Chi dii 18:2 - Kaa n Kəzə̀ n fəghə mə

² Tə n naʼa shi kɔʼ n dzə̂ i taw zə nə̀, “Babilɔn u nii wə n bwu tsu bə! Tə n tsuu bwu! Naʼ i tii zə fəd doʼo luʼu key vəətsəə a muunə tii nsə zay u bwu wə. À naʼ i tii nya khə kə nnən n dzəə mə, fə̂ u dzəə wə udzəm nsə nyam tən wù tsəm ləghə way ni koʼ.

Chi dii 18:2 ပူးပေါင်းရင်းမြစ်များ

Chi dii 1:15

Fuu i wi zə n nyiəllə tə a loʼ kəvuʼ ghə tsə tsunə nə kənam, tsoʼlə tsu. Dzə̀ ə wi n shiə bə tə a loʼ bwabwa i dzuu i taa tsuu bənə.

Chi dii 10:3

Tə n tɔŋɔ shi kɔʼ n dzə̀ i taw i loʼ zə tə̀ dəmow nə nəmmənə. Ambə tə tɔŋɔ shi kɔʼnə sey, ghow zə n nuu kə̀m tsu tənəŋə təsəghəmbəghə.

Chi dii 11:8

Vən a ghə ghə i nyəŋi doʼo n jii naʼ i səŋi zən ghə â weynə Mûkəbii ə ghə tii n zat kə fəkaʼ. Zəd i ndzɔŋ zə inaʼ i tii i loʼ Sodom nsə Ijip.

Chi dii 14:15

Tsəndəghə Kəzə̀ u loʼ wə n shi kpiʼi bə n ndaw Kəzə̀ i nii zə idəŋ, tɔŋɔ ndow wù wey tə â doʼ n mbaʼ tey n dzə̀ i taw zə nə̀, “Ney kɔʼ kɔb fə ngɔli fey, wə zey ndow ni kpey ufə, n təŋkey nəŋə i kpey zə n kpii. Fə wə n beyyə a ghəlitsə ni kpey fən.

Chi dii 14:8

Tsəndəghə Kəzə̀ zey nə ulii ubəghə â dzûmə ndow u sə isə wey n dza, “Babilɔn n bwu tsu bə! Tə n tsuu bwu! Wù səŋi wən tə â ghəŋənə naʼa tə tədzəm nə̀ tə mə̂ lə n wi. Lə n wi mən â ghəŋŋə nə̀ ghə̂ ghey ghə mə̂nə lə n tii mə, ghə i ghəŋŋə ghəə a laŋŋə ghə.”

Chi dii 16:13

Mə n koʼ ndow zay bwu wə utəghə u loʼ tə a loʼ utsam. Wə n shiə bə n dzuu i ngəm zey, n dzuu i faalə kə nyam mbvən key nsə dzuu i tûm tə Kəzə̀ tə tsɔŋɔ tey.

Chi dii 16:19

Naʼ i nii zey n dzawwə doʼo tsu nə ubad utəghə, ghə n saʼa maʼa tsu soʼo luʼu tə nii tə nə tənaʼa tədzəm. Zə̀ kə n moʼlə bə Babilɔn u nii wey, ghəŋə tsu nə̀ tə mə̂ nlə n wɔɔ wi. N wɔɔ tii, â luu doʼo tən kə nlə mey n loʼnə nəghə u wi u fəə wə.

Chi dii 17:18

Weyzən wən wə â koʼnə loʼ naʼ i nii zey i saʼa fɔɔ wə udəŋ wey a ghəlitsə.”

Chi dii 17:5

Zəd i fənnə i loʼ zə n loʼ n kaʼ usə u wi ghə tɔ̀ɔ naŋanə nə̀, “Babilɔn, weyzən u nii wə, nay tə kpala wə udzəm nsə tə ghəə a dzəə ghə adzəm n ghəlikətsə.”

Chi dii 18:10

Ghə i səŋ təmi nay ndow, ghə i deyyə nə̀, “Ohooo! Ohooo! Naʼ i səŋi zə, Naʼ i nii i Babilɔn zə! N nəŋə zə izow imɔʼ kələ, ghə n wɔ ləŋi maʼa!”

Chi dii 18:21

Tsəndəghə Kəzə̀ u nii nii wə n daŋŋə boʼo kɔʼ itay nə̀ i dow tə a loʼ tay i gwɔɔlə zə, maʼa nyi tsu n nali kə dzuu, dza tsu nə̀, “À wən bɔɔmə loʼ nghee ghə i saʼa maʼanə naʼ i Babilɔn i səŋi zən tii nə kədaʼa. Ghə nə way ni kəm koʼ naʼ i tii zə.

Chi dii 5:2

Mə n koʼ ndow tsəndəghə u nii u loʼ wə tə naʼlə shiə kɔʼɔ n dzə i taw zə nə̀, “À loʼ ndee tə kɔʼ kpiinə ni zhwey nuu kɔʼ mə̀ŋ zən, tə zìilə chi kɔʼ màʼlə kə kən ə?”