Chi dii 15:1 - Kaa n Kəzə̀ n fəghə mə

¹ Mə n koʼ ndow faalə faalə kə tsəə i loʼ zə n bikighow nə̀ wù way ni tiilə. Mə n koʼ ndow soʼo tsətəndəghə tə Kəzə̀ təsəghəmbəghə tə kwu keelinə zəŋ tən təsəghəmbəghə tə bəghə guŋŋənə. Zəŋ tən təsəghəmbəghə loʼ nəghə u fəə u Kəzə̀. Abə zəŋ tən təsəghəmbəghə i tsəghə nuu tsunə, Zə̀ kə i kəm fəələ way n nəghə wə.

Chi dii 15:1 ပူးပေါင်းရင်းမြစ်များ

Chi dii 10:3

Tə n tɔŋɔ shi kɔʼ n dzə̀ i taw i loʼ zə tə̀ dəmow nə nəmmənə. Ambə tə tɔŋɔ shi kɔʼnə sey, ghow zə n nuu kə̀m tsu tənəŋə təsəghəmbəghə.

Chi dii 11:14

Zəŋ zən nə ulii ubəghə n tsəghə nuu i tsu. Zəŋ zey nə ulii utəghə kùʼlə bəghənu.

Chi dii 14:10

ghə i məə soʼonu lə n Kəzə̀ mən n loʼnə nəghə u fəə wə, tə feeli tsunə udzəm nə̀ ghə ka nyɔɔmə n wɔɔ nəghə u Kəzə̀ u fəə wə. Ghə i chɔdlɔ ghə n faalə kə uvələ kən sɔlfɔ ghəŋə nə̀ wə i ndəŋə bəʼlə n sə kə tsətəndəghə tə Kəzə̀ tə zow tə nsə n sə kə Waa Nji zey.

Chi dii 14:19

Tsəndəghə Kəzə̀ zey n wəd ndow kɔb fə ngɔli fey n ghəlikətsə zuŋŋə bə lami tey nə nkaʼ, feeli nyi tsu n nyùʼ key ghə kammənə lə mən n shiə bənə nə təlami. Lə mən loʼ nəghə u Kəzə̀ u fəə wə.

Chi dii 16:1

Mə n daŋŋə zow ndow dzə̀ i taw zə i ghɔɔmə ndownə tə̀ tsətəndəghə tə Kəzə̀ tey təsəghəmbəghə nə̀ i shiə bə n ndaw Kəzə̀ i nii zey idəŋ. Zə n dzə nə̀, “Ndow feeli maʼa shi tsu ndow bɔm tey təsəghəmbəghə, nəghə u Kəzə̀ u fəə u loʼnə tii n ghəlikətsə!”

Chi dii 17:1

Tsəndəghə umɔ̀ʼ n tsətəndəghə tə Kəzə̀ tey təsəghəmbəghə ghə â khənə bɔm tə təsəghəmbəghə n bə dza bə tə mə nə̀, “Bə, mə i dii tə wɔ nghee ghə i chɔdlɔnə kpala kən zɔŋ u wi u ngii fuŋunə, tə muunə n səə ndəmə tədzuu.

Chi dii 19:15

Kɔb i tɔbə zə n shi bə n dzuu i wi. A loʼ n kɔb ə tii, tə i təmə zəənə naʼa tə. Tə i saʼa ghə n wɔɔ a taw ghə, tə i dəʼlə soʼo ghə n nəghə u fəə u Zə̀ kən kə khənə daʼa wə udzəm tə ghə nə dəʼlənə lami tə n nyùʼ key ghə kammənə nlə n təlami mə tii.

Chi dii 21:9

Tsəndəghə Kəzə̀ umɔ̀ʼ n tsətəndəghə tə Kəzə̀ tey təsəghəmbəghə ghə â khənə bɔm tey təsəghəmbəghə nə̀ a tii luu doʼo tən kə zəŋ tən tə guŋŋə kɔʼnə təsəghəmbəghə n bə n səə mə dza tə mə nə̀, “Bə, mə i dii bə wɔ n weyzən, wey Waa Nji zey.”

Chi dii 8:13

Mə n laalə ndow, mə n zow ndow boʼo tûm i zəʼlə kaabə idəŋ idəŋ, zə n dey shi bə n dzə̂ i taw zə nə̀, “Ohooo! Ohooo! Ngoʼ i faalə i bəghənu tə ghə̂ ghən fa a ghəlitsə bòʼ ghəə zən zə i shiənə abə tsətəndəghə tə Kəzə̀ tən tətəghə i tɔŋɔnə sɔŋ tə ghə tə.”

Chi dii 8:2

Mə n daŋŋə koʼ ndow tsətəndəghə tə Kəzə̀ tə tii tə təsəghəmbəghə tə tey n səə Kəzə̀, ghə n fuu ndow ghə n sɔŋ tə təsəghəmbəghə.

Chi dii 8:6

Tsəndəghə tə Kəzə̀ tey təsəghəmbəghə tə khənə sɔŋ tey səghəmbəghə n bayyə tsu wû i ghə ni tɔŋ sɔŋ tə tii tə.

Chi dii 9:20

Taŋ aghə̂ ghən ghə â doʼo səə nə̀ ghə ka kpu n zəŋ tən, n ka tsəm kwey fə̀ŋ tə ghə ni ngɔɔmə muʼu mən ghə faalə kɔʼnə. Ghə n ka buu doʼo soʼo ni ngɔɔmə avəətsəə nsə muʼu mən ghə bɔm kɔʼ nə itsàa, tsâa zə shɔlɔ, tsâa i kəbwu, nə atay nsə muʼu mən ghə kɔm kɔʼ nə nkaʼ. Fə wən udzəm koʼo way sə̂ ghə, zow soʼo way tuŋŋə wə, bwey soʼo way.