Chi dii 14:4 - Kaa n Kəzə̀ n fəghə mə

⁴ À wən loʼ ghə̂ ghən ghə â ka dzəələ wû i ghə ghi gheyzən ghə, boʼnə ghə â doʼo tən kə nə̀ ghə ka nyəŋi koʼ ghi weyzən. Ghə n dzûmə Waa Nji zey n luʼu tey tədzəm tə ndownə. Ghə loʼ ghə̂ ghən ghə bəghəshi bənə ghə n wɔɔ kə wù sɔŋtsuʼ. Ghə loʼ fə u sə isə wən u fən bə nə usum, saa fuu ndownə tə̀ Zə̀ kə nsə tə̀ Waa Nji.

Chi dii 14:4 ပူးပေါင်းရင်းမြစ်များ

Matyo 19:12

Boʼnə zùŋ u loʼ n ndəm u ghəŋŋənə nə̀ ghə̂ a loʼ a ka ney ghey ghə. Ghə̂ a loʼ a way ni ney aghey nə̀ zùŋ kə tii kə loʼ nə̀ ghə â ji ghə sey, a loʼ ghə u way ni ney aghey nə̀ a ghəŋŋə aghə̂, a loʼ ghə u way ni ney aghey nə̀ a say kɔʼ ghə bòʼ ghəə a Fɔɔ wə idəŋ wə. Wù wey tə loʼnə ni bəghəm ghəə ghən, bəghəm kɔʼ.”

Matyo 25:1

Yeso n dza tə̀ ghə nə̀, “N tsuʼ fey Waa Weynum î bəghənə tii, Fɔɔ u Kəzə̀ wə i loʼ tə̀ a loʼ waa a zən a loʼ ghə ighəm ghə â ney kɔʼnə daa u ghə wə, shi ndòw ni ndòw kpii ney nùm weyzən.

Matyo 8:19

Wù dii u kəlaŋ u loʼ wə n bə n səə wi, dza tə̀ wi nə̀, “Wù dii wə, mə î dzûmənu wɔ n luʼu kə ghaa key wə ndòwnə tii.”

Tùm i dzuŋu zə kuum Yeso Klisto tə Jɔn â tɔɔnə 10:27

Nji tuŋ tə zowkeelinu dzə̀ zuŋ. N khənu ghə, ghə u dzûmənə mə.

Tùm i dzuŋu zə kuum Yeso Klisto tə Jɔn â tɔɔnə 12:26

Wù wey tə ləghənə ni doʼo wù kəfwaʼ wuŋ, khə ni dzûmə mə, nə luʼu key n loʼnə tii, wù kəfwaʼ wuŋ i loʼ sòʼo fu. Abə wù fwaʼanə tə̀ mə, Bày wuŋ n ngɔɔmə wù tii.”

Tùm i dzuŋu zə kuum Yeso Klisto tə Jɔn â tɔɔnə 13:37

Pita n bəb tə̀ wi nə̀, “Mûkəbii, a loʼ kee wə dza nə̀ n way ni bə n baa wɔ nya ə? Mə n bəghəm ni kpu n baa wɔ.”

Tùm i dzuŋu zə kuum Yeso Klisto tə Jɔn â tɔɔnə 8:12

Yeso n ghɔɔmə kpiʼi ndòw aghəə tə̀ nɔɔ kə aghə̂ key nə̀, “N loʼ kədaa tə̀ ghə̂ a mbi ghə adzəm. Wù wey tə dzûmənə mə, î bwey koʼ way nə kələm, tə i fədlə keeli daa key kə fuunə muu zə.”

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

1 Kɔrint 16:15

Waazə ghə, ghaa khənu nə̀ Stefanas ghi ghə̂ ghey n ndaw wi â loʼ ghə̂ a sə isə ghə ni fəd doʼo bə dzûmə tə Klisto n mboʼo Akaya. Ghə a fuu may ndownə wû i ghə zə ni fwaʼa tə̀ ghə̂ a Kəzə̀ ghə.

1 Kɔrint 6:20

Zə̀ kə mâ kùmshi tow u ghaa wə n wən i taw zə. Sey, ghaa khə ni ney naŋa tsu vən fə uwû fə ghaa ni kɔʼlə Zə̀ kə a tii.

1 Kɔrint 7:28

Nə wə kee ney ndòw wey, wə ka ghəŋə bəəbə dzə, waa u zən wey tə ney ndownə num, tə ka ghəŋə bəəbə soʼo. Isəŋə kee loʼ nə̀ ghə̂ ghey ghə neynə wû zə i keeli ndəmə nchɔd n muu i ghə, à wey loʼ i ghii n dəmənə ni ghəŋə nə̀ kə ghaa nə nyiənə n chɔd mən.

2 Kɔrint 11:2

N mbuŋŋə ni keeli nghee tə̀ ghaa loʼnə tii ighələ tə̀ Zə̀ kə mbuŋŋənə ni keeli. N ləghə ni fuu ndow ghaa tə̀ wù umɔʼ tɔŋŋə Klisto nə̀ ghaa khə way bwu i loʼ zə̀, tə̀ bày weyzən wən ghə â nyi naŋanə nə fuu ndownə waa wi wən tə̀ num nə̀ tə ka kam nyəŋi koʼ tsə ghi weynum.

Efesus 1:14

Zə̀ kə fuu saa n Zay kə Zow kə tə̀ a loʼ tsəə nə saa i keelinu naamə key nsə bəghəshi zey Zə̀ kə təb naŋanə, sey nə̀, saa i kɔʼlə wi bòʼ ghaʼ i wi.

Efesus 5:27

Sey nə, ndaw Kəzə̀ i loʼ n sə kə wi nə̀ i nyiələ dzɔbə, khə way dzə u loʼ wə, njuʼlə way soʼo. Zə i loʼ nə̀ zow dzɔbənu khə soʼo way bəb i loʼ zə.

1 Timoti 4:3

Ndzoʼo ghə̂ ghən dii nə̀ kə ghə̂ a nə neynə wû zə, tuu soʼo nə̀ kə ghə̂ a nə zəənə ndzoʼo fəzəə n loʼ mə, loʼ sey nə̀ Zə̀ kə ghəŋə fəzəə n tii mə nə̀ abə ghə̂ ghən ghə bəghəmnə tə Klisto, keeli soʼo isəŋə n ghəə a tii ghə dza i zə̂, ghə n zə̂ nə̀ ghə n fuu kɔʼ dzə zɔŋŋə kə tə Zə̀ kə nə igɔŋŋə.

Hibru 12:23

Ghaa n bə n dzəŋi kə ghə̂ ghey ghə loʼ tə a loʼ waa a Kəzə̀ a sə isə ghən zəd a ghə a tɔ̀ɔ doʼonə idəŋ. Ghaa n bə n səə Zə̀ key kə saʼanə ghə̂ ghə adzəm. Ghaa n bə n luʼu key zay u ghə̂ a Kəzə̀ ghən muu i ghə zə â loʼnə tsətsəghə, Zə̀ kə n ghəŋə nə̀ ghə kpii tsu ghə̂ ghey tə ləghənə nə̀ ghə i loʼ ghii kə.

Jems 1:18

 tsəm kɔʼ Kəzə̀ nə saa doʼo bə waa a wi n bam i ghɔɔmə i wi zən i loʼnə isəŋə, sey nə̀, saa loʼ ni doʼo ghə̂ ghey ghə tsəghəshinə fə wən tə bɔmnə fa n mbi udzəm.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

Chi dii 17:14

Ghə i zuu ballə Waa Nji zey. Waa njì zey i kee təm zə̂ kɔʼ ghə n təŋkey tə loʼ Mûkəbii tə̀ ghə mûkəbii adzəm, loʼ Kədəŋ tə̀ də̀ŋ wə udzəm. Ghə̂ ghey ghə i təmə dzəŋinə wi ni təm zə̂ wi, à i loʼ ghə̂ ghey tə â tɔŋɔnə, ghə̂ ghey tə â sàynə nsə ghə̂ ghey ghə dzûmənə wi n fə̀ŋ tə ghə tə tədzəm.”

Chi dii 21:22

N ka kee koʼ dzə fəə fə n naʼ i tii zə, n təŋkey, fəə fə wi fə i loʼ Mûkəbii, Zə̀ kən kə khənə daʼa wə udzəm nsə Waa Nji zey.

Chi dii 21:23

Inyi nsə ndzɔŋ khə way fwaʼ kə loʼ kə fu inaʼ, n təŋkey, daa kən kə baŋa shiə bənə n kow Zə̀ kə baŋa fu inaʼ, Waa Nji zey u loʼ soʼonə daa kə naʼ i tii zə.

Chi dii 3:4

Wə nam khənu sə̂ fə aghə̂ fə loʼ fə n Sadis, ghə loʼ nə̀ ghə ka kam dzəələ ndzə̂ tə ghə tə. Ghə i bwey dzəŋi ghi mə nə̀ ghə n dzəŋə keeli ndzə tə fəmə tə n təŋkey, ghə n kɔʼ kpi ni bwey ghi mə.

Chi dii 5:9

Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.