Chi dii 17:1 - Kaa n Kəzə̀ n fəghə mə

¹ Tsəndəghə umɔ̀ʼ n tsətəndəghə tə Kəzə̀ tey təsəghəmbəghə ghə â khənə bɔm tə təsəghəmbəghə n bə dza bə tə mə nə̀, “Bə, mə i dii tə wɔ nghee ghə i chɔdlɔnə kpala kən zɔŋ u wi u ngii fuŋunə, tə muunə n səə ndəmə tədzuu.

Chi dii 17:1 ပူးပေါင်းရင်းမြစ်များ

Lukas 24:32

Ghə n ghɔɔmə tiilə n wû i ghə dza, “N dza fə̀ŋ tə saa tə mə duʼlənu nghee tə mə ghɔɔmə bəghənə ghi saa n jii, tiilə dza bə ghəə ghey a loʼnə n màʼlə K-a-zə̀ ə?”

Lukas 9:30

Ghə̂ a loʼ ghə abəghə n maŋ fòw shi kɔʼ fu tɔŋŋə Elayja ghi Mushi, ghɔɔmə ghi Yeso.

Chi dii 1:1

À wən loʼ màʼlə kə ghəə ghən Yeso Klisto a chi diinə tə̀ Jɔn. Zə̀ kə â fuu ghəə a tii ghə tə wi, nə̀ tə dii nduŋə ndow tə ghə̂ a kəfwaʼ wi ghə. Ghəə a tii a loʼ ghəə ghey ghə i kuʼlə neynə bənə kə. Ni ghəŋə nə̀ ghə keeli ghəə ghən, Klisto n tûm bə tsəndəghə wi tə wù kəfwaʼ wi tɔŋŋə Jɔn.

Chi dii 15:1

Mə n koʼ ndow faalə faalə kə tsəə i loʼ zə n bikighow nə̀ wù way ni tiilə. Mə n koʼ ndow soʼo tsətəndəghə tə Kəzə̀ təsəghəmbəghə tə kwu keelinə zəŋ tən təsəghəmbəghə tə bəghə guŋŋənə. Zəŋ tən təsəghəmbəghə loʼ nəghə u fəə u Kəzə̀. Abə zəŋ tən təsəghəmbəghə i tsəghə nuu tsunə, Zə̀ kə i kəm fəələ way n nəghə wə.

Chi dii 16:19

Naʼ i nii zey n dzawwə doʼo tsu nə ubad utəghə, ghə n saʼa maʼa tsu soʼo luʼu tə nii tə nə tənaʼa tədzəm. Zə̀ kə n moʼlə bə Babilɔn u nii wey, ghəŋə tsu nə̀ tə mə̂ nlə n wɔɔ wi. N wɔɔ tii, â luu doʼo tən kə nlə mey n loʼnə nəghə u wi u fəə wə.

Chi dii 18:1

Ambə ghəə ghən tsəghə tsunə, mə n koʼ ndow tsəndəghə Kəzə̀ u loʼ tə shiə tsu bənə idəŋ. Tə n khə daʼa kə nii kə, nyiələ zey tə â nyiəllənə n ghəŋə soʼo nə̀ luʼu tə zow kaabə ndow tədzəm a ghəlitsə.

Chi dii 19:2

Jìi zey tə saʼanə tii kpiinu loʼ soʼo tsətsəghə! Tə n tsəʼlə saʼ nə̀ kpala kə nii kən Kə â sii ndzəŋnə ghə̂ ghə a ghəlitsə ghi ghəə wi a laŋŋə ghə, nə̀ tə i fəʼlənu. Tə n dey fuu ngəmə tə ghə̂ a kəfwaʼ a wi ghən tə â weynə n kow wi.”

Chi dii 19:9

Tsəndəghə Kəzə̀ zey n dza tə mə nə̀, “Tɔ̀ɔ naŋa tsu nə̀, Zə̀ kə i buulə ghə̂ ghən ghə tɔŋɔnə n zə̂ kə ney zə iwû i Waa Nji zey!” Tə n dza kpiʼi bə tə̀ mə nə̀, “À wən loʼ ghɔɔmə zən i loʼnə isəŋə, i nuu bə n wɔ Zə̀ kə.”

Chi dii 21:15

Tsəndəghə Kəzə̀ zey zə â ghɔɔmə bənə tə mə n khə mbaŋ zey ghə fòʼlənə luʼu tə tii nə̀ ghə faalə nə itsàa. Tə â dza i foʼlə naʼ i tii, fuʼu n təmbàa n naʼ i tii zə nsə mbàa tə naʼ i tii zə n mbaŋ fə tii fə.

Chi dii 21:9

Tsəndəghə Kəzə̀ umɔ̀ʼ n tsətəndəghə tə Kəzə̀ tey təsəghəmbəghə ghə â khənə bɔm tey təsəghəmbəghə nə̀ a tii luu doʼo tən kə zəŋ tən tə guŋŋə kɔʼnə təsəghəmbəghə n bə n səə mə dza tə mə nə̀, “Bə, mə i dii bə wɔ n weyzən, wey Waa Nji zey.”

Chi dii 4:1

Ambə n koʼ may tsu ghəə ghən, mə n kəm keeli jim u loʼ wə, n jim u tii wə, mə n koʼ fuʼ u ndaw u chi doʼonə idəŋ. Mə zow ndow dzə i loʼ zə i ghɔɔmə bə nə tə mə, nə̀ i fuŋu tə a loʼ isɔŋ, zə n dza nə̀, “Kɔʼ bə fa tə n dii bə wɔ n ghəə ghən a khə ni teeli shi.”