Chi dii 2:9 - Kaa n Kəzə̀ n fəghə mə

⁹ n khənu chɔd wə wə̀ nsə nghee wə laanə tii loʼ sey nə̀ wə kee kuumnu n ghəə a Kəzə̀. N khənu ghəə a bəbə ghey ghə̂ ghən ghə tɔŋŋə wû i ghə zə nə̀ à loʼ ghə̂ a Təjuu loʼ sey nə̀ ghə way dzə dza kaabə tsənə n tow kə. À ndaw kədzəŋi ghə khə Satan.

Chi dii 2:9 ပူးပေါင်းရင်းမြစ်များ

Matyo 4:10

Yeso n dza tə̀ wi nə̀, “Mbad nuu fa n səə mə, Satan! Ghə tɔɔ naŋa n màʼlə K-a-zə̀ nə̀, ‘I ngɔɔmə Mûkəbii, Zə̀ kə kə̀, Wə̀ i fwaʼa tə̀ wi n nəŋə wi.’”

Lukas 12:21

“À wən loʼ nghee i loʼnə tii ghi wù wey tə zuŋŋə naŋanə ndəmə ufə, fwaʼa way fwa K-a-zə̀ kə.”

Lukas 22:65

Ghə n nyɔʼi khəə ndəmə ghəə a tsayyə ghə tə wi.

Lukas 4:18

“Zay kə Zow kə loʼ ghi mə təŋkey Zə̀ kə n mə sày nə̀ n naʼa tûm Kəzə̀ tə̀ ghə̂ a laa ghə, tə tûm mə nə̀ n ndòw naʼa bəghəshi i Kəzə̀ tə kɔt wə, n fù sə̂ a koʼo ghə tə̀ ghə̂ a fəbəghə, n bəghəshi ghə̂ ghey ghə loʼnə nə uchɔd,

Lukas 6:20

Yeso n laalə ndòw dzûmə tə wi, dza tə̀ ghə nə̀, “Buulə i loʼ tə ghaa ghey ghaa laanə, n təŋkey, fɔɔ u Kəzə̀ u loʼ u ghaa wə̀.

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Kəfwaʼ 26:11

Mə n chɔd ghə n ndəmə tənəŋə n ndaw tə udzəŋi tə ghə ni ghəŋə nə̀ ghə tuu maʼa Yeso. Mə n ngii baa ghə n jìi zey mə n bəghəm kaabə ndow ghə n naʼa tə tətùm ni chɔd ghə.”

Roma 12:12

Ghaa khə ni duʼlə ni ləmə ghəə ghən Zə̀ kə təb naŋanə tə ghaa. Ghaa i kow fə̀ŋ abə ghaa loʼnə nə uchɔd, gɔŋŋə nəŋə tədzəm.

Roma 2:17

Abə ghaa, ghaa dza nə̀ ghaa loʼ ghə̂ Təjuu, ghaa dza nə̀ ghaa ghəŋŋə ghəə ghey laŋ kə dii, ghaŋŋə soʼo iwû nə̀ ghaa loʼ ghə̂ a Kəzə̀.

Roma 5:3

Saa khə ni duʼlə soʼo abə saa keelinə chɔdmə, n təŋkey, saa khənu nə̀ abə saa keelinə chɔdmə, mə n gaamə saa nə̀ saa i loʼ ni kow fə̀ŋ.

Roma 8:35

A loʼ kee kə loʼnə ni dzawwə saa ghi Klisto tə ləghənə saa a? Abə a buʼ loʼ kənə chɔd wə nkee saa tsəmə fəʼlə kənu nkee saa zow kə ngoʼ nkee dzəŋ tsəmə zabə kənə saa, tsəm loʼ tə̀ zə i wey maʼa saa, i tsəm way ni dzawwə koʼ saa n ləghə zey klisto khənə nkow saa.

Roma 9:6

N dza dzə way nə̀ təb kən Zə̀ kə â təb naŋanə, kə ka ney dzə bənə kə. N dza sey n təŋkey, à way dzə ghə̂ ghey adzəm ghə jinə ghə n naʼ zə Izree ghə ndzəm loʼnə ghə̂ a Kəzə̀ ghə.

2 Kɔrint 6:10

Ghə̂ a loʼ a koʼo ghey tə̀ a loʼ ghə̂ ghey ghə mownə, loʼ sey nə̀ ghey duʼlə nəŋə tədzəm. Ghə̂ a loʼ a koʼo ghey tə̀ a loʼ ghə̂ a laa ghə loʼ sey nə̀ ghey ghəŋŋə nə̀ ndəmə aghə̂ ghə i kùm. Ghə̂ a loʼ a koʼo ghey tə̀ a loʼ ghə̂ ghey ghə khə way fə kə, loʼ sey nə̀ ghey khə ufə udzəm.

2 Kɔrint 8:2

Nghee ghə â tsəm khə kənə chɔdmə n ndəm, ngii laa soʼo, ghə n nam duʼlə kənu, duʼlə i tii zə n ghəŋə ghə nə̀ ghə i fuu n fə̀ŋ tə ghə tə tədzəm.

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

1 Tesalonika 3:4

N dza sey n təŋkey, nghee ghey â loʼnə fey ghi ghaa, ghey mâ dza tə̀ ghaa nə̀ ghə i chɔdlɔnu ghey. Zə n bɔɔmə bə doʼo bə kə tə̀ ghey â dzanə tə̀ ghaa.

1 Timoti 1:13

Nghee mə â loʼ nə̀ n ka kam bəghəm tə Klisto, mə â ghɔɔmə bəəbə tsə bòʼ wi, tsayyə wi, chɔdlɔ tsə soʼo wi. Zə̀ kə n kee kwɔɔlə isî n kow mə boʼnə mə â ka kam keeli dzə bəghəm i fə̀ŋ zə, mə n khə soʼo way ghəə ghey mə â ghəŋŋənə.

1 Timoti 6:18

Dza tə ghə nə̀ ghə i ghəŋŋə ghəə a dzuŋu ghə, ghə i dii kùm i ghə zə n ghəə a dzuŋu ghən ghə ghəŋŋənə. Ghə i buu n wɔɔ kə ni gaamə ghə̂ ghey ghə laʼanə fə wə, ghə i khə soʼo zày ni fuu dzaw fə wey ghə khənə tə ghə̂ ghə.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

Chi dii 2:13

N khənu luʼu key wə muunə tii. N khənu nə̀ wə muu n luʼu key Satan bəghə doʼonə tii. Wə təmi tən tsu kə n zəd zuŋ. Wə ka tuu maʼa dzə bəghəm i fə̀ŋ zən ghaa khənə n kow mə. N tsuʼu mən ghə â wey maʼanə Antipas wən tə â tɔʼ tiilə dzanə ghəə ghə bòʼ mə tə ghə̂ ghə n naʼ zə, wə n ka tsəm tuu maʼa mə.

Chi dii 2:2

n khə maynu ghəə ghey wə loʼ nə̀ wə n ghəŋə. N khənu nghee tə wə kuunə səŋ zə a tii ni fwaʼ nsə nghee wə kownə fə̀ŋ tii. N khənu nə̀ wə way ni bəghəm naŋa ghə̂ ghey ghə ghəŋŋənə ghəə a bəbə ghə. N khə soʼonu nə̀ wə n mɔm koʼ ghə̂ ghən ghə tɔŋŋə wû i ghə zə nə̀ à loʼ ngəd tə Yeso loʼ sey nə̀ ghə way dzə, wə u keeli tsu nə̀ ghə loʼ ghə̂ a badla ghə aghəə ghə.

Chi dii 2:24

Sey, n dzaa bə tə ghaa a loʼ ghey n Tyatira, tɔŋŋə ghaa ghən ghaa ka koʼ ney ghəə a bəbə a wi ghən tə diinə nsə ghəə ghə tɔŋŋə nə̀ à loʼ ghəə a Satan a nyiə doʼo ghə nə̀ kəm kuu kpiʼi dzə way fəm kə loʼ kə n kow ghaa.

Chi dii 3:9

Koʼo na! Ghə̂ ghey ghə loʼnə n ndaw kədzəŋi ə Satan, ghə̂ a badla ghə aghəə ghey ghə dza nə̀ ghə loʼ ghə̂ a Təjuu loʼ sey nə̀ ghə way, mə i ghəŋŋə tsu ghə nə̀ ghə bə təm tənguʼ n tənə wɔ, ghə bəghəm kɔʼ soʼo nə̀ mə n wɔ ləghə tən.

Chi dii 7:14

Mə n beeli ndow wi dza “Mûkəbii, wə khənu.” Tə n dza, “À wən loʼ ghə̂ ghən ghə nɔb shi bənə n ngoʼ i nii zə. Ghə n ney kɔʼ kaŋ tə Waa Nji tən tə â fəələnə, sow kɔʼ ndzə̂ tə ghə tii nə̀ tə i fəmə.