Chi dii 2:3 - Kaa n Kəzə̀ n fəghə mə

³ N khənu nə̀ wə mâ ngii fəghə, kow soʼo fə̀ŋ bòʼ mə, wə n ka kam tsəm buu doʼo koʼ.

Chi dii 2:3 ပူးပေါင်းရင်းမြစ်များ

Malakus 15:21

Nghee tə̀ ghə ndòwnə n jìi, ghə n kpiilə ndòw ghi wù loʼ zəd i wi i loʼnə nə̀ a loʼ Shimun, tə â nuu bənə n naʼ i Sirin, nyiə bə n naʼ i tii zə. Sawgoʼ tey n tənnə wi nə̀ tə boʼo zat kə fəkaʼ kə Yeso (Shimun â loʼ bày Alekzanda nsə Rufus).

Lukas 14:27

Wù wey tə ka bəghəm ni boʼo zat kə fəkaʼ kə wi, tə dzûmə mə n ghii kə, tə way dzə ni doʼo dzûmə wùŋ.

Lukas 18:1

Ambə n tsu fə loʼ fə, Yeso n dza tsu zəzəə fə fənkəfən fən tə dzûmə tə wi tə ni dii tə ghə nə ghə khə ni gɔŋŋə nəŋə tədzəm, buu doʼlə way.

Lukas 21:19

Bə ghaa kwu tawwə tsunə fə̀ŋ tə, ghaa nə keeli ibəghəshi.

Lukas 5:5

Shimun n beeli ndòw wi dza, “Ghey n fwàʼ bweeli, ghey ka fə kə kwu dzə, tə̀ wə dza dzənə, n maʼa kənu wûu u tii wə.”

Lukas 8:15

Tə tey tə â tsɔʼlə bənə n zub tə dzuŋu tə, à loʼ ghə̂ ghey ghə zownə ghɔɔmə i Kəzə̀ zə, ngɔɔmə naŋa n fə̀ŋ tə dzuŋu tə, zuŋə kwɔɔ keeli tsu wû i ghə, zə n məə bə tam u dzuŋu wə n muu i ghə.

Tùm i dzuŋu zə kuum Yeso Klisto tə Jɔn â tɔɔnə 15:21

Ghə̂ a mbi a nə ghəə ghən adzəm ghəŋŋə n kow ghaa bòʼ mə, n təŋkey, ghə khə way wù wey tə tûm bənə mə.

Roma 12:12

Ghaa khə ni duʼlə ni ləmə ghəə ghən Zə̀ kə təb naŋanə tə ghaa. Ghaa i kow fə̀ŋ abə ghaa loʼnə nə uchɔd, gɔŋŋə nəŋə tədzəm.

Roma 16:12

Tɔŋɔ zow ndow Trifina nsə Trifosa, ghə fwaʼanə fwaʼ kə Mûkəbii kə. Ghaa tɔŋɔ zow ndow soʼo wù wuŋ u dzuŋu wə, Pesis, tə loʼ weyzən nə̀ tə n ghəŋə ndəmə aghəə tə Mûkəbii.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

Roma 8:25

Abə saa ləmmənə fə kə nə̀ saa kam khə way, saa n kow tsu kə fə̀ŋ ni ləmə fə kə tii kə.

1 Kɔrint 13:7

Ləghə i ghəŋŋə wù nə̀ tə i ghə̂mə n kow waazə nəŋə tədzəm. I ghəŋŋə wù nə̀ tə i gaʼa fə̀ŋ n kow waazə nə aghəə adzəm. I ghəŋŋə wù nə̀ tə i gaʼa fə̀ŋ n kow Zə̀ kə. I ghəŋŋə nə̀ wù i kow fə̀ŋ nəŋə tədzəm.

1 Kɔrint 16:16

N buʼu bə kəwɔɔ nə̀ ghaa i zow ndow tə̀ ndzoʼo ghə̂ ghən nsə ghə̂ ghən adzəm ghə fwaʼanə, fəʼlə dzəŋi soʼo ghi ghə.

2 Kɔrint 10:15

Ghey ka kɔʼlə dzə wû zə nə kəfwaʼ nə̀ à fwaʼ ghə̂ a nuu ghə. Ghey kee ləmmə kə nə̀ nghee tə bəghəm i fə̀ŋ i ghaa i nyim kɔʼɔ ndownə, luʼu key ghey khə ni fwaʼ kuum tii, kə i ndəŋə dow shiə ndow soʼonu.

2 Kɔrint 11:23

Ghə dza nə̀ ghə loʼ ghə̂ a kəfwaʼ a Klisto ə? (N ghɔɔmə tə̀ a loʼ wù zəghə), n buʼ tsəghəshi ghə. Mə n fwaʼ ndəmə tə aghəə tə səŋi tə, nyi n ndaw tsaʼ n ndəmə tənəŋə, ghə n mə bwɔd n ndəmə tənəŋə, mə n koʼ və zə n ndəmə tənəŋə.

2 Kɔrint 4:1

Nghee tə Zə̀ kə kwɔɔlənə sî zə n kow ghey, fuu ghey n fwaʼ kə kən, fə̂ kə loʼ kə way kə loʼ ni ghəŋə nə̀ ghey buu səə.

2 Kɔrint 4:16

À wən loʼ ghə i tii zə, fə̀ŋ tə ghey tə way ni buu doʼo, abə i loʼ kənə nə̀ ghey lay may ndow nə uwû, Zə̀ kə n ghəŋə nə̀ zay kə ghey kə i fədlə taw doʼlə bə tsuʼu ndzəm.

2 Kɔrint 5:9

Sey, abə ghey loʼ kə ghi vən fə uwû fən nkee ghey way ghi wû u tii wə, moʼlə tə ghey tə loʼ kə ni ghəŋə ghəə ghey a kpiilənə tə̀ wi.

2 Kɔrint 6:5

Ghə n ghey bwɔd, fìi naŋa n ndaw tsaʼ, ghə̂ ghə n teyyə naŋa naʼa tə nə ifuu bòʼ ghey. Ghey n fwaʼ tə̀ a loʼ ukɔd, doʼo tsuʼu n loʼ mə nə̀ ghey bweeli way, ghey n muu soʼo n dzəŋ.

Galeshia 6:2

I tɔɔmə tiilə na wû i ghaa zə n nəŋə zə uchɔd n jii i zən. Abə ghaa ghəŋŋə nə̀ sey, ghaa sey naŋŋə laŋ kə Klisto.

Galeshia 6:9

Sey, i kə saa nə buu doʼlənə ni ghəŋŋə ghəə a dzuŋu ghə nəŋə tədzəm, n təŋkey abə saa ka buu doʼo ni ghəŋŋə ghəə a dzuŋu ghə, nəŋə i bəghənu, saa i keelinə naamə.

Filipi 2:16

Kwu keeli taw tsu na ghɔɔmə i Kəzə̀ zən i fuunə muu zə itsali zə, sey nə̀ n tsuʼ fey Klisto î bəghənə tii, mə̀ i ghaŋŋə wû wə nə̀ fwaʼ kən mə fwaʼ ngəə tsəghə bənə, mə â ka fwaʼ maʼa dzə nə kənunu.

Filipi 4:3

N dza bə soʼo tə wɔ fə wuŋ wən ghi wɔ dzəŋi fwaʼa dzɔbə kɔʼɔ bə nə̀ wə gaamə gheyzən ghən, n təŋkey, ghə mâ ndzəm fwaʼ ghi mə ni naʼa tûm i dzuŋu zə. Ghə â loʼ ghi Klemen nsə ghə̂ a loʼ ghey ghə â fwaʼa dzəŋinə ghi mə. Zəd a ghə a tɔ̀ɔ doʼo n màʼlə K-a-zə̀ key tə tɔ̀ɔ naŋŋənə zəd a ghə̂ ghey ghə î zəənə muu zə itsali zə.

Kolose 1:11

N gɔŋŋə soʼo nə̀, Zə̀ kə, tə khənə daʼa wə udzəm, tə fuu ghaa n daʼa kə wi kə, sey nə̀ ghaa loʼ ni təmi taw n bəghəm i fə̀ŋ, kow fə̀ŋ nə aghəə adzəm.

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

1 Tesalonika 2:9

Waazə ghə, ghaa moʼlənu nghee tə̀ ghey â zuʼlə fwaʼa nə tii? Ghey â fwaʼa n tsə̀ tə nsə n tsuʼu tə sey nə̀, kə̂ ghey nə doʼlənə tə̀ a loʼ kəfəmmə tə̀ wù ghaa u loʼ wə, nghee tə̀ ghey naʼlənə tə̀ ghaa tûm i dzuŋu zən i nuu bənə n wɔ Zə̀ kə.

1 Tesalonika 5:12

Ghey buʼu bə kəwɔɔ a waazə ghə nə̀ ghaa fuu ingɔɔmə tə ghə̂ ghey ghə fwaʼanə n fəŋŋə kə ghaa. Ghə tsə̀ə ghaa dii soʼo ghaa n jìi zey Zə̀ kə ləghənə nə̀ ghaa muu tii.

2 Tesalonika 3:13

Abə ghaa waazə ghə i khə ghaa nə̂ buu doʼonə ni ghəŋə ghəə a dzuŋu ghə.

2 Tesalonika 3:5

Ghey gɔŋŋə nə̀ Mûkəbii ghəŋə tsu nə ghaa tɔʼ zowkeeli ləghə zey Zə̀ kə khənə n kow ghaa. Ghey gɔŋŋə soʼonə nə̀ Klisto ghəŋə nə̀ ghaa i loʼ ni kow fə̀ŋ nə̀ aghəə adzəm.

2 Tesalonika 3:8

Ghey ka zə̂ dzə fə̂ kə wù kə kənunu. Ghey fəllə fwaʼanu nəŋə tədzəm n tsuʼu tə nsə n tsə̂ tə sey nə̀ kə̂ ghey nə̂ doʼlənə tə̀ a loʼ kəfəmmə tə wù ghaa u loʼ wə.

1 Timoti 4:10

À wən loʼ zuŋ key saa fwaʼanə, dəmə soʼo ni keeli ghəə ghən, n təŋkey, saa gaʼ fə̀ŋ tə saa n kow Zə̀ kən kə loʼnə utaw, tə loʼnə bəghəshi tə ghə̂ ghə adzəm, a ka tsəm dza ghə̂ ghən ghə bəghəm fuunə tə wi.

1 Timoti 5:17

Dzûmə tə Klisto tə khə ni laalə tə ngəd tə dzəŋi kə dzûmə tə Klisto tə, tsəə dzɔbə soʼo ghə, a ka ndɔm taŋ a ghən ghə naʼlənə ghəə a Kəzə̀ ghə, dii soʼo aghə̂.

Hibru 10:36

Ghaa khə ni kow tsu kə təfə̀ŋ sey nə̀, abə ghaa ghəŋə tsunə ghəə ghey Zə̀ kə ləghənə, tə i fuu ghaa n fə key tə â təb naŋanə tə ghaa.

Hibru 12:1

Nghee i loʼ nə̀ saa khənu nɔɔ kə aghə̂ kə nii kə, ghə taʼanə ghi saa, saa zəghə maʼa ghəə ghey adzəm a təʼlənə saa n bəghəm i fə̀ŋ i saa nsə ghəə a bəbə ghey a taw doʼo bə n kow saa. Saa nyəŋ n fə̀ŋ tə saa tə tədzəm ni keeli fə key Zə̀ kə təb naŋanə tə̀ saa.

Hibru 13:13

Sey, saa ndow n səə wi a bii n mbàa inaʼ, saa ndow boʼo soʼo tow kə dədlə kə tə̀ tə â boʼonə.

Hibru 6:10

Zə̀ kə way dzə wù wey tə way tsətsəghə n ghəə a wi, sey, tə i neyzəə way fwaʼ kə ghaa kə nsə ləghə zən ghaa dii bənə tə̀ wi nghee ghaa gaamənə ghə̂ a wi ghə, ghaa a nam ndow kə n sə kə ni ghəŋŋə sey.

Hibru 6:12

Ghey ləghə way nə̀ ghaa doʼo bə ghə̂ a lay ghə, ghey fədlə ləghə nə̀ ghaa i dzûmə ndow ghow kə ibwey kə ghə̂ ghən ghə khənə bəghəm i fə̀ŋ zə, kow soʼo fə̀ŋ ni bə keeli fə key Zə̀ kə â təb naŋanə tə̀ ghə.

Hibru 6:15

Sey, nghee Abraham kow tsunə fə̀ŋ ni ləmə, tə n bə keeli kɔʼ fə key Zə̀ kə â təb naŋanə tə̀ wi.

2 Pita 1:6

N ghəə a Kəzə̀ ghey ghaa khənə, ghaa khə soʼo ni kwu keeli wû i ghaa. Nghee ghaa khə ni kwu keeli wû i ghaa, ghaa khə soʼo ni kow fə̀ŋ tə n nəŋə zə uchɔd. Nghee ghaa khə ni kow fə̀ŋ tə n nəŋə zə uchɔd, ghaa khə soʼo ni ghəŋŋə ndow kə ghəə ghey Zə̀ kə ləghənə.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

Chi dii 3:10

Nghee wə naŋŋənə laŋ kuŋ kə ni kow fə̀ŋ, mə i bəghəm way nə̀ kaakaa fə mɔm wɔ n nəŋə zə uchɔd. Chɔt u bəghənu fa n mbi ni mɔm koʼ ghə̂ ghey adzəm ghə muunə fa a ghəlitsə.