Chi dii 13:4 - Kaa n Kəzə̀ n fəghə mə

⁴ Aghə̂ adzəm n ngɔɔmə ngəm zey, n təŋkey, zə â fuu ndow daʼa kə wi kə saʼa kə tə̀ faalə kə nyam mbvən i tii zə. Ghə n ngɔɔmə soʼo nyam mbvən ə tii, bəbə nə̀, “À loʼ ndee tə loʼ tə a loʼ faalə kə nyam mbvən kən ə? À loʼ ndee tə loʼ ni zùu ballə faalə kə nyam mbvən kən ə?”

Chi dii 13:4 ပူးပေါင်းရင်းမြစ်များ

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

2 Tesalonika 2:4

Abə wù wən i dii bənə wû wə, tə i tsayyə Kəzə̀, tə tsayyə fə̂ wey udzəm ghə̂ a ngɔɔmənə tə̀ a loʼ Kəzə̀, tə kɔʼlə naŋa kɔʼ wû u wi idəŋ n kow fə̂ wən udzəm. Tə buʼ nyi daŋŋə n Ndaw Kəzə̀, tə ney naŋa kɔʼ wû u wi nə̀ tə loʼ Kəzə̀.

Chi dii 12:3

Tsəə i faalə i loʼ zə n kəm shi kpiʼi bə n bikighow. Mə n koʼ ndow faŋkwu kə baŋabaŋa kə ngəm kə loʼ kə, kə khənə tow wə usəghəmbəghə nsə ndɔŋ tə ighəm nsə taŋŋə kə fɔɔ n tow u tii usəghəmbəghə.

Chi dii 12:4

Zə n ney kɔʼ kuu u wi kàŋŋə bə nsəghəbələ n bikighow nə kəbad kəmɔʼ nə tədzawwə tətəghə tə loʼnə ighələ, maʼa tsu bə aghəlitsə. Ngəm zey n təmi tsu n sə kə weyzən wey, ləmmə nə̀ tə ji tsu, tə̀ tə ney fə waa wi.

Chi dii 13:11

Mə n kəm koʼ ndow faalə kə nyam mbvən i loʼ zə i shiə kɔʼɔ bənə a ghəlitsə. Zə n khə təndɔŋ təbəghə tə a loʼ waa njì, kee ghɔɔmə tə a loʼ ngəm.

Chi dii 13:15

Ghə n fuu tsu faalə kə nyam mbvən kə loʼ kən n daʼa kə nə̀ kə zay nyi tsu kəzay n muʼu fən ghə bɔm kɔʼnə nə̀ fə fiilə faalə kə nyam kə sə̂ isə key ni ghəŋə nə̀ muʼu fə tii fə i loʼ ni ghɔɔmə, i ghəŋŋə nə̀ ghə wey ghə̂ ghən ghə tuu nə̀ ghə ngɔɔmə way wi.

Chi dii 13:2

Faalə kə nyam mbvən zey mə â koʼnə, n fiilə kəbəghə. Fuu i wi zə n loʼ tə a loʼ nyam i loʼ zə ghə tɔŋŋə nə̀ a loʼ bee. Dzuu i wi zə n loʼ tə a loʼ dzuu i dəmow. Ngəm zey n ney fuu ndow daʼa kə wi, kuu kə fɔɔ kə wi nsə daʼa u wi wən n ndəm tə â khənə ni saʼa ghə̂ ghə a tii tə̀ faalə kə nyam mbvən key.

Chi dii 17:14

Ghə i zuu ballə Waa Nji zey. Waa njì zey i kee təm zə̂ kɔʼ ghə n təŋkey tə loʼ Mûkəbii tə̀ ghə mûkəbii adzəm, loʼ Kədəŋ tə̀ də̀ŋ wə udzəm. Ghə̂ ghey ghə i təmə dzəŋinə wi ni təm zə̂ wi, à i loʼ ghə̂ ghey tə â tɔŋɔnə, ghə̂ ghey tə â sàynə nsə ghə̂ ghey ghə dzûmənə wi n fə̀ŋ tə ghə tə tədzəm.”

Chi dii 18:18

Abə ghə i koʼ ndownə nyoʼ key kə shiə kɔʼɔnə n vələ wey tə fəənə tii, ghə i deyyə nə̀, ‘Naʼ i loʼ i ka kam doʼo koʼ tsə i dzɔb kuumnə naʼ zə tə a loʼ naʼ i səŋi zən!’

Chi dii 9:20

Taŋ aghə̂ ghən ghə â doʼo səə nə̀ ghə ka kpu n zəŋ tən, n ka tsəm kwey fə̀ŋ tə ghə ni ngɔɔmə muʼu mən ghə faalə kɔʼnə. Ghə n ka buu doʼo soʼo ni ngɔɔmə avəətsəə nsə muʼu mən ghə bɔm kɔʼ nə itsàa, tsâa zə shɔlɔ, tsâa i kəbwu, nə atay nsə muʼu mən ghə kɔm kɔʼ nə nkaʼ. Fə wən udzəm koʼo way sə̂ ghə, zow soʼo way tuŋŋə wə, bwey soʼo way.