəndəghə tə Kəzə̀ tey tə â ka doʼo n bùʼ wey Zə̀ kə â naŋanə ghə nə̀ ghə i fwaʼa tii, tyi naŋa taʼa tsu soʼo baa baa luʼu tə ghə tə muulə tə. Zə̀ kə n kùm naŋa tsu ghə nə tətsaʼ, fìi naŋa ndow ghə n luʼu k-a-ləm nə̀ ghə doʼo tən fu tə tsuʼ fey Zə̀ kə i saʼanə mbi tii, fə i bə.

Chi dii 12:13

Ambə ngəm zey koʼ tsu nə̀ ghə n wi tən maʼa tsu bə aghəlitsə, tə n dzûmə ndow weyzən wey tə â jinə waa u num wey.

Chi dii 12:15

Ngəm zey n bwaa shi bə mmuu n dzuu i wi tə a loʼ dzuu n baa weyzən wey, nə̀ n kuŋŋə maʼa ndow weyzən wey.

Chi dii 12:17

Sey ngəm zey n fəələ nay ndow unəghə ghi weyzən wey, nuu ndow ni ndow ballə ghi waa a waa a wi ghən ghə doʼo səənə, ghə̂ ghey adzəm ghə naŋŋənə laŋ u Kəzə̀ wə, nsə ghə̂ ghey ghə gaʼnə fə̀ŋ nə isəŋə zən Yeso â chi dii bənə.

Chi dii 12:3

Tsəə i faalə i loʼ zə n kəm shi kpiʼi bə n bikighow. Mə n koʼ ndow faŋkwu kə baŋabaŋa kə ngəm kə loʼ kə, kə khənə tow wə usəghəmbəghə nsə ndɔŋ tə ighəm nsə taŋŋə kə fɔɔ n tow u tii usəghəmbəghə.

Chi dii 12:4

Zə n ney kɔʼ kuu u wi kàŋŋə bə nsəghəbələ n bikighow nə kəbad kəmɔʼ nə tədzawwə tətəghə tə loʼnə ighələ, maʼa tsu bə aghəlitsə. Ngəm zey n təmi tsu n sə kə weyzən wey, ləmmə nə̀ tə ji tsu, tə̀ tə ney fə waa wi.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 13:2

Faalə kə nyam mbvən zey mə â koʼnə, n fiilə kəbəghə. Fuu i wi zə n loʼ tə a loʼ nyam i loʼ zə ghə tɔŋŋə nə̀ a loʼ bee. Dzuu i wi zə n loʼ tə a loʼ dzuu i dəmow. Ngəm zey n ney fuu ndow daʼa kə wi, kuu kə fɔɔ kə wi nsə daʼa u wi wən n ndəm tə â khənə ni saʼa ghə̂ ghə a tii tə̀ faalə kə nyam mbvən key.

Chi dii 13:4

Aghə̂ adzəm n ngɔɔmə ngəm zey, n təŋkey, zə â fuu ndow daʼa kə wi kə saʼa kə tə̀ faalə kə nyam mbvən i tii zə. Ghə n ngɔɔmə soʼo nyam mbvən ə tii, bəbə nə̀, “À loʼ ndee tə loʼ tə a loʼ faalə kə nyam mbvən kən ə? À loʼ ndee tə loʼ ni zùu ballə faalə kə nyam mbvən kən ə?”

Chi dii 20:10

Ghə n ney maʼa nyi tsu ndow vəətsəə ghən ghə â sii ndzəŋ ghə n nyî zə uvələ wən u bəʼlə ghi sɔlfɔ. À loʼ fuu ghə a ney maʼa nyi tsu tsəghə dzənə faalə kə nyam mbvən key nsə tûm tə Kəzə̀ tə tsɔŋɔ tə. Ghə i chɔdlɔ ghə fu n tsə̂ tə nsə n tsuʼu tə, nəŋə tədzəm.

Chi dii 20:7

Abə num tən kam tsəghə nuu tsunə, ghə i chi zəghə tsu Satan n ndaw tsaʼ.

Chi dii 9:11

Ghə n khə də̀ŋ kə ghə nə a loʼ tsəndəghə zey i laalə fɔŋŋə k-a-bùʼ key kə kuʼu way. Zəd i wi n ghɔɔmə Hibru n loʼ nə̀ a loʼ Abadɔn. N ghɔɔmə i Grik, zə n loʼ nə̀ a loʼ Apoliɔn i diinə nə̀ a loʼ wù wey tə ləŋi maʼanə ghə̂ ghə.