Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Chi dii 1:2 - Kaa n Kəzə̀ n fəghə mə

2 Sey, Jɔn loʼ wù wən tə tiilə dza may bənə ghəə ghey adzəm tə â koʼnə. Ghəə a tii a loʼ kuum ghɔɔmə i Kəzə̀ nsə ghəə asəŋ ghey Yeso Klisto â diinə tə̀ wi.

အခန်းကိုကြည့်ပါ။ ကော်ပီ




Chi dii 1:2
22 ပူးပေါင်းရင်းမြစ်များ  

Jɔn n təmi tiilə bòʼ wi dza nə̀, “Mə â koʼ Zay kə Zow kə, kə tsuu bənə n bikighow tə̀ a loʼ kəfə̀, bə mwaa bə n kow wi.


Nɔɔ kə aghə̂ key kə â loʼnə ghi Yeso n nəŋə zey tə â zhəm nuu shi bənə lazarɔs n say i wi, n ndòw naʼa nduŋŋə ndow ghəə a tii ghə.


Wù wey tə â koʼ ghəə ghən, à loʼ wi tə tiilə dza bənə ghəə a tii ghə, ghɔɔmə i wi i loʼ isəŋə. Tə a ndzəm khə soʼo nə̀, ghəə zey tə tiilə dza bənə, loʼ isəŋə, sey nə̀ ghaa loʼ soʼo ni bəghəm fuu tə̀ Zə̀ kə.


À wən loʼ ngəd zey zə â koʼnə ghəə ghən, tɔ̀ɔ i naŋa, ghey a khə soʼo nə̀ ghəə ghən tə tiillə dza bənə, loʼ isəŋə.


N kuum dza bə isəŋə tə wɔ nə̀, ghey ghɔɔmə ghəə ghey ghey khənə, tiilə dza bə ghəə ghey ghey koʼnə, ghaa u nam bəghəm way tûm ə ghey.


À loʼ wɔ wə i doʼlənə təmi tiilə ə wi, wə i dza tə ghə̂ ghə adzəm ghəə ghey wə koʼnə nsə a ghey wə zownə.


Nuu təmi kɔʼ kə n fuu zə. Zuŋ key n dii bənə wû wuŋ wə tə wɔ loʼ ni sày wɔ nə wə doʼo wù kəfwaʼ wuŋ nsə təmi tiilə wuŋ. À loʼ wɔ, wə i tiilə dza nduŋŋə ndownə ghəə ghey wə koʼnə na fa nsə a ghey mə i dii bənə tə wɔ n tsuʼu mən n doʼo kəŋə ndownə isə.


Abə ghey, ghey way ni buu doʼo nə̀ ghey ghɔɔmə way ghəə ghən ghey loʼ nə̀ ghey n koʼ mə i zow.”


Zə̀ kə n ghəŋə nə̀ tûm i dzuŋu zən bòʼ Klisto, mə â naʼanə tə̀ ghaa, i nyi taw tsu n kow ghaa.


Waazə ghə, nghee tə̀ mə â bənə n səə ghaa ni bə naʼa ghəə a səŋi ghən a nyi doʼonə bòʼ Kəzə̀, mə â ka nəəbə dzə ghaa nə kənyim nkee n tɔb u nii wə.


Ghey ghəə ghən tɔ̀ɔ bə tə ghaa kuum ghɔɔmə zən i ghəŋŋənə nə̀ ghə̂ a keeli imuu. Ghɔɔmə i tii i mâ khə doʼo zey tə̀ Zə̀ kə ni bɔm mbi. Ghey mâ zow, ghey n koʼ ndow soʼo n sə̂ a ghey. Isəŋə loʼ nə̀ ghey mâ koʼ wi, mɔm tsu soʼo wi n wɔɔ a ghey ghə.


Saa n koʼ, tiilə dza soʼo nə Bày a tûm bə waa wi nə̀ tə bə bəghəshi ghə̂ a mbi.


Ghə̂ adzəm, ghə ghɔɔmə ghəə a dzuŋu ghə bòʼ Demitrus, zə a ndzəm loʼ isəŋə nə tə loʼ wù dzuŋu. Ghey dza soʼo sey, ghaa khə soʼonu nə̀ abə ghey dzanə ghəə zə, a sey loʼ isəŋə.


Zə n dza bə tə̀ mə nə̀, “Tɔ̀ɔ tsu ghəə ghən wə i koʼonə nə̀ kəmàʼlə, wə tûm ndow tə dzəŋi u dzûmə tə Klisto wən usəghəmbəghə. Tum ndow màʼlə kə tii kə tə̀ dzəŋi kə dzûmə tə Klisto key n Efesus, Smayna, Pegamum, Tyatira, Sadis, Filadefya, nsə Lodishya.”


Tɔ̀ɔ tsu nə kəmàʼlə ghəə ghey wə koʼonə, ghəə ghən a neynə bənə kə nyisa nsə a ghey ghə i neynə bənə n nəŋə zə ibam zə.


N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.


Ghə â təm zə̂ wi n kaŋ tə Waa Nji tən ghə â fəələnə n zat kə fəkaʼ nsə nə isəŋə zən ghə â naʼlənə, dii tsu nə̀ ghə â tsəmə ləghənu ni fuu nuu muu i ghə, abə à buʼ loʼ kə ni kpu daŋŋə.


Sey ngəm zey n fəələ nay ndow unəghə ghi weyzən wey, nuu ndow ni ndow ballə ghi waa a waa a wi ghən ghə doʼo səənə, ghə̂ ghey adzəm ghə naŋŋənə laŋ u Kəzə̀ wə, nsə ghə̂ ghey ghə gaʼnə fə̀ŋ nə isəŋə zən Yeso â chi dii bənə.


Mə n koʼ ndow kuu wə udəŋ nə ghə̂ ghey ghə â doʼonə tii, ghə n fuu ghə n daʼa kə ni saʼ. Mə n koʼ ndow soʼo zay u ghə̂ ghən ghə â gboo tôw u ghə wə boʼnə ghə â tiilə dza aghəə bòʼ Yeso tiilə dza soʼo aghəə bòʼ ghɔɔmə i Kəzə̀. Mə n koʼ ndow soʼo ghə̂ ghey ghə â ka ngɔɔmə faalə kə nyam mbvən key, muʼu fey fə fiilənə wi, ka ney tsə̀ə faalə kə nyam mbvən key n kaʼ usə u ghə nkee n wɔɔ kə ghə. Ghə n doʼo bə utaw, saʼ soʼo tə a loʼ udəŋ ghi Klisto nə tənum kam.


N gɔŋŋə nə̀, Mûkəbii Yeso dii fə̀ŋ ə wi i dzuŋu zə tə̀ ghə̂ a Kəzə̀ ghə adzəm.


Sey, Waa Nji zey n zhwey nuu kɔʼ mə̀ŋ zey nə ulii utaa. Mə n koʼ ndow n tənə tsə zey ghə fəələnə maʼlə wə tii, zay u ghə̂ ghən ghə â weynə ghə bòʼ bəghəm i fə̀ŋ i ghə təŋkey ghə a naʼlə ghɔɔmə i Kəzə̀, təmi taw tsu soʼo ni dza ghəə a Kəzə̀.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ