Chi dii 12:3 - Kaa n Kəzə̀ n fəghə mə

³ Tsəə i faalə i loʼ zə n kəm shi kpiʼi bə n bikighow. Mə n koʼ ndow faŋkwu kə baŋabaŋa kə ngəm kə loʼ kə, kə khənə tow wə usəghəmbəghə nsə ndɔŋ tə ighəm nsə taŋŋə kə fɔɔ n tow u tii usəghəmbəghə.

Chi dii 12:3 ပူးပေါင်းရင်းမြစ်များ

Chi dii 12:1

Jim wə n bə kpiʼi mə. N jim u tii wə, mə n koʼ ndow tsəə i nii i loʼ zə i shi bənə idəŋ. Weyzən u loʼ wə n loʼ fu nə̀ tə dzəŋə keeli təndzə̂ nə uwû tə nyəllə tə a loʼ inyi, ndzɔŋ n loʼ n tənə fuu i wi, tə n dzəŋə keeli taŋŋə kə fɔɔ, kə khənə səghəbələ mə ighəm n ghii mə nbəghə n tow kə wi.

Chi dii 12:13

Ambə ngəm zey koʼ tsu nə̀ ghə n wi tən maʼa tsu bə aghəlitsə, tə n dzûmə ndow weyzən wey tə â jinə waa u num wey.

Chi dii 12:17

Sey ngəm zey n fəələ nay ndow unəghə ghi weyzən wey, nuu ndow ni ndow ballə ghi waa a waa a wi ghən ghə doʼo səənə, ghə̂ ghey adzəm ghə naŋŋənə laŋ u Kəzə̀ wə, nsə ghə̂ ghey ghə gaʼnə fə̀ŋ nə isəŋə zən Yeso â chi dii bənə.

Chi dii 12:4

Zə n ney kɔʼ kuu u wi kàŋŋə bə nsəghəbələ n bikighow nə kəbad kəmɔʼ nə tədzawwə tətəghə tə loʼnə ighələ, maʼa tsu bə aghəlitsə. Ngəm zey n təmi tsu n sə kə weyzən wey, ləmmə nə̀ tə ji tsu, tə̀ tə ney fə waa wi.

Chi dii 12:7

Tsam n daŋŋə bwu fəə tsu idəŋ. Tsəndəghə Kəzə̀ i nii zey ghə tɔŋŋə nə̀ à loʼ Maykel ghi tsətəndəghə tə wi tə təm tsam ghi ngəm zey, ngəm i tii zə nsə tsətəndəghə tə wi tə soʼo n zùu ballə ghi ghə.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 13:1

Mə n koʼ ndow faalə kə nyam mbvən i loʼ zə i shiə kɔʼɔ bənə n nali kə dzuu. Zə n khə təndɔŋ ighəm nsə tow wə usəghəmbəghə. Ndɔŋ tə tii tə tədzəm n khə taŋŋə kə fɔɔ. Tow u tii wə udzəm wə a khə izəd i tsayyənə Zə̀ kə.

Chi dii 13:2

Faalə kə nyam mbvən zey mə â koʼnə, n fiilə kəbəghə. Fuu i wi zə n loʼ tə a loʼ nyam i loʼ zə ghə tɔŋŋə nə̀ a loʼ bee. Dzuu i wi zə n loʼ tə a loʼ dzuu i dəmow. Ngəm zey n ney fuu ndow daʼa kə wi, kuu kə fɔɔ kə wi nsə daʼa u wi wən n ndəm tə â khənə ni saʼa ghə̂ ghə a tii tə̀ faalə kə nyam mbvən key.

Chi dii 13:4

Aghə̂ adzəm n ngɔɔmə ngəm zey, n təŋkey, zə â fuu ndow daʼa kə wi kə saʼa kə tə̀ faalə kə nyam mbvən i tii zə. Ghə n ngɔɔmə soʼo nyam mbvən ə tii, bəbə nə̀, “À loʼ ndee tə loʼ tə a loʼ faalə kə nyam mbvən kən ə? À loʼ ndee tə loʼ ni zùu ballə faalə kə nyam mbvən kən ə?”

Chi dii 15:1

Mə n koʼ ndow faalə faalə kə tsəə i loʼ zə n bikighow nə̀ wù way ni tiilə. Mə n koʼ ndow soʼo tsətəndəghə tə Kəzə̀ təsəghəmbəghə tə kwu keelinə zəŋ tən təsəghəmbəghə tə bəghə guŋŋənə. Zəŋ tən təsəghəmbəghə loʼ nəghə u fəə u Kəzə̀. Abə zəŋ tən təsəghəmbəghə i tsəghə nuu tsunə, Zə̀ kə i kəm fəələ way n nəghə wə.

Chi dii 16:13

Mə n koʼ ndow zay bwu wə utəghə u loʼ tə a loʼ utsam. Wə n shiə bə n dzuu i ngəm zey, n dzuu i faalə kə nyam mbvən key nsə dzuu i tûm tə Kəzə̀ tə tsɔŋɔ tey.

Chi dii 17:12

Ndɔŋ tey ighəm wə â koʼnə loʼ udəŋ ighəm ghə kam khə way fɔɔ wə ni saʼ. Ghə i kee fuu ghə n daʼa kə ni saʼ tə a loʼ udəŋ n nəŋə zə izow imɔʼ ghi faalə kə nyam mbvən key.

Chi dii 17:16

Faalə kə nyam mbvən key nsə ndɔŋ tey ighəm wə â koʼnə i baa kpala key. Ghə ney nuu fə̂ wən udzəm tə khənə, ghə naŋa wi n wû zum wə. Ghə i fə nyam wi ghə kpəghə maʼa soʼo sad u wû u wi wən wə i doʼlə səənə nə uvələ.

Chi dii 17:7

Tsəndəghə Kəzə̀ zey n dza bə tə mə nə̀, “Dzuu i zum wɔ n kee? Mə i tiilə dza bənu tə wɔ ghəə zey i nyi doʼonə bòʼ weyzən wən nsə faalə kə nyam mbvən zən weyzən wən doʼnə tii, nyam zən i khənə tow wə usəghəmbəghə nsə ndɔŋ tə ighəm.

Chi dii 19:12

Sə̂ a wi a loʼ tə a loʼ uvələ u bəʼlənə, nə̀ tə n dzəŋə keeli soʼo taŋŋə u fɔɔ wə n ndəm n tow kə wi. Tə khə izəd ghə tɔ̀ɔ naŋa n kow wi nə̀ wù loʼ khə way zəd i tii zə, a may kə wi.

Chi dii 20:2

Tə n kwu kɔʼ ngəm zey, zuu i wey wey zey i loʼnə Vəətsəə ghə nkee Satan, kuum naŋa ndow wi n tsaʼ nə tənum kam.