Chi dii 16:1 - Kaa n Kəzə̀ n fəghə mə

¹ Mə n daŋŋə zow ndow dzə̀ i taw zə i ghɔɔmə ndownə tə̀ tsətəndəghə tə Kəzə̀ tey təsəghəmbəghə nə̀ i shiə bə n ndaw Kəzə̀ i nii zey idəŋ. Zə n dzə nə̀, “Ndow feeli maʼa shi tsu ndow bɔm tey təsəghəmbəghə, nəghə u Kəzə̀ u fəə u loʼnə tii n ghəlikətsə!”

Chi dii 16:1 ပူးပေါင်းရင်းမြစ်များ

Chi dii 11:19

Ndaw Kəzə̀ i nii zə idəŋ n daŋŋə chi kɔʼ. Mə n koʼo nyiə ndow tətaalə kə nkaa n wi fu tii. Ghow zə n mwaalə, kwɔɔ, kəmmə, ghəlikətsə kə n noʼlə nə kədaʼa, tətay mə n ngii tsɔʼlə soʼo.

Chi dii 14:15

Tsəndəghə Kəzə̀ u loʼ wə n shi kpiʼi bə n ndaw Kəzə̀ i nii zə idəŋ, tɔŋɔ ndow wù wey tə â doʼ n mbaʼ tey n dzə̀ i taw zə nə̀, “Ney kɔʼ kɔb fə ngɔli fey, wə zey ndow ni kpey ufə, n təŋkey nəŋə i kpey zə n kpii. Fə wə n beyyə a ghəlitsə ni kpey fən.

Chi dii 14:18

Tsəndəghə Kəzə̀ u loʼ wə n nam shi bə, tə wən tə laalənə vələ wey u nuu bə nə n tsə zey ghə fəələnə maʼlə wə tii. Zə n naʼa shi kɔʼ n dzə̀ i taw zə nə̀, “Ney kɔʼ kɔb fə tɔɔbə fə fey, wə kɔy zuŋŋə bə kaʼ u təlami n sûm ghəlikətsə, n təŋkey tə n baŋ ni kɔy.”

Chi dii 15:1

Mə n koʼ ndow faalə faalə kə tsəə i loʼ zə n bikighow nə̀ wù way ni tiilə. Mə n koʼ ndow soʼo tsətəndəghə tə Kəzə̀ təsəghəmbəghə tə kwu keelinə zəŋ tən təsəghəmbəghə tə bəghə guŋŋənə. Zəŋ tən təsəghəmbəghə loʼ nəghə u fəə u Kəzə̀. Abə zəŋ tən təsəghəmbəghə i tsəghə nuu tsunə, Zə̀ kə i kəm fəələ way n nəghə wə.

Chi dii 16:17

Tsəndəghə Kəzə̀ zey nə ulii usəghəmbəghə n feeli maʼa kɔʼ ndow bɔm wi idəŋ. Dzə̀ i taw zə n shi bə n kuu kə fɔɔ key ndaw Kəzə̀ i nii zə idəŋ. Zə n dza nə̀, “Mə n mayyə ghəə ghə adzəm!”