Chi dii 2:23 - Kaa n Kəzə̀ n fəghə mə

²³ Mə i wey maʼa tsu soʼo ghə̂ ghey adzəm ghə neynə ghow kə ibwey kə wi kə. Dzəŋi u dzûmə tə Klisto udzəm i keeli tsu nə̀ à loʼ mə n khənə fə̀ŋ tə aghə̂ nsə moʼlə tə aghə̂ tə tədzəm. Ghə i keeli soʼo nə̀ mə i tsəə dzəŋŋə kə kay wù ghə n fə key kə kpiilənə ghi ghəə a wi a ghəŋŋə ghə.

Chi dii 2:23 ပူးပေါင်းရင်းမြစ်များ

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Lukas 16:15

Yeso n dza ndòw tə̀ ghə nə̀, “À loʼ ghaa, ghaa diinə wû zə n sə kə aghə̂, nə ghaa loʼ ghə̂ a dzuŋu ghə, Zə̀ kə a kee koʼonə fə̀ŋ tə ghaa tə. Sey, fə wey wù sɔŋtsuʼ gaʼanə fəŋ tii, u fədlə ləbinu tə̀ Zə̀ kə.

Tùm i dzuŋu zə kuum Yeso Klisto tə Jɔn â tɔɔnə 21:17

Yeso n kəm bəb kpiʼi ndow tə̀ wi ni ghəŋə ndow tənəŋə tətəghə nə̀, “Shimun, waa Jɔn, wə ləghənu mə ə?” Ghə i tii zə n ngii fəmmə Pita n fə̀ŋ nghee tə bəbə kuulə kə ghə zə imɔʼ. Tə n beeli ndow wi nə̀, “Mûkəbii, wə khə aghəə adzəm, wə a khə soʼo nə n ləghənu wɔ.” Yeso n dza ndow tə wi nə̀, “I laalə njì tuŋ tə.

Tùm i dzuŋu zə kuum Yeso Klisto tə Jɔn â tɔɔnə 4:16

Yeso n dza ndow tə wi nə̀, “Ndow tɔŋɔ bə num wə, wə bə fa ghi wi.”

Kəfwaʼ 1:24

Ambə ghə sày kɔʼnə ghə̂ ghən, ghə n gɔŋŋə tsu nə̀, “Mûkəbii, wə khənu fə̀ŋ tə ghə̂ tə tədzəm, dii bə wu wən wə sày nə n ghə̂ ghən abəghə,

Roma 14:12

À wey loʼ ghə i tii zə, saa adzəm saa i bəghənu n sə̂ K-a-zə̀ kay wù i taŋŋə dza kɔʼ bə nghee zə a loʼnə tii.

Roma 8:27

Zə̀ kən kə khənə ghəə ghey adzəm a loʼnə n fə̀ŋ tə saa, khənu moʼlə i Zay kə Zow kə n təŋkey, Zay kə Zow kə gɔŋŋə n tow u dzûmə tə Klisto n jìi zey Zə̀ kə ləghənə.

2 Kɔrint 5:10

Saa adzəm khə ni teeli təmi n sə̂ kə Klisto, tə saʼ saa. Tə i fuu kə naamə kə kay wù n fwaʼ kən tə fwaʼnə fa mbi tə̀ a loʼ a wù sɔŋtsuʼ, nə̀ a loʼ kə fwaʼ kə dzuŋu kə nkee kə bəbə kə.

Galeshia 6:5

N sey dza təŋkey, kay wù khə kə ni fwaʼ fwaʼ key Zə̀ kə fuu naŋanə tə wi nə tə fwaʼ.

Hibru 4:13

Fə kə loʼ kə way Zə̀ kə bɔmnə, kə nyi doʼonə sə̂ a wi. Fə udzəm u chi doʼonu, loʼ n mgbaŋ n sə kə wi wən saa khə ni teeli fu taŋ tə̀ wi.

1 Pita 1:17

Ghaa tɔŋŋə Kəzə̀ nə̀ a loʼ Bày ghey abə ghaa gɔŋŋə tə̀ wi wən tə saʼanə ghə̂ ghə nə̀ tə laalə way tûm usə u wù wə. Tə saʼa kə kay wù n ghəə ghey tə ghəŋənə. Sey, ghaa khə ni muu tən kə ni ngɔɔmə Zə̀ kə n nəŋə zən ghaa nam khənə nghee ghaa tyi nyi doʼonə fa.

Chi dii 2:11

Wù wən tə khənə tuŋŋə wə, tə zow ghəə zey Zay kə Zow kə dzanə tə̀ dzəŋi u dzûmə tə Klisto tə. Wù wən tə təm zənə bəb zə, tə i kəm bə kpu way n bùʼ kə uvələ.”

Chi dii 2:7

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wən. Mə i fuu tsu kədaʼa tə̀ ghə̂ ghey ghə i taw tsəghəshiənə ghəə a bəbə ghə, ghə i kɔy nəghə tam wə n kaʼ fey fə fuunə muu zə, fə loʼnə n sum u Kəzə̀ idəŋ.”

Chi dii 20:12

Mə n koʼ ndow ghə̂ a kpuu ghə, ghə̂ a səŋi ghə nsə ghə̂ ghən ghə way ghə̂ a səŋi ghə, ghə teynə n sə kə kuu kə fɔɔ key. Ghə n chiələ umàʼlə, bə chi kɔʼ kə loʼ kə nə à loʼ màʼlə ghə tɔ̀ɔ naŋanə zəd a ghə̂ ghey ghə i keelinə muu zə itsali zə a tii. Ghə i saʼa ghə a kpuu ghə n ghəə ghən ghə â ghəŋənə tə i tɔ̀ɔ doʼnə n màʼlə u tii wə.

Chi dii 20:13

Nali kə dzuu kə n tən naŋa shi kɔʼ bə ghə̂ a kpuu ghey ghə â loʼnə tii a bii. Ivə nsə naʼ zə ivə zə n zəghə maʼa shi kɔʼ bə soʼo ghə̂ a kpuu ghey ghə â loʼnə fu. Zə̀ kə n saʼa ghə adzəm n ghəə ghən ghə â ghəŋənə

Chi dii 22:12

Yeso dza nə̀, “Koʼo! Mə i kuʼlə bəghənu! N bəghənu n naamə kə, ni naamə kay wù nghee tə̀ tə fwaʼ kuumnə tii.

Chi dii 6:8

Mə n laalə, koʼ ndow kəkhinyam kə fiilə gow shwɔlizuu. Zəd i wù wey tə â nyəŋənə khinyam kə tii kə â loʼ Ivə, Naʼ zə ivə zə n kùʼlə bəghə soʼo n baa wi. Ghə n fu ndow ghə n daʼa kə nə kəbad kəmɔ̀ʼ nə tədzawwə təkaykə fa a ghəlitsə, nə̀ ghə wey aghə̂ n kɔb, dzəŋ i faalə zə, tədzaŋa nsə nyam tə mbvən fa a ghəlitsə.