Chi dii 10:5 - Kaa n Kəzə̀ n fəghə mə

⁵ Sey, tsəndəghə Kəzə̀ zey mə â koʼ nə̀ i tey n nali kə dzuu nsə n ghəlikətsə n dii kɔʼ ndow wɔ̀ kə wi kə zəə kə idəŋ.

Chi dii 10:5 ပူးပေါင်းရင်းမြစ်များ

Kəfwaʼ 14:15

“Kə̂ ghaa nə ghəŋŋənə ghəə ghən, ghey loʼ soʼo ghə̂ a sɔŋtsuʼ tə a loʼ ghaa! Ghey fa bə ni bə naʼa tûm i dzuŋu zə tə̀ ghaa, nə̀ ghaa loʼ ni kwey nuu bə fə̀ŋ tə ghaa n ghəə ghən a gaamə way ghaa, ghaa i ngɔɔmə ndow Zə̀ kən kə loʼnə utaw. À loʼ Zə̀ kən kə loʼnə utaw kə â bɔmnə mbi idzəm, tɔŋɔ bəkighow, ghəlikətsə, tədzuu, nsə fə wey tii udzəm.

Kəfwaʼ 17:23

N sey dza n təŋkey, nghee n bwey laalə kaabə bənə luʼu tey ghə fəələnə maʼlə wə tii, mə n ndow koʼ tsu bənə kə loʼ kə nə ghaa n tɔ̀ɔ naŋa tii nə̀, ‘Tə Zə̀ key ghey khə way.’ Zə̀ key ghaa maŋa bam fey nə ghaa tɔʼ khə way, a baa loʼ kə ghi n naʼlə bə tə ghaa fa nya.

Roma 1:20

I loʼ sey n təŋkey, ni ney nuu bə tə mbi a kaʼnə, Zə̀ kə n ghəŋŋə nə̀ ghə̂ a keeli nə̀ tə loʼ Kəzə̀ n ghəə ghey tə̀ ghəŋŋənə. Ghə̂ ghə n koʼ soʼo daʼa kə wi kən kə doʼo tənnə. Tə n dii soʼo wû u wi wə n fə wey tə bɔmnə. Sey, ji i loʼ i way dzə tə̀ ghə ni dza nə̀ ghə khə way nə̀ Zə̀ kə loʼnu.

Hibru 6:13

Zə̀ kə a kaa n zəd i wi n nəŋə zey tə â fuunə təb kə wi kə tə Abraham bòʼ nə̀ wù loʼ a way dzə fu tə tsəghəshinə wi tə̀ tə loʼ ni kaa n zəd i wi.

Chi dii 1:18

N loʼ wù wey tə loʼnə utaw. N mâ kpu, nyisa n khə muu zən i nə may koʼ way. À loʼ mə n khənə daʼa kə n kow və zə nsə n kow naʼ zə ivə zə.

Chi dii 10:2

Tə n khə nyaŋi fə kəmàʼlə fə nəmi fə nə̀ kə n chi doʼo n wɔɔ kə wi. Tə n gaʼ ndow fuu kə wi kə zəə kə n nali kə dzuu, gaʼ tsu kə kwɔɔ kə n ghəlikətsə.

Chi dii 14:7

Tə n dza n dzə̀ i taw zə nə̀, “Ngɔɔmə na Zə̀ kə, ghaa fuu soʼo nkɔʼlə tə wi, n təŋkey, nəŋə zey tə khə ni saʼ aghə̂ tii n kpi. Ghaa ngɔɔmə wù wən tə â bɔm bikighow kə, ghəlikətsə, nali kə dzuu nsə tɔŋ n tədzuu mən mmuu n bənə shiənə tii.”

Chi dii 16:17

Tsəndəghə Kəzə̀ zey nə ulii usəghəmbəghə n feeli maʼa kɔʼ ndow bɔm wi idəŋ. Dzə̀ i taw zə n shi bə n kuu kə fɔɔ key ndaw Kəzə̀ i nii zə idəŋ. Zə n dza nə̀, “Mə n mayyə ghəə ghə adzəm!”

Chi dii 4:11

“Mûkəbii ghey nsə Zə̀ kə ghey kə, wə kɔʼ kpiinu nə̀ ghə̂ ghə i fuu wɔ n kɔʼlə mə, ngɔɔmə soʼo wɔ n daʼa key wə khənə. Â bɔm wɔ fə wə udzəm, â tsəm soʼo wɔ nə̀ fə wən i loʼ, u keeli soʼo imuu.”

Chi dii 4:9

Nəŋə tədzəm fə̂ wey u ukaykə u loʼnə utaw n zhim tədzaŋa, fuu nkɔʼlə, ngɔɔmə, fuu soʼo kəzɔŋŋə tə wù wən tə doʼnə n kuu kə fɔɔ kə tii kə, nə̀ tə nə kpu koʼ way tə mbi nə bə may.