Chi dii 2:7 - Kaa n Kəzə̀ n fəghə mə

⁷ Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wən. Mə i fuu tsu kədaʼa tə̀ ghə̂ ghey ghə i taw tsəghəshiənə ghəə a bəbə ghə, ghə i kɔy nəghə tam wə n kaʼ fey fə fuunə muu zə, fə loʼnə n sum u Kəzə̀ idəŋ.”

Chi dii 2:7 ပူးပေါင်းရင်းမြစ်များ

Matyo 11:15

Wù wey tə khənə tuŋŋə wə, tə zow!”

Matyo 13:43

Ghə̂ ghey ghə loʼ tsətsəghə nə kee nyiəllə kə tə a loʼ inyi n fɔ̀ɔ u Bày ghə. Nə wə khə utuŋŋə, wə zow.

Matyo 13:9

Yeso n guŋ kɔʼ dza, “Wù wey tə khənə tuŋŋə wə, tə zow.”

Malakus 4:9

Sey Yeso n dza tə̀ ghə nə̀, “wù wey tə khənə tuŋu wə, tə zow.”

Malakus 7:15

Fə kə loʼ kə way dzə wù zəə nyiə tsu ndòwnə nə unəghə, kə loʼ ni ghəŋŋə nə̀ tə i dzəə n sə̂ K-a-zə̀.”

Malakus 7:16

[Wù wey tə khənə tuŋŋə wə, tə zow].

Lukas 23:43

Yeso n dza ndòw tə̀ wi nə̀, “N dza bə isəŋə tə̀ wɔ nə tsuʼ fə na fən wə i loʼ ghi mə idəŋ.”

Lukas 8:8

Ndzoʼ tə loʼ tə n tsɔʼlə bə n zub tə dzuŋu tə, tə n nyim i kɔʼ, bɔŋ dzɔb kɔʼ nə ukaʼ, sə̂ ghə asaŋ ghə n loʼ fəbɔm, fəbɔm nə ikey.” Ambə Yeso ghɔɔmə may tsunə, tə n dza shi kɔʼnə, “Wù wey tə khənə tuŋŋə wə, tə zow.”

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

1 Kɔrint 2:10

Zə̀ kə n ghəŋə nə̀ Zay kə Zow kə chi dii bə ghəə ghən tə â nyi naŋanə tə̀ saa. À loʼ Zay kə Zow kən kə fuʼi shiə kɔʼɔ bənə ghəə ghə adzəm, fuʼi may shiə kɔʼɔ bə ghəə a Kəzə̀ ghən a nyi doʼo nay nyi ndownə.

2 Kɔrint 12:4

Ghə â ney kɔʼ ndow wi idəŋ n luʼu key ghə tɔŋŋə nə̀ à loʼ Paradays. Tə n zow aghəə fu nə̀ wù sɔŋtsuʼ u loʼ u way ni tiilə, aghəə nə̀ laŋ kə ka bəghəm soʼo nə̀ wù tiilə dza.

1 Jɔn 2:13

N tɔ̀ɔ bə tə ghaa ghə bày, tənkey, ghaa n doʼo ghə̂ ghey ghə loʼ nə̀ ghə n keeli Yeso Klisto wən tə â loʼnə tə mbi ni kaʼ. N tɔ̀ɔ bə tə ghaa fəghaŋ, n təŋkey ghaa n təm zə̂ wù təngəmə ghaa tɔŋɔ Satan.

Chi dii 13:9

Wù wən tə khə tuŋŋə wə, tə zow.

Chi dii 14:13

Sey, mə n zow dzə̀ i loʼ zə idəŋ i ghɔɔmə nə̀, “Tɔ̀ɔ naŋa tsu nə̀, ni ney nuu tsu nya, ndow n sə kə, Zə̀ kə i buulə ghə̂ ghən ghə kpunə nə̀ ghə fwaʼa fwaʼ kə Mûkəbii!” Zay kə Zow kə dza nə̀, “Ndzəm ndzəm, ghə i keelinu zayyə zə n fwaʼ kə taw kən ghə fwaʼanə, n təŋkey, ghəə a dzuŋu ghey ghə ghəŋŋənə dii bə fə key ghə loʼnə ghii kə.”

Chi dii 15:2

Mə n daŋŋə koʼ ndow soʼo fə kə loʼ kə tə a loʼ dzuu kəlungali nə vələ u bəʼlə tii. Mə n koʼ ndow soʼo ghə̂ ghən ghə təm zə̂ dzə faalə kə nyam mbvən key, muʼu fən ghə bɔmnə nə̀ fə fiilə wi nsə taŋ ə zəd i wi. Ghə n tey fu n səə dzuu kəlungali zey n bəghəm u fətii wə n wɔɔ nə̀ à fuu Kəzə̀ tə ghə.

Chi dii 2:11

Wù wən tə khənə tuŋŋə wə, tə zow ghəə zey Zay kə Zow kə dzanə tə̀ dzəŋi u dzûmə tə Klisto tə. Wù wən tə təm zənə bəb zə, tə i kəm bə kpu way n bùʼ kə uvələ.”

Chi dii 2:17

Wù wey tə khənə tuŋŋə wə, tə zow ghəə ghən Zay kə Zow kə dzanə tə dzəŋi u dzûmə tə Klisto wə. Wù wən tə i taw tsəghənə ghəə a bəbə ghə, mə i fuu ghə n fəzəə u loʼ wə ghə â nyi naŋanə, ghə tɔŋŋənə nə̀ a loʼ mana. Mə i fuu soʼo ghə n tay i fəmə zən ghə tɔ̀ɔ naŋanə zəd i fəghə zə tii, nə̀ wù loʼ khə way, nə̀ a khə kə wù wey tə i neynə tay i tii zə.”

Chi dii 21:7

Ghə̂ ghən ghə i təmə zəənə ghəə a bəbə ghə, ghə i zəə fə̂ wən udzəm. Mə i doʼo Zə̀ kə ghə, ghə i loʼ waa ghuŋ ghə.

Chi dii 22:14

Zə̀ kə i buulə ghə̂ ghey ghə sow ndzə̂ tə ghə tə nə̀ tə i zow, ghə i khə daʼa kə ni zə tam wən u məə n kaʼ fey fə fuu muu zə nsə ni tsəghə nyi n fuʼ u mbàa u naʼ tii zə.

Chi dii 22:17

Zay kə Zow kə nsə wey Waa Nji zey dza nə̀, “Bəghə!” Wù wey tə zow ghəə ghən teeli khə ni dza soʼo nə̀, “Bəghə!” Wù wən fə̀ŋ ə mmuu zuʼlənə wi, tə bə. Wù wey tə ləghənə ni mə̂ mmuu mən n fuu muu zə nə̀ tə̀ ka tsə, tə bə mə̂.

Chi dii 22:2

Dzuu tii n kuŋu tsəghə tsu ndow n fə̀ŋ ə jii inaʼ. Kaʼ mən n fuunə muu zə n loʼ n nguŋə tə dzuu tii. Kaʼ n tii mə n məə utam tənəŋə ighəm nsə ghii tə təbəghə nə kənum, dii tsu nə̀ mə â məə inəŋə imɔʼ n ndzɔŋ. Fəbə tə kaʼ n tii mə n loʼ utey ni baŋŋə dzaŋa tə aghə̂ tə nə tənaʼa tədzəm.