Chi dii 2:5 - Kaa n Kəzə̀ n fəghə mə

⁵ Moʼlə tsu nghee wə â buʼ loʼ tsə tii tə̀ wɔ ni bə bwu khə̂mə. Kweyyə nuu bə fə̀ŋ zə n ghəə a bəbə ghey ghaa ghəŋŋənə, wə i ghəŋŋə ndow ghəə ghey wə â buʼu ghəŋŋə tsənə. Nə̀ à way sey, mə i bə ney nuu kɔʼ nyəllə kə kədaa kə key n bənə kə wi.

Chi dii 2:5 ပူးပေါင်းရင်းမြစ်များ

Matyo 5:14

“Ghaa loʼ tə̀ a loʼ kədaa tə̀ ghə̂ a mbi ghə adzəm. Naʼ zey i bəghə doʼonə nə ukaʼ way ni nyi doʼo dzə.

Matyo 5:15

Wù daa way daa kə tə n kəm nyi naŋa ndòw n tənə kəkuu. Tə fədlə teyyə naŋa kɔʼɔ n sə̂ a zow ghə nə̀ kə i baŋa n ndaw idzəm.

Malakus 12:9

Ambə Yeso ghɔɔmə may tsunə, tə n bəb tə̀ ghə nə̀, “Ghaa moʼo nə̀ muu sum u təlami wey i jiə tsuu ngee? Tə î bə wey maʼa ghə̂ ghə usum ghey, tə fu nuu ndòw sum u tii wə tə̀ ghə̂ a nuu ghə.”

Lukas 1:17

Tə i bəghə n sə kə Bày. Tə i khə zay kə nsə daʼa kə, tə̀ tûm Kəzə̀ Elayja â khənə. Tə î bəghə təmə dzəŋi bə ghə bày nsə waa a ghə ghə̀. Tə i ney dzəŋŋə bə ghə̂ ghey ghə tawnə n tow kə tə Zə̀ kə, ghə kweyyə fə̀ŋ tə ghə, ghə keeli utɔb tə̀ a loʼ ghə̂ ghey ghə loʼnə tsətsəghə n sə̂ K-a-zə̀. Tə i bayyə naŋa tsu aghə̂ tə̀ Bày, tə î bəghənə.”

Lukas 20:16

“N dza bə tə ghaa nə tə i bə wey maʼa ghə, tə ney sûm u tii wə, tə fu tə ghə̂ a nu ghə.” Ambə ghə̂ ghey zow tsu nə sey, ghə n dza nə̀, “I kə̂ Zə̀ kə i bəghəm nə ndzoʼo ghəə ghey shi koʼ.”

Galeshia 5:4

Wù wən tə ləghənə ni doʼo tsətsəghə n sə K-a-zə̀ a dza tə naŋŋə kəlaŋ, tə n baʼ nuu shi bə wû u wi wə n səə Klisto. Tə sey ney nuu shi bə dzə wû u wi n jìi zey tə kəm way ni keeli ndzuŋ ə Kəzə̀.

Filipi 2:15

Sey nə̀ ghaa i zow, khə way bwu i loʼ zə. Ghaa i loʼ waa a Kəzə̀ ghey ghə khə way dzə̂wə n fəŋŋə kə mbi i bəbə zən doʼo i ghə i gaŋa doʼonə, way tsətsəghə. Ghaa khə ni teeli baŋa tə a loʼ nsəghəbələ n fəŋŋə kə ghə̂ a bəbə ghən fa n mbi.

Hibru 10:32

Moʼlə tsu n na nghee ghaa â buʼ loʼnə tii n nəŋə zey ghaa â bəghəm kɔʼnə tûm i dzuŋu zə bòʼ Klisto. Ghaa n fəghə kɔʼ bə n ndəmə ndəmə tə aghəə, ghəə a tii ghə n ka kee taw tsəghə dzə ghaa.

2 Pita 3:17

Waazə ghuŋ a dzuŋu ghə nghee i nyɔʼ loʼ nə̀ ghaa n keeli zey ghəə ghən, ghaa ney kɔʼ ighə̂mə, sey nə̀ kə ghə̂ a bəbə ghey nə nəbənə ghaa n ghəə ghey ghə dzanə nə̀ a kpii way, a ghəŋŋənə nə̀ ghaa zəghə maʼa jìi Kəzə̀, ghaa nyəŋ laʼ.

Màʼlə kə Jud tə̀ ghə̂ a Kəzə̀ ghə 1:24

N gɔŋŋə nə̀ saa adzəm i fuu kɔʼlə mə tə Zə̀ kə. Zə̀ kən kə loʼ ni kwu keeli saa nə̀ kə saa i bwu, nsə nə̀ saa i zow, ngii duʼlə soʼo n sə kə wi.

Chi dii 1:20

Ghəə zey i nyi doʼonə n səghəbələ mən nsəghəmbəghə wə â koʼnə n wɔɔ kuŋ kə zəə kə nsə nyəllə u kədaa wən usəghəmbəghə nə̀ ghə faalə nə itsaa dii nə̀, səghəbələ mən nsəghəmbəghə tey n tow u tsətəndəghə tən tə keyyənə dzəŋi u dzûmə tə Klisto wən usəghəmbəghə, nyəllə u kədaa wən a tey n tow u dzəŋi u dzûmə tə Klisto wən usəghəmbəghə.”

Chi dii 16:9

Ghə n fə kɔʼ n faalə faalə kə zuʼ kə num kən. Sey ghə n zey ndow ni tsayyə zəd i Zə̀ kən kə khənə daʼa kə n kow zəŋ tən, ghə kee tuu tən ni kwey nuu bə fə̀ŋ tə ghə n ghəə a bəbə ghə, tuu soʼo ni kɔʼlə wi.

Chi dii 2:16

Ghaa khə ni kweyyə nuu bə fə̀ŋ tə ghaa n ghəə a bəbə ghən ghaa ghəŋŋənə. Nə a way sey, mə i maŋa bəghə n fəŋŋə kə ghaa, n zuu ballə ghi ghaa n kɔb zən i loʼnə n dzuu zuŋ.

Chi dii 2:19

N khənu ghəə ghey ghaa ghəŋŋənə, n khənu ləghə zey ghaa khənə n wû i ghaa, n khənu bəghəm i fə̀ŋ zey ghaa khənə n kow mə, khə fwaʼ kə ghaa, khə soʼo nghee ghaa kownə fə̀ŋ tii. N khənu nə̀ fwaʼ key ghaa fwaʼanə nya, tsəghəshinu kə key ghaa â buʼu fwaʼa tsənə.

Chi dii 2:2

n khə maynu ghəə ghey wə loʼ nə̀ wə n ghəŋə. N khənu nghee tə wə kuunə səŋ zə a tii ni fwaʼ nsə nghee wə kownə fə̀ŋ tii. N khənu nə̀ wə way ni bəghəm naŋa ghə̂ ghey ghə ghəŋŋənə ghəə a bəbə ghə. N khə soʼonu nə̀ wə n mɔm koʼ ghə̂ ghən ghə tɔŋŋə wû i ghə zə nə̀ à loʼ ngəd tə Yeso loʼ sey nə̀ ghə way dzə, wə u keeli tsu nə̀ ghə loʼ ghə̂ a badla ghə aghəə ghə.

Chi dii 3:19

Ghə̂ ghən adzəm n ləghənə, mə n kpaa tsu ghə, mə n chɔd tsu ghə. Sey, ghaa khə ni ndzəm khə nə̀ ghaa numnu nkee ghaa kaynu, ghaa kweyyə nuu bə soʼo fə̀ŋ tə ghaa n ghəə a bəbə ghə.