Chi dii 12:9 - Kaa n Kəzə̀ n fəghə mə

⁹ Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 12:9 ပူးပေါင်းရင်းမြစ်များ

Matyo 13:39

Wù təngəmə wey tə â zəghə zhìi wey loʼ Satan, nəŋə i kpey zə ufə i loʼ tə̀ mbi nə bə maynə, ghə̂ a kpey a loʼ tsətəndəghə tə Kəzə̀.

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Matyo 25:41

“Tə i dza ndòw tə̀ ghə̂ ghey n kpii kə wi kə kwɔ kə nə̀, ‘Nuu na n səə mə, ghaa ghən Zə̀ kə ləŋ naŋanə, ndòw na n vəllə wey u nəmmə tsə way ghə bayyə naŋanə tə̀ Satan nsə tsətəndəghə tə wi.

Matyo 4:1

Ambə Yeso ney kɔʼnə mmuu n Kəzə̀ mə, Zay kə Zow kə n ney ndòw wi n mbvən ə ntsaŋ nə̀ Satan mɔɔmə koʼ wi.

Matyo 4:10

Yeso n dza tə̀ wi nə̀, “Mbad nuu fa n səə mə, Satan! Ghə tɔɔ naŋa n màʼlə K-a-zə̀ nə̀, ‘I ngɔɔmə Mûkəbii, Zə̀ kə kə̀, Wə̀ i fwaʼa tə̀ wi n nəŋə wi.’”

Matyo 4:5

Satan n ney ndòw wi n Yerosalem, naʼ i Zow zə, ney kɔʼ ndòw wi n ndɔŋɔndɔŋɔ fə tow kə Ndaw Kəzə̀,

Matyo 4:8

Satan n ney kɔʼ ndòw wi n kaʼ ù dabə dabə wə, dii ndòw wi n naʼa tə mbi tən tədzə̀m, n ghaʼ i ghə zə,

Lukas 10:18

Tə n dza ndòw tə̀ ghə nə̀, “Mə koʼ Satan tə bwù tsu bənə tə̀ a loʼ ighow i mwallə zə n bikighow.

Lukas 13:16

À wən loʼ waa sali ndaw zə Abraham nə̀ tə n fəghə n wɔ Satan, nə tənum ighəm nsə num tə ifam, a bəbə kee tii ni bəghəshi wi n chɔd u wi abə a loʼ kə n tsuʼ inaʼ a?”

Lukas 22:3

Satan n nyi ndow n kow Judas ghə â tɔŋŋənə nə̀ a loʼ Iskariɔt, tə â loʼ tsəndəghə ə Yeso n tsəndəghə tə wi tey ighəm n ghii tə tə bəghə

Lukas 22:31

Shimun, Shimun, zow, Satan n daʼa kə nɔɔ ni mɔɔmə koʼ ghaa adzəm, tə̀ tə tsàʼ shi bə ghə̂ a loʼ ghə, tə wù nə tsaʼanə fuŋ mə.

Lukas 8:12

Tə tey tə â tsɔʼlənə n jii fə usum, a loʼ ghə̂ ghey ghə zownə ghɔɔmə i Kəzə̀ zə, vəətsəə ghə n bə ney nuu kɔʼ ghɔɔmə i Kəzə̀ i tii zə n fə̀ŋ tə ghə, nə kə ghə nə keeli bəghəm i fə̀ŋ zə tə ghə keeli ibəghəshi.

Tùm i dzuŋu zə kuum Yeso Klisto tə Jɔn â tɔɔnə 12:31

Nəŋə zə n kpii tə̀ Zə̀ kə ni saʼ ghə̂ a mbi. À loʼ nya ghə i dzum maʼa shiənə Satan, tə loʼnə də̀ŋ kə mbi kə.

Tùm i dzuŋu zə kuum Yeso Klisto tə Jɔn â tɔɔnə 14:30

N kəm khə way ndəmə aghəə ni dza tə̀ ghaa, boʼ nə̀ də̀ŋ kə mbi kən nya bəghənu. Tə khə way daʼa kə loʼ kə n kow mə.

Tùm i dzuŋu zə kuum Yeso Klisto tə Jɔn â tɔɔnə 16:11

Abə n buʼ kə saʼa key, tə nə dii ndow tə ghə nə̀, Zə̀ kə nə saʼanu mbi i zən, n təŋkey, ghə n saʼ tsəghə Satan də̀ŋ kə mbi, tûm wi n bad kə ghə̂ a bəbə kə.

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

Kəfwaʼ 5:3

Pita n bəb tə wi nə̀, “Ananyas, a loʼ kee wə bəghəmnə nə Satan nyi bəghə doʼo n fə̀ŋ zə, tə ghəŋə wɔ nə wə bad aghəə tə Zay kə Zow kə ə? À loʼ kee wə khəə naŋa ndownə kəm kə ukhəə key wə fiinə luʼu kə tii tə̀ wû wə wə̀ ə?

Roma 16:18

N dza sey n təŋkey ghə̂ ghey ghə ghəŋŋənə ndzoʼo ghəə a tii ghə, ghə fwaʼa way tə Mûkəbii saa Klisto, ghə fədlə fwaʼa tə̀ nəghə u ghə wə. Nyim kə ghə kə tsəghə dzɔbə nə idzuu, ghə a khə ghɔɔmə i tsìi zə ni nəb ghə̂ ghən ghə tɔʼ khə way ghəə ghə.

Roma 16:20

Zə̀ kən kə ghəŋŋənə nə̀ fə̀ŋ tə saa tə i loʼ nə ibuulə, i kuʼlə təmə zə̂ənu Satan, tə naŋa bə wi n tənnə fuu i ghaa. N gɔŋŋə nə̀ Mûkəbii saa tɔŋŋɔ Yeso Klisto dii ghaa n ndzuŋ ə wi.

2 Kɔrint 11:14

Dzuu i way dzə ni zum mə n təŋkey Satan nəbə soʼonu sə̂ a ghə̂ ghə nə̀ tə loʼ tsəndəghə ə Kəzə̀ wən tə fuunə daa kə.

2 Kɔrint 11:3

N kee tsəŋə nə̀ nghee tə̀ zuu â nəb fuu tsunə If n tɔb u wi u tsɔŋɔ wə, ghə loʼ ni bə fwɔd maʼa kɔʼ soʼo tɔb u ghaa, ghaa i way ni kəm dzûmə Klisto n fə̀ŋ tə ghaa tə tədzəm.

2 Kɔrint 12:7

Sey, nghee tə̀ mə â loʼ nə̀ mə n koʼ ndəmə nfaalə, mə n keeli kɔʼ dzaŋ i loʼ zə n wû wuŋ, zə̀ n loʼ tə̀ a loʼ tsəndəghə Satan tə̀ tûmnə ni chɔd mə, sey nə̀ kə̂ n nə̂ ghaŋŋənə wû wə.

2 Kɔrint 2:11

N sey ghəŋŋə nə̀ kə̂ Satan nə nəbənə saa, n təŋkey, saa khənu jìi tə utɔb tə wi tə tsɔŋɔ tə.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Efesus 4:14

Sey, saa i kəm way dzə tə̀ a loʼ aghinətəghə n bəghəm i fə̀ŋ i saa. Saa i kəm fwɔdlɔ way tə̀ a loʼ kəfən n dzuu, zəŋ maŋa tənnə kaabənə, zə n tən n bad kən, zə n kəm tən ndow n bad kə key, ghə̂ a tsìi ghə i way ni maŋ sìi ndzəŋ saa n tɔb u ghə u tsɔŋɔ wə.

2 Tesalonika 2:3

Kə̂ wù loʼ nə̂ nəbənə ghaa, n təŋkey tsuʼ fə tii fə i bə way nə̀ ghə̂ a ka kam tuu maʼa laŋ u Kəzə̀ wə. Tsu fə tii fə i bə soʼo way nə̀ wu wey tə sìi ndzəŋŋənə ghə̂ ghə ka kam dii dzə wû wə. Tə loʼ wù wən tə loʼnə n jii ni ndow n luʼu kə uvələ kən kə may way.

1 Timoti 2:14

Ni ndow n sə kə, â way dzə Adam Satan â nəb fuunə. Â fəd loʼ weyzən tə â nəb fuunə, sey, tə n bwuulə maʼa tsu laŋ K-a-zə̀.

2 Timoti 3:13

Ghə̂ a bəbə ghə nsə ghə nəb ityim nə faalə bəb njaʼ may ndow. Ghə nə nəbə ghə̂ ghə, ghə̂ a nə nəbə soʼo ghə.

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

1 Pita 5:8

Ney kɔʼ na ghə̂mə zə, ghaa təmi kɔʼ nə ifuu! Wù təngəmə ghaa tɔŋŋə də̀ŋ kə avəətsəə kə ghaalə kaabə tsənu tə̀ dəmow nə nəmmənə, i kəŋənə wù ni kwu fə.

1 Jɔn 5:19

Ghey khənu nə̀ ghey loʼ waa a Kəzə̀, ghey khə soʼonu nə̀ mbi idzəm loʼ n tənə wù təngəmə ə Klisto tɔŋɔ Satan.

Màʼlə kə Jud tə̀ ghə̂ a Kəzə̀ ghə 1:9

Wû u Maykel wən tə â loʼnə tow kə tsətəndəghə tə Kəzə̀, nghee tə â zùulənə vən i Mushi zə ghi vəətsəə ghə, tə â ka fòʼlə dzə ni tsəʼlə saʼ n kow wi nə̀ tə tsayyə Kəzə̀. Tə â fəd dza nə̀, “N gɔŋŋə nə̀ Zə̀ kə chɔd wɔ n ghəə zən.”

Chi dii 12:12

Sey, ghaa ghən ghaa loʼnə idəŋ ghaa khə ni duʼlə, ghaa ghən adzəm ghaa muunə tii, khə ni duʼlə soʼo! À kee loʼ nə̀ ngoʼ i faalə i loʼ tə̀ ghə̂ ghən ghə muunə a ghəlitsə nsə ghə̂ ghən ghə muunə n nali kə dzuu, n təŋkey, vəətsəə ghə n tsu bə fu ghi bəbə bəbə kə nəghə fəə wə n təŋkey tə khənu nə̀ nəŋə i wi zə n shɔd.”

Chi dii 12:3

Tsəə i faalə i loʼ zə n kəm shi kpiʼi bə n bikighow. Mə n koʼ ndow faŋkwu kə baŋabaŋa kə ngəm kə loʼ kə, kə khənə tow wə usəghəmbəghə nsə ndɔŋ tə ighəm nsə taŋŋə kə fɔɔ n tow u tii usəghəmbəghə.

Chi dii 12:7

Tsam n daŋŋə bwu fəə tsu idəŋ. Tsəndəghə Kəzə̀ i nii zey ghə tɔŋŋə nə̀ à loʼ Maykel ghi tsətəndəghə tə wi tə təm tsam ghi ngəm zey, ngəm i tii zə nsə tsətəndəghə tə wi tə soʼo n zùu ballə ghi ghə.

Chi dii 12:8

Ghə n kee təm zə kɔʼ ngəm zey. Sey, wi ghi tsətəndəghə tə wi tə n way ni kəm muu idəŋ.

Chi dii 13:14

Faalə mən zə â diinə n ghəŋə nə̀ ghə fuu wi n daʼa kə nə̀ zə i saʼa n tow kə faalə kə nyam mbvən kə sə isə key. Zə n sii ndzəŋ ndəmə aghə̂ a ghəlitsə. Zə n dza tə ghə nə̀ ghə bɔm kɔʼ fəmuʼu tə ghə ni ngɔɔmə, fə fiilənə faalə kə nyam mbvən kə sə isə key ghə â nyîmmənə wi n kɔb, zə n nam loʼ kə utaw.

Chi dii 16:14

Ghə loʼ zay wə avəətsəə wən ghə ghəŋŋənə ghəə a fənnə ghə. Zay wən utəghə shiə ndow ni ndow koʼ udəŋ udzəm n mbi, ni zuŋŋə naŋa bə ghə nə̀ ghə i zuu ballə Zə̀ kən kə khənə daʼa wə udzəm n tsuʼ fey mbi i maynə tii.

Chi dii 18:2

Tə n naʼa shi kɔʼ n dzə̂ i taw zə nə̀, “Babilɔn u nii wə n bwu tsu bə! Tə n tsuu bwu! Naʼ i tii zə fəd doʼo luʼu key vəətsəə a muunə tii nsə zay u bwu wə. À naʼ i tii nya khə kə nnən n dzəə mə, fə̂ u dzəə wə udzəm nsə nyam tən wù tsəm ləghə way ni koʼ.

Chi dii 18:23

Ghə nə kəm koʼ koʼ way daa kə baŋnə fu tii inaʼ. Ghə nə kəm zow koʼ way dzə̂ tə gheyzən ghən nkee gheynum ghən n zə̂ kən ghə neynə wû zə tii fuŋ nə fu inaʼ. Ghə̂ a bikiwən ghey ghə â loʼnə n naʼ zə â loʼ ghə̂ a səŋi ghə n mbi, wə n sìi ndzəŋ tsu ghə̂ a naʼa tə mbi adzəm n fənnə zey wə â khənə.

Chi dii 19:20

Ghə n fəd kwu fìi naŋa ndow faalə kə nyam mbvən key ghi tûm tə Kəzə̀ tə tsɔŋɔ tən tə â ghəŋŋənə faalə n tsɔŋɔ mə n sə kə wi. (À loʼ faalə n tsɔŋɔ mən tə a diinə, mə â ghəŋənə nə̀ ghə̂ ghən ghə â neynə tsə̀ə faalə kə nyam mbvən kən nsə ghə̂ ghən ghə â ngɔɔmənə muʼu fən fə fiilənə wi nə̀ ghə nyəŋ laʼ n baa wi). Ghə n kwu tsu faalə kə nyam mbvən key ghi tûm tə Kəzə̀ tə tsɔŋɔ tən maʼa nyi tsu utaw n nyî zə uvələ u bəʼlə ghi fə kə loʼ ghə tɔŋŋə nə̀ a loʼ sɔlfɔ.

Chi dii 2:13

N khənu luʼu key wə muunə tii. N khənu nə̀ wə muu n luʼu key Satan bəghə doʼonə tii. Wə təmi tən tsu kə n zəd zuŋ. Wə ka tuu maʼa dzə bəghəm i fə̀ŋ zən ghaa khənə n kow mə. N tsuʼu mən ghə â wey maʼanə Antipas wən tə â tɔʼ tiilə dzanə ghəə ghə bòʼ mə tə ghə̂ ghə n naʼ zə, wə n ka tsəm tuu maʼa mə.

Chi dii 2:24

Sey, n dzaa bə tə ghaa a loʼ ghey n Tyatira, tɔŋŋə ghaa ghən ghaa ka koʼ ney ghəə a bəbə a wi ghən tə diinə nsə ghəə ghə tɔŋŋə nə̀ à loʼ ghəə a Satan a nyiə doʼo ghə nə̀ kəm kuu kpiʼi dzə way fəm kə loʼ kə n kow ghaa.

Chi dii 2:9

n khənu chɔd wə wə̀ nsə nghee wə laanə tii loʼ sey nə̀ wə kee kuumnu n ghəə a Kəzə̀. N khənu ghəə a bəbə ghey ghə̂ ghən ghə tɔŋŋə wû i ghə zə nə̀ à loʼ ghə̂ a Təjuu loʼ sey nə̀ ghə way dzə dza kaabə tsənə n tow kə. À ndaw kədzəŋi ghə khə Satan.

Chi dii 20:10

Ghə n ney maʼa nyi tsu ndow vəətsəə ghən ghə â sii ndzəŋ ghə n nyî zə uvələ wən u bəʼlə ghi sɔlfɔ. À loʼ fuu ghə a ney maʼa nyi tsu tsəghə dzənə faalə kə nyam mbvən key nsə tûm tə Kəzə̀ tə tsɔŋɔ tə. Ghə i chɔdlɔ ghə fu n tsə̂ tə nsə n tsuʼu tə, nəŋə tədzəm.

Chi dii 20:8

Tə i nuu shi ndow ni sii ndzəŋ ghə̂ ghən ghə loʼnə n naʼa tən tə loʼnə n bow tə mbi tən təkaykə. Naʼa tə tii tə loʼ Gɔg nsə Magɔg. Tə i zuŋŋə naŋa bə soʼo ghə adzəm nə̀ ghə zuu tsam. Taŋ a ghə loʼ n ndəm tə a loʼ kəsəsay n nguŋ ə dzuu.

Chi dii 3:9

Koʼo na! Ghə̂ ghey ghə loʼnə n ndaw kədzəŋi ə Satan, ghə̂ a badla ghə aghəə ghey ghə dza nə̀ ghə loʼ ghə̂ a Təjuu loʼ sey nə̀ ghə way, mə i ghəŋŋə tsu ghə nə̀ ghə bə təm tənguʼ n tənə wɔ, ghə bəghəm kɔʼ soʼo nə̀ mə n wɔ ləghə tən.

Chi dii 9:1

Tsəndəghə Kəzə̀ zey zə â loʼ nə ulii utaa n tɔŋ tsu sɔŋ i wi. Mə n koʼ tsu fəsəghəbələ fə â nuu bə n bikighow bwu tsu bə n ghəlikətsə. Ghə n fuu ndow wi n chi kə fɔŋŋə k-a-buʼ key kə kuʼu way.

Chi dii 9:20

Taŋ aghə̂ ghən ghə â doʼo səə nə̀ ghə ka kpu n zəŋ tən, n ka tsəm kwey fə̀ŋ tə ghə ni ngɔɔmə muʼu mən ghə faalə kɔʼnə. Ghə n ka buu doʼo soʼo ni ngɔɔmə avəətsəə nsə muʼu mən ghə bɔm kɔʼ nə itsàa, tsâa zə shɔlɔ, tsâa i kəbwu, nə atay nsə muʼu mən ghə kɔm kɔʼ nə nkaʼ. Fə wən udzəm koʼo way sə̂ ghə, zow soʼo way tuŋŋə wə, bwey soʼo way.