Chi dii 12:1 - Kaa n Kəzə̀ n fəghə mə

¹ Jim wə n bə kpiʼi mə. N jim u tii wə, mə n koʼ ndow tsəə i nii i loʼ zə i shi bənə idəŋ. Weyzən u loʼ wə n loʼ fu nə̀ tə dzəŋə keeli təndzə̂ nə uwû tə nyəllə tə a loʼ inyi, ndzɔŋ n loʼ n tənə fuu i wi, tə n dzəŋə keeli taŋŋə kə fɔɔ, kə khənə səghəbələ mə ighəm n ghii mə nbəghə n tow kə wi.

Chi dii 12:1 ပူးပေါင်းရင်းမြစ်များ

Matyo 12:38

Sey ghə̂ a dii a kəlaŋ a loʼ ghə nsə ghə̂ a tə Falasi ghə n dza tə̀ Yeso nə̀, “Wù dii, a ləghə nə̀ wə dii bə ghey n tsəə i loʼ zə.”

Matyo 24:30

N nəŋə i tii zə, tsəə ni dii tsu nə̀ Waa Weynum nya bəghənu i dii bə n bəkighow, ghə̂ a naʼa tə mbi tən tədzəm ghə i dey abə ghə koʼnə Waa Weynum tə shiə tsu bənə nə təmbaʼ n daʼa kə nsə ghaʼ i wi i nii zə.

Malakus 13:25

səghəbələ mey n bikighow i bwù shi tsu bə, daʼa wey u loʼnə n bikighow wə i noʼlə.’

Lukas 21:11

Ghəlitsə kə nə noʼlə faalə, dzəŋ nə lòʼ, dzaŋa tə nə kəmə, faalə tə aghəə nə tə ka kam shi koʼ koʼ tsə nə shiə, tsəə tə faalə tə nə dii n bikighow.

Lukas 21:25

Ghə̂ a nə koʼo tsəə tə faalə tə nə inyi, n ndzɔŋ nsə nə nsəghəbələ. A fa n ghəlikətsə, ngoʼ nsə tsəŋ i nə nyi nə tənaʼa bòʼ tuŋutuŋu tə nali kə dzuu, tə kwɔɔ bənə.

Tùm i dzuŋu zə kuum Yeso Klisto tə Jɔn â tɔɔnə 3:29

Wù wey tə baa khənə weyzən n zə̂ kə ney zə iwû zə, loʼ num weyzən, fə̂ a num weyzən ə tii maŋa zəllə kə ni zow dzə̀ ə wi, ghə n duʼlə. À wey loʼ ndzoʼo ghəə zey i ghəŋŋə nə̀ mə i ngii khə duʼlə zə n fə̀ŋ zuŋ.

Kəfwaʼ 2:19

Mə i dii tətsəə n bikighow N dii ghəə a faalə ghə n ghəlikətsə, Ghaa i koʼ təkaŋ inaʼ, naʼ zə i fəə, nyoʼ kə i dzəə təluʼu.

Roma 13:14

Ghaa khə ni fəd ney Mûkəbii Yeso Klisto tə a loʼ ndzə̂ tə tsam tə ghaa. Kə ghaa nə zəghə maʼa soʼonə wû i ghaa zə nə̀ zə i ghəŋŋə ghəə ghey gow uwû ghaa ləghənə.

Roma 3:22

Zə̀ kə ney naŋŋə ghə̂ ghey adzəm ghə bəghəmnə tə̀ Yeso Klisto nə̀ ghə loʼ tsətsəghə. Tə ghəŋŋə sey tə ghə̂ ghey adzəm ghə bəghəmnə tə Klisto, tə ney way n taŋ nə̀ wə loʼ wù Juu nkee wə way wù Juu.

2 Kɔrint 11:2

N mbuŋŋə ni keeli nghee tə̀ ghaa loʼnə tii ighələ tə̀ Zə̀ kə mbuŋŋənə ni keeli. N ləghə ni fuu ndow ghaa tə̀ wù umɔʼ tɔŋŋə Klisto nə̀ ghaa khə way bwu i loʼ zə̀, tə̀ bày weyzən wən ghə â nyi naŋanə nə fuu ndownə waa wi wən tə̀ num nə̀ tə ka kam nyəŋi koʼ tsə ghi weynum.

Galeshia 3:27

Ghə̂ ghən adzəm ghə doʼo bənə nə kəfə kəmɔʼ ghi Klisto n mmuu n Kəzə̀ mən ghə â ney kɔʼnə, nya doʼo bə tə a loʼ Klisto.

Galeshia 4:26

Weyzən u loʼ wən tə loʼnə nə a way zən ə kəkɔd tɔŋɔ Sara, kee tey tə a loʼ Yerosalem zən i loʼ idəŋ. Wi ghi waa a wi ghə, way dzə ukɔd n tənə kəlaŋ, à loʼ wi tə loʼnə này saa.

Galeshia 6:14

Abə mə, mə i kee ghaŋŋə kə uwû n ghəə ghey a shinə tə mə bòʼ və i Mûkəbii ə saa, Yeso Klisto n zat kə fəkaʼ. À loʼ bòʼ zat kə fəkaʼ n loʼnə tə a loʼ fə kə ivə tə ghəə a mbi ghə, ghəə a mbi ghə a kəm way soʼo n taŋ tə mə.

Efesus 5:32

Ndəmə aghəə a nyì doʼonu n ghɔɔmə zən, n kee dza bə ni dii bə nghee tə doʼo i Klisto ghi ghə̂ a ndaw Kəzə̀ i loʼnə tii.

Chi dii 1:20

Ghəə zey i nyi doʼonə n səghəbələ mən nsəghəmbəghə wə â koʼnə n wɔɔ kuŋ kə zəə kə nsə nyəllə u kədaa wən usəghəmbəghə nə̀ ghə faalə nə itsaa dii nə̀, səghəbələ mən nsəghəmbəghə tey n tow u tsətəndəghə tən tə keyyənə dzəŋi u dzûmə tə Klisto wən usəghəmbəghə, nyəllə u kədaa wən a tey n tow u dzəŋi u dzûmə tə Klisto wən usəghəmbəghə.”

Chi dii 11:19

Ndaw Kəzə̀ i nii zə idəŋ n daŋŋə chi kɔʼ. Mə n koʼo nyiə ndow tətaalə kə nkaa n wi fu tii. Ghow zə n mwaalə, kwɔɔ, kəmmə, ghəlikətsə kə n noʼlə nə kədaʼa, tətay mə n ngii tsɔʼlə soʼo.

Chi dii 12:3

Tsəə i faalə i loʼ zə n kəm shi kpiʼi bə n bikighow. Mə n koʼ ndow faŋkwu kə baŋabaŋa kə ngəm kə loʼ kə, kə khənə tow wə usəghəmbəghə nsə ndɔŋ tə ighəm nsə taŋŋə kə fɔɔ n tow u tii usəghəmbəghə.

Chi dii 15:1

Mə n koʼ ndow faalə faalə kə tsəə i loʼ zə n bikighow nə̀ wù way ni tiilə. Mə n koʼ ndow soʼo tsətəndəghə tə Kəzə̀ təsəghəmbəghə tə kwu keelinə zəŋ tən təsəghəmbəghə tə bəghə guŋŋənə. Zəŋ tən təsəghəmbəghə loʼ nəghə u fəə u Kəzə̀. Abə zəŋ tən təsəghəmbəghə i tsəghə nuu tsunə, Zə̀ kə i kəm fəələ way n nəghə wə.

Chi dii 21:14

Ghə â bɔm mbàa naʼ i tii zə n tay a tsə kə ndaw ighəm n ghii tə təbəghə. Ghə tɔ̀ɔ naŋa tsəghə ndow zəd a ngəd tə Waa Nji tey ighəm n ghii tə təbəghə n tay a tii ghə.

Chi dii 21:23

Inyi nsə ndzɔŋ khə way fwaʼ kə loʼ kə fu inaʼ, n təŋkey, daa kən kə baŋa shiə bənə n kow Zə̀ kə baŋa fu inaʼ, Waa Nji zey u loʼ soʼonə daa kə naʼ i tii zə.