Chi dii 2:10 - Kaa n Kəzə̀ n fəghə mə

¹⁰ Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.

Chi dii 2:10 ပူးပေါင်းရင်းမြစ်များ

Matyo 10:22

Ghə̂ adzəm a nə bàa ghaa bòʼ zəd zuŋ. Abə wù wey tə kee kow tsu kə fə̀ŋ, ndòw kûm i ndòw, tə i keeli ibəghəshi.

Matyo 10:28

Kə̂ ghaa nə̂ tsəŋənə ghə̂ ghey ghə loʼnə ni wey kə vən fə uwû fə wù, nə̀ ghə way ni wey zay kə wù, ghaa khə ni fəd tsəŋ Kəzə̀, n tənkey, tə̂ loʼnu ni wey vən fə uwû fə wù nsə fə̀ŋ ə wi n luʼu key ghə̂ fəʼlənə tii.

Matyo 24:13

À kee loʼ nə̀, wù wey tə i kow tsunə fə̀ŋ ndòw kùm i ndòw, tə i keeli ibəghəshi.

Malakus 13:13

Ghə̂ adzəm ghə i bàa ghaa bòʼ mə. A kee loʼ nə̀, wù wey tə i təmi taw tsunə, zow ngoʼ ndòw kùm i ndòw, tə i keeli ibəghəshi.

Malakus 8:35

N təŋkey wù wey tə ləghənə ni bəghəshi wû u wi, tə i nayyə maʼanu. Abə wù wey tə kee nayyə maʼanə muu i wi zə bòʼ mə nsə tûm i dzuŋu zə, tə i keeli muu zə itsali.

Lukas 21:12

Tə ghəə ghən ni bə shi, ghə nə̂ kwɔɔ ghaa, ghə nə̂ chɔd ghaa, ghə nə̂ fuu tsəghə ndow ghaa tə̀ ghə̂ ghey n ndaw tə udzəŋi u ghə̂ a təjuu nə ghə saʼ ghaa, ghə nə̂ kuu ghaa n ndaw tsaʼ. Ghə i ney bə ghaa n sə kə udəŋ nsə ghə̂ a saʼa ghə inaʼ ghə kùm zəd zuŋ.

Tùm i dzuŋu zə kuum Yeso Klisto tə Jɔn â tɔɔnə 12:25

Wù wey tə ləghənə muu i wi zə, tə i guŋŋənu muu i wi zə, wù wey tə fədlə baanə muu i wi zə fa n mbi, i fəd keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 13:2

Nghee Yeso sə zə̂ənə n kuubə tə ghi ngəd tə wi tə, à n loʼ nə̀ vəətsəə ghə n nyi bəəbə n fə̀ŋ ə Judas Iskariɔt, tɔŋŋə waa Shimun nə̀ tə ndow fìi fuu Yeso.

Tùm i dzuŋu zə kuum Yeso Klisto tə Jɔn â tɔɔnə 13:27

Nghee Judas zə̂ kɔʼnə baa fən, Satan n nyi ndòw n kow wi. Yeso n daŋŋə dza tə̀ wi nə̀, “Zaŋŋə ghəŋə ndow ghəə zey wə dza i ghəŋə.”

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Kəfwaʼ 21:13

Pɔl n dza tə ghə nə̀, “Ghaa sey jiə ngee? Ghaa baŋŋə fə̀ŋ zuŋ nə idey ə? Mə n tsəm bəghəm nə ghə kwu kow naŋa mə, ghə buʼ wey daŋŋə mə n Yerosalem bòʼ Mûkəbii Yeso.”

1 Kɔrint 9:25

I loʼ soʼo nə̀ ghə̂ ghey ghə nyəŋə baalənə ghə maʼlə tsu iwû ni naŋa kɔʼ ndow laŋ wey u laalənə ghəə â nyəŋə ghə. Ghə ghəŋŋə sey ni keeli kənaamə nə kə i doʼo tsuŋŋə way. Abə ghey, ghey kee nyəŋə ni keeli naamə key kə doʼlə tənə nə.

Efesus 2:2

Ghaa â muu tsə nə̀ ghaa dzûmə ndow ghəə a mbi a bəbə ghə, zow laŋ u Satan, Zay kə bəbə kən kə saʼanə zay u bəbə wən u loʼnə idəŋ. À loʼ wi tə fwaʼanə n kow ghə̂ ghən ghə naŋŋə way laŋ u Kəzə̀ wə.

Efesus 6:12

N təŋkey, saa zùulə baalə dzə way ghi wù sɔŋtsuʼ. Saa zùulə baalə ghi zay u bəbə wən u loʼnə tə̀ a loʼ udə̀ŋ fa mbi, zay u bəbə wən u loʼnə tow kə n ghəə ghən a tsəghənə nə kələm, daʼa u bəbə wən u saʼanə ghəə a mbi ghə, nsə sə̀ghə̀ n bəbə mən n loʼnə idəŋ.

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

1 Pita 5:4

Abə ghaa ghəŋŋənə sey, abə wù wey tə loʼnə tow kə n tə̀ ghə̂ a baʼa a tənjì ghə i bənə, tə i dzəŋi bə ghaa n taŋŋə kə fɔɔ key kə loʼ nə̀, jìi zey kə nyiəllənə tii, nyiəllə i tii i nə kwey koʼ way.

1 Pita 5:8

Ney kɔʼ na ghə̂mə zə, ghaa təmi kɔʼ nə ifuu! Wù təngəmə ghaa tɔŋŋə də̀ŋ kə avəətsəə kə ghaalə kaabə tsənu tə̀ dəmow nə nəmmənə, i kəŋənə wù ni kwu fə.

Chi dii 13:14

Faalə mən zə â diinə n ghəŋə nə̀ ghə fuu wi n daʼa kə nə̀ zə i saʼa n tow kə faalə kə nyam mbvən kə sə isə key. Zə n sii ndzəŋ ndəmə aghə̂ a ghəlitsə. Zə n dza tə ghə nə̀ ghə bɔm kɔʼ fəmuʼu tə ghə ni ngɔɔmə, fə fiilənə faalə kə nyam mbvən kə sə isə key ghə â nyîmmənə wi n kɔb, zə n nam loʼ kə utaw.

Chi dii 13:2

Faalə kə nyam mbvən zey mə â koʼnə, n fiilə kəbəghə. Fuu i wi zə n loʼ tə a loʼ nyam i loʼ zə ghə tɔŋŋə nə̀ a loʼ bee. Dzuu i wi zə n loʼ tə a loʼ dzuu i dəmow. Ngəm zey n ney fuu ndow daʼa kə wi, kuu kə fɔɔ kə wi nsə daʼa u wi wən n ndəm tə â khənə ni saʼa ghə̂ ghə a tii tə̀ faalə kə nyam mbvən key.

Chi dii 13:7

Ghə n fuu ndow faalə kə nyam mbvən key n daʼa kə nə̀ tə zùu ballə ghə̂ a Kəzə̀, tə təm zə kɔʼ ghə̂ a Kəzə̀. Ghə fuu soʼo wi n daʼa kə ni saʼa sali ndaw tə tədzəm, aghə̂ adzəm, ghɔɔmə tə tətûm nsə naʼa tə tədzəm.

Chi dii 17:14

Ghə i zuu ballə Waa Nji zey. Waa njì zey i kee təm zə̂ kɔʼ ghə n təŋkey tə loʼ Mûkəbii tə̀ ghə mûkəbii adzəm, loʼ Kədəŋ tə̀ də̀ŋ wə udzəm. Ghə̂ ghey ghə i təmə dzəŋinə wi ni təm zə̂ wi, à i loʼ ghə̂ ghey tə â tɔŋɔnə, ghə̂ ghey tə â sàynə nsə ghə̂ ghey ghə dzûmənə wi n fə̀ŋ tə ghə tə tədzəm.”

Chi dii 2:13

N khənu luʼu key wə muunə tii. N khənu nə̀ wə muu n luʼu key Satan bəghə doʼonə tii. Wə təmi tən tsu kə n zəd zuŋ. Wə ka tuu maʼa dzə bəghəm i fə̀ŋ zən ghaa khənə n kow mə. N tsuʼu mən ghə â wey maʼanə Antipas wən tə â tɔʼ tiilə dzanə ghəə ghə bòʼ mə tə ghə̂ ghə n naʼ zə, wə n ka tsəm tuu maʼa mə.

Chi dii 2:9

n khənu chɔd wə wə̀ nsə nghee wə laanə tii loʼ sey nə̀ wə kee kuumnu n ghəə a Kəzə̀. N khənu ghəə a bəbə ghey ghə̂ ghən ghə tɔŋŋə wû i ghə zə nə̀ à loʼ ghə̂ a Təjuu loʼ sey nə̀ ghə way dzə dza kaabə tsənə n tow kə. À ndaw kədzəŋi ghə khə Satan.