Chi dii 2:13 - Kaa n Kəzə̀ n fəghə mə

¹³ N khənu luʼu key wə muunə tii. N khənu nə̀ wə muu n luʼu key Satan bəghə doʼonə tii. Wə təmi tən tsu kə n zəd zuŋ. Wə ka tuu maʼa dzə bəghəm i fə̀ŋ zən ghaa khənə n kow mə. N tsuʼu mən ghə â wey maʼanə Antipas wən tə â tɔʼ tiilə dzanə ghəə ghə bòʼ mə tə ghə̂ ghə n naʼ zə, wə n ka tsəm tuu maʼa mə.

Chi dii 2:13 ပူးပေါင်းရင်းမြစ်များ

Matyo 10:23

Abə ghə chɔdlɔnə ghaa n naʼ i loʼ zə, ghaa n tyi nuu ndòw n naʼ i nuu zə. N kuum dza bə tə̀ ghaa nə̀, ghaa î tsəghə ngəə may way nàʼa tə Izree tən tədzəm, nə̀ Waa weynum ka kam bə.”

Matyo 24:9

Ghə i kwu ghaa, ghə fuu tsəghə ndòw ghaa tə̀ ghə̂ ghey ghə i chɔdlɔnə ghaa, ghə wey ghaa. Naʼa tə mbi tədzəm tə i bàa ghaa bòʼ zəd zuŋ.

Matyo 4:10

Yeso n dza tə̀ wi nə̀, “Mbad nuu fa n səə mə, Satan! Ghə tɔɔ naŋa n màʼlə K-a-zə̀ nə̀, ‘I ngɔɔmə Mûkəbii, Zə̀ kə kə̀, Wə̀ i fwaʼa tə̀ wi n nəŋə wi.’”

Lukas 21:17

ghə̂ adzəm nə̂ baa ghaa bòʼ mə.

Kəfwaʼ 22:20

Nghee ghə â wey Sitifən wey tə â tiilə dza ghəə ghə ghə̀, mə â tey soʼonu fu, mə n bəghəm fu ndow nə̀ ghə wey wi. À loʼ mə, mə â keyyənə ndzə̂ tə ghə̂ ghey ghə â weynə wi.’

Kəfwaʼ 9:14

Tə loʼ nə̀ tə n ney daʼa kə n wɔ ghə fɔɔngili a nii ghə ni bə kwu ghə̂ ghey adzəm ghə bəghəmnə tə wɔ.”

1 Tesalonika 5:21

Ghaa i tɔʼɔ laalə tsuu ghəə ghə adzəm, ghəŋŋə ndow a ghey a dzɔbənə.

1 Timoti 5:8

Abə wù laalə way tə tyəm a ndaw a wi ghə, a ka tsəm dza ghə̂ ghey ghə muunə n ndaw ghi wi, i sey diinə tə kəm bəghəm dzə way tə Klisto, tə u bəb tsəghəshi soʼonə wù wən tə ka bəghəm tə Klisto.

2 Timoti 1:13

Tɔʼɔ kwu keeli dzɔb tsu ghəə ghən adzəm mə â dii bənə tə wɔ, tə a loʼ jìi zey i kpiinə tə wɔ ni dzûmə. Nghee wə bəghəmnə tə Klisto, khə soʼo iləghə n kow ghə̂ ghə, wə i loʼnu ni dzûmə jii zən n təŋkey wə loʼ nə kəfə kəmɔʼ ghi Yeso Klisto.

2 Timoti 2:12

Abə saa tɔʼ kow tsunə fə̀ŋ tə, Saa i dzəŋi saʼa soʼo mbi ghi wi. Abə saa tuu maʼanə wi, Tə i tuu maʼa soʼo saa.

Hibru 10:23

Saa khə ni ndow kə n sə kə ni tɔʼ kwu keeli taw tsu ghəə ghən saa bəghəmnə tii, n təŋkey, saa khə ni gaʼ fə̀ŋ n kow Zə̀ kə nə̀ tə i ghəŋŋənu ghəə zən tə â təb naŋanə.

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Jems 2:7

À loʼ ghə, ghə tsayyənə zəd i Yeso Klisto i dzuŋu zən ghə tɔŋɔnə ghaa tii.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.

Chi dii 11:3

Mə i daŋŋə tûm bə aghə̂ abəghə nə̀ ghə n dzəŋə keeli ndzə̂ tə ivə tə nə̀ ghə bə tiilə dza aghəə bòʼ mə. Ghə i dza ghəə ghən n dzanə tə ghə. Ghə i ghəŋŋə sey nə̀ ntsuʼu kam nsə bɔm mə nbəghə nsə ghəm mə ntuubə.”

Chi dii 12:11

Ghə â təm zə̂ wi n kaŋ tə Waa Nji tən ghə â fəələnə n zat kə fəkaʼ nsə nə isəŋə zən ghə â naʼlənə, dii tsu nə̀ ghə â tsəmə ləghənu ni fuu nuu muu i ghə, abə à buʼ loʼ kə ni kpu daŋŋə.

Chi dii 13:2

Faalə kə nyam mbvən zey mə â koʼnə, n fiilə kəbəghə. Fuu i wi zə n loʼ tə a loʼ nyam i loʼ zə ghə tɔŋŋə nə̀ a loʼ bee. Dzuu i wi zə n loʼ tə a loʼ dzuu i dəmow. Ngəm zey n ney fuu ndow daʼa kə wi, kuu kə fɔɔ kə wi nsə daʼa u wi wən n ndəm tə â khənə ni saʼa ghə̂ ghə a tii tə̀ faalə kə nyam mbvən key.

Chi dii 14:12

Ghəə ghən dii tsu nə̀ ghə̂ a Kəzə̀ a khə ni kow tsu fə̀ŋ, tɔŋŋə ghə̂ ghən ghə naŋŋə laŋ u Kəzə̀ bəghəm tən soʼo tə̀ Yeso.

Chi dii 17:14

Ghə i zuu ballə Waa Nji zey. Waa njì zey i kee təm zə̂ kɔʼ ghə n təŋkey tə loʼ Mûkəbii tə̀ ghə mûkəbii adzəm, loʼ Kədəŋ tə̀ də̀ŋ wə udzəm. Ghə̂ ghey ghə i təmə dzəŋinə wi ni təm zə̂ wi, à i loʼ ghə̂ ghey tə â tɔŋɔnə, ghə̂ ghey tə â sàynə nsə ghə̂ ghey ghə dzûmənə wi n fə̀ŋ tə ghə tə tədzəm.”

Chi dii 17:6

Mə n koʼ ndow nə̀ weyzən wey mə̂ khəə kaŋ tə ghə̂ a Kəzə̀ a zow ghə, nsə kaŋ tə ghə̂ ghən ghə â weynə ghə boʼnə ghə bəghəm tə̀ Yeso. Dzuu zə n ngii zum mə nghee n koʼ ndow wi.

Chi dii 2:2

n khə maynu ghəə ghey wə loʼ nə̀ wə n ghəŋə. N khənu nghee tə wə kuunə səŋ zə a tii ni fwaʼ nsə nghee wə kownə fə̀ŋ tii. N khənu nə̀ wə way ni bəghəm naŋa ghə̂ ghey ghə ghəŋŋənə ghəə a bəbə ghə. N khə soʼonu nə̀ wə n mɔm koʼ ghə̂ ghən ghə tɔŋŋə wû i ghə zə nə̀ à loʼ ngəd tə Yeso loʼ sey nə̀ ghə way dzə, wə u keeli tsu nə̀ ghə loʼ ghə̂ a badla ghə aghəə ghə.

Chi dii 3:11

Mə i kuʼlə bəghənu. Tɔʼɔ kwu keeli dzɔb tsu fə̂ key wə khənə, kə wù loʼ i bəkeeli naamə kə.

Chi dii 3:3

Moʼlə tsu ghəə zey ghə â diinə ghaa tii nsə ghəə ghey ghaa â zownə. Ghaa i dzûmə ndow ghəə a tii ghə, ghaa kweyyə nuu bə soʼo fə̀ŋ tə ghaa n ghəə a bəbə ghey ghaa ghəŋŋənə. Abə ghaa ka zhəm nuu kɔʼ, mə i bə n kow ghaa tə a loʼ wù tsɔŋɔ, ghaa i keeli soʼo way nəŋə zey mə i bəghənə tii.