Chi dii 12:4 - Kaa n Kəzə̀ n fəghə mə

⁴ Zə n ney kɔʼ kuu u wi kàŋŋə bə nsəghəbələ n bikighow nə kəbad kəmɔʼ nə tədzawwə tətəghə tə loʼnə ighələ, maʼa tsu bə aghəlitsə. Ngəm zey n təmi tsu n sə kə weyzən wey, ləmmə nə̀ tə ji tsu, tə̀ tə ney fə waa wi.

Chi dii 12:4 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

1 Pita 5:8

Ney kɔʼ na ghə̂mə zə, ghaa təmi kɔʼ nə ifuu! Wù təngəmə ghaa tɔŋŋə də̀ŋ kə avəətsəə kə ghaalə kaabə tsənu tə̀ dəmow nə nəmmənə, i kəŋənə wù ni kwu fə.

Chi dii 12:7

Tsam n daŋŋə bwu fəə tsu idəŋ. Tsəndəghə Kəzə̀ i nii zey ghə tɔŋŋə nə̀ à loʼ Maykel ghi tsətəndəghə tə wi tə təm tsam ghi ngəm zey, ngəm i tii zə nsə tsətəndəghə tə wi tə soʼo n zùu ballə ghi ghə.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 13:2

Faalə kə nyam mbvən zey mə â koʼnə, n fiilə kəbəghə. Fuu i wi zə n loʼ tə a loʼ nyam i loʼ zə ghə tɔŋŋə nə̀ a loʼ bee. Dzuu i wi zə n loʼ tə a loʼ dzuu i dəmow. Ngəm zey n ney fuu ndow daʼa kə wi, kuu kə fɔɔ kə wi nsə daʼa u wi wən n ndəm tə â khənə ni saʼa ghə̂ ghə a tii tə̀ faalə kə nyam mbvən key.

Chi dii 13:4

Aghə̂ adzəm n ngɔɔmə ngəm zey, n təŋkey, zə â fuu ndow daʼa kə wi kə saʼa kə tə̀ faalə kə nyam mbvən i tii zə. Ghə n ngɔɔmə soʼo nyam mbvən ə tii, bəbə nə̀, “À loʼ ndee tə loʼ tə a loʼ faalə kə nyam mbvən kən ə? À loʼ ndee tə loʼ ni zùu ballə faalə kə nyam mbvən kən ə?”

Chi dii 16:13

Mə n koʼ ndow zay bwu wə utəghə u loʼ tə a loʼ utsam. Wə n shiə bə n dzuu i ngəm zey, n dzuu i faalə kə nyam mbvən key nsə dzuu i tûm tə Kəzə̀ tə tsɔŋɔ tey.

Chi dii 17:18

Weyzən wən wə â koʼnə loʼ naʼ i nii zey i saʼa fɔɔ wə udəŋ wey a ghəlitsə.”

Chi dii 20:2

Tə n kwu kɔʼ ngəm zey, zuu i wey wey zey i loʼnə Vəətsəə ghə nkee Satan, kuum naŋa ndow wi n tsaʼ nə tənum kam.

Chi dii 8:10

Tsəndəghə Kəzə̀ zey nə ulii utəghə n tɔŋ shi kɔʼ sɔŋ i wi. Səghəbələ fə nii fə bəʼlə tə a loʼ təsaalə n bwu tsu bə n bikighow. Fə n bwu tsu n bad kəmɔ̀ʼ nə tədzawwə tətəghə tə loʼnə ighələ nə tədzuu nsə n tɔŋ tə dzuu tən muu n shiənə tii.

Chi dii 8:11

Zəd i səghəbələ fə tii fə n loʼ, “Fə nyey fə.” Bat kəmɔ̀ʼ nə tədzawwə tətəghə tə loʼnə ighələ nə mmuu n kaʼ ndow ni nyey. Ndəmə ghə̂ ghey ghə a mə̂nə mmuu n tii mə ghə kpuulə n təŋkey mmuu n tii n mâ nyey doʼo bə.

Chi dii 8:12

Tsəndəghə Kəzə̀ zey nə ulii ukaykə n tɔŋ tsu sɔŋ wi. Fə kə loʼ kə n zaʼ ndow kəbad kəmɔʼ nə tədzawwə tətəghə tə loʼnə ighələ nə inyi, zə n nəmə doʼo tsu ighələ tə̀ ndzɔŋ nsə nsəghəbələ â nayyə maʼa tsunə daʼa kə ghə kə. Sey, luʼu tə n kəm zow way, ndzɔŋ n baŋa way n bad kəmɔ̀ʼ nə tə dzaw tətəghə n tsə tə nsə n tsuʼu tə.

Chi dii 8:7

Tsəndəghə Kəzə̀ u sə isə wə n tɔŋ tsu sɔŋ i wi, ghə n feeli tsu bə ntətay nsə vəllə wə nə̀ kaŋ tə nyɔmmə doʼo tii n kaʼ ni feeli tsu bə a ghəlitsə. Bat kəmɔ̀ʼ nə ubad utəghə fa n ghəlikətsə n fə kɔʼ nə uvələ. Kəbad kəmɔ̀ʼ nə tədzawwə tətəghə tə loʼnə ighələ nə nkaʼ fa n ghəlikətsə n fə kɔʼ, ghii u zəə wə udzəm fa a ghəlitsə n fə kɔʼ soʼo.

Chi dii 8:8

Tsəndəghə Kəzə̀ zey nə ulii ubəghə n tɔŋ shi kɔʼ sɔŋ i wi, ghə n tuŋu maʼa shi tsu bə fə kə loʼ kə, kə â fiilə kaʼ u nii wə nə vəllə u bəʼlə tii n bwu nyi tsu ndow n nali kə dzuu. Bat kəmɔ̀ʼ n nali kə dzuu nə tədzawwə tətəghə tə loʼnə ighələ n fəd doʼo kɔʼ təkâŋ.

Chi dii 8:9

Kəbad kəmɔ̀ʼ nə tədzawwə tətəghə n fə wey u loʼnə utaw n nali kə dzuu n kpu tsu, bad kəmɔʼ nə tədzawwə tətəghə tə loʼnə ighələ nə ufən n saʼa tsu.

Chi dii 9:10

Kuu tə ghə nsə fəd tə ghə tə n loʼ tə a loʼ kuu tə naŋ nsə fəd tə naŋ tə. Tə n khə kədaʼa ni təghə wù tə zow ifɔɔbə nə təndzɔŋɔ tətaa.

Chi dii 9:19

Daʼa kə ukhinyam u tii wə â loʼ n dzuu a ghə nsə n kuu tə ghə. Kuu tə ghə tə loʼ tə a loʼ tə zuu tən tə khənə tow wə ni tsowwə ghə̂ ghə a tii nə̀ ghə zow ifɔɔbə.