Chi dii 2:2 - Kaa n Kəzə̀ n fəghə mə

² n khə maynu ghəə ghey wə loʼ nə̀ wə n ghəŋə. N khənu nghee tə wə kuunə səŋ zə a tii ni fwaʼ nsə nghee wə kownə fə̀ŋ tii. N khənu nə̀ wə way ni bəghəm naŋa ghə̂ ghey ghə ghəŋŋənə ghəə a bəbə ghə. N khə soʼonu nə̀ wə n mɔm koʼ ghə̂ ghən ghə tɔŋŋə wû i ghə zə nə̀ à loʼ ngəd tə Yeso loʼ sey nə̀ ghə way dzə, wə u keeli tsu nə̀ ghə loʼ ghə̂ a badla ghə aghəə ghə.

Chi dii 2:2 ပူးပေါင်းရင်းမြစ်များ

Matyo 7:23

Mə i fəd dza ndow tə̀ ghə nə̀, ‘Nuu na n səə mə, ghaa loʼ ghə̂ a bəbə ghə, n khə koʼ tsə way ghaa.’”

Tùm i dzuŋu zə kuum Yeso Klisto tə Jɔn â tɔɔnə 6:6

Tə â dza ghəə ghən ni mɔm koʼ Filip, n təŋkey Yeso n wû u wi wə â khənu ghəə zey tə î ghəŋŋənə.

Galeshia 1:7

Isəŋə loʼ nə̀, tûm i dzuŋu i nuu i kəm way dzə. I dii bə nə ghə̂ a loʼ a loʼnu ghə fwɔdlənə ghaa, ləghə ni kwey tûm i dzuŋu zə kùm Klisto.

Efesus 4:14

Sey, saa i kəm way dzə tə̀ a loʼ aghinətəghə n bəghəm i fə̀ŋ i saa. Saa i kəm fwɔdlɔ way tə̀ a loʼ kəfən n dzuu, zəŋ maŋa tənnə kaabənə, zə n tən n bad kən, zə n kəm tən ndow n bad kə key, ghə̂ a tsìi ghə i way ni maŋ sìi ndzəŋ saa n tɔb u ghə u tsɔŋɔ wə.

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

1 Tesalonika 5:21

Ghaa i tɔʼɔ laalə tsuu ghəə ghə adzəm, ghəŋŋə ndow a ghey a dzɔbənə.

2 Timoti 2:19

Ghə i dzuŋu i loʼ nə tsə kə ndaw key à səd kɔʼ bənə Zə̀ kə, fə kə loʼ kə way ni soʼlə, ghə a tɔ̀ɔ naŋa tsu tii nə̀, “Mûkəbii khənu ghə̂ ghey ghə loʼnə a wi ghə”, Nsə nə̀, “Ghə̂ ghey adzəm ghə dzanə nə̀ ghə loʼ n tənə zəd i Mûkəbii, Ghə khə ni tyi zəghə maʼa ghəə a bəbə ghə.”

Hibru 6:10

Zə̀ kə way dzə wù wey tə way tsətsəghə n ghəə a wi, sey, tə i neyzəə way fwaʼ kə ghaa kə nsə ləghə zən ghaa dii bənə tə̀ wi nghee ghaa gaamənə ghə̂ a wi ghə, ghaa a nam ndow kə n sə kə ni ghəŋŋə sey.

1 Jɔn 4:1

Fə̂ ghuŋ a dzuŋu ghə, i kə ghaa nə tsəmə bəghəm fuunə tə̀ ghə̂ ghən ghə dza bənə tə ghaa nə̀ ghə ghɔɔmə n daʼa kə Zay kə Zow kə. Ghaa i mɔm koʼo tsu dzə isə nə̀ zay kə tii kə nuu bə n wɔ Zə̀ kə, boʼnə tûm tə Kəzə̀ tə tsɔŋɔ tə kəmənu fa n mbi.

Chi dii 2:5

Moʼlə tsu nghee wə â buʼ loʼ tsə tii tə̀ wɔ ni bə bwu khə̂mə. Kweyyə nuu bə fə̀ŋ zə n ghəə a bəbə ghey ghaa ghəŋŋənə, wə i ghəŋŋə ndow ghəə ghey wə â buʼu ghəŋŋə tsənə. Nə̀ à way sey, mə i bə ney nuu kɔʼ nyəllə kə kədaa kə key n bənə kə wi.

Chi dii 2:6

Wə kee khənu ghə i dzuŋu i loʼ zə wə ghəŋŋənə. Wə baa ghəə ghey dzûmə tə Nikolus tə ghəŋŋənə, ighələ tə n baa soʼonə.

Chi dii 2:9

n khənu chɔd wə wə̀ nsə nghee wə laanə tii loʼ sey nə̀ wə kee kuumnu n ghəə a Kəzə̀. N khənu ghəə a bəbə ghey ghə̂ ghən ghə tɔŋŋə wû i ghə zə nə̀ à loʼ ghə̂ a Təjuu loʼ sey nə̀ ghə way dzə dza kaabə tsənə n tow kə. À ndaw kədzəŋi ghə khə Satan.

Chi dii 3:1

Yeso n dza bə tə̀ mə nə̀, “Tɔ̀ɔ ndow tə̀ tsəndəghə ə Kəzə̀ zey i keyyənə dzəŋi kə dzûmə tə Klisto key n Sadis nə̀ wù wey tə̀ khənə Zày u Kəzə̀ wən usəghəmbəghə nsə səghəbələ mən nsəghəmbəghə, dza nə̀, n khənu ghəə ghey wə ghəŋŋənə. Wə dii bə tə wə loʼ utaw, loʼ sey nə̀ wə loʼ wù kpu.

Chi dii 3:15

n khənu ghəə ghey wə ghəŋŋənə. N khənu nə̀ wə kay way, wə a num soʼo way. I mə dzɔbə nə̀ wə baa doʼo tən tsu kə nə kəbad kəmɔʼ.

Chi dii 3:8

n khənu ghəə ghey wə ghəŋŋənə. N khənu nə̀ wə khənu nyaŋi fə kədaʼa fə, wə a ghəŋŋə ghəə ghey mə â diinə wɔ tii, ka tuu maʼa soʼo zəd zuŋ. Koʼo! Mə n chi naŋa fuʼ u ndaw wə tə wɔ nə wù loʼ tsəm way ni fìi naŋa.