Chi dii 10:6 - Kaa n Kəzə̀ n fəghə mə

⁶ Tə n kaa tsu n zəd i Zə̀ kən kə loʼnə utaw nəŋə tədzəm, tə wən tə â bɔmnə dəŋ kə, ghəlikətsə, nali kə dzuu nsə fə̂ wey u loʼ tii udzəm. Tsəndəghə zey n dza tsu nə̀, “Ghab kə i kəm shi way!”

Chi dii 10:6 ပူးပေါင်းရင်းမြစ်များ

Chi dii 1:18

N loʼ wù wey tə loʼnə utaw. N mâ kpu, nyisa n khə muu zən i nə may koʼ way. À loʼ mə n khənə daʼa kə n kow və zə nsə n kow naʼ zə ivə zə.

Chi dii 12:12

Sey, ghaa ghən ghaa loʼnə idəŋ ghaa khə ni duʼlə, ghaa ghən adzəm ghaa muunə tii, khə ni duʼlə soʼo! À kee loʼ nə̀ ngoʼ i faalə i loʼ tə̀ ghə̂ ghən ghə muunə a ghəlitsə nsə ghə̂ ghən ghə muunə n nali kə dzuu, n təŋkey, vəətsəə ghə n tsu bə fu ghi bəbə bəbə kə nəghə fəə wə n təŋkey tə khənu nə̀ nəŋə i wi zə n shɔd.”

Chi dii 16:17

Tsəndəghə Kəzə̀ zey nə ulii usəghəmbəghə n feeli maʼa kɔʼ ndow bɔm wi idəŋ. Dzə̀ i taw zə n shi bə n kuu kə fɔɔ key ndaw Kəzə̀ i nii zə idəŋ. Zə n dza nə̀, “Mə n mayyə ghəə ghə adzəm!”

Chi dii 21:6

Tə n daŋŋə dza bə tə̀ mə nə̀, “Mə n ghəŋə may ghəə ghə adzəm! N loʼ ney kə sə nsə fii kə bam. À zey mə ghəə ghə adzəm, à mayyə soʼo mə ghəə ghə adzəm. Ghə̂ ghən fə̀ŋ ə mmuu zuʼlənə ghə, mə i fuu ghə n mmuu mə n shiə bənə n tɔŋ fə dzuu fey fə fuu muu zə nə̀ ghə ka fə kə tsə.

Chi dii 4:10

Ngəd tey nghəm nbəghə n ghii tə təkaykə n təm ndow tənguʼ n sə kə wù wən tə doʼnə n kuu kə fɔɔ key. Ghə ngɔɔmə wù wən tə loʼnə utaw nəŋə tədzəm. Ghə n tsɔʼ maʼa taŋŋə u təfɔɔ u ghə n sə kə kuu kə fɔɔ dzaa tsu nə̀,

Chi dii 4:11

“Mûkəbii ghey nsə Zə̀ kə ghey kə, wə kɔʼ kpiinu nə̀ ghə̂ ghə i fuu wɔ n kɔʼlə mə, ngɔɔmə soʼo wɔ n daʼa key wə khənə. Â bɔm wɔ fə wə udzəm, â tsəm soʼo wɔ nə̀ fə wən i loʼ, u keeli soʼo imuu.”

Chi dii 4:9

Nəŋə tədzəm fə̂ wey u ukaykə u loʼnə utaw n zhim tədzaŋa, fuu nkɔʼlə, ngɔɔmə, fuu soʼo kəzɔŋŋə tə wù wən tə doʼnə n kuu kə fɔɔ kə tii kə, nə̀ tə nə kpu koʼ way tə mbi nə bə may.

Chi dii 6:11

Ghə n daŋŋə fuu ndow kay wù ghə n ndzə̂ tə fəmə tə, dza tə ghə nə ghə dzə ləmə tsu tə taŋ ə ghə̂ a kəfwaʼ ghən ghə loʼ dzəŋi ghi ghə n kɔʼ kpii tsu, ghə weyyə tsu soʼo dzûmə tə Klisto tey ghə â dzəŋi loʼnə ghi ghə tə̀ ghə â weynə ghə.