Chi dii 1:18 - Kaa n Kəzə̀ n fəghə mə

¹⁸ N loʼ wù wey tə loʼnə utaw. N mâ kpu, nyisa n khə muu zən i nə may koʼ way. À loʼ mə n khənə daʼa kə n kow və zə nsə n kow naʼ zə ivə zə.

Chi dii 1:18 ပူးပေါင်းရင်းမြစ်များ

Matyo 11:23

Abə ghaa ghə̂ a Kapenum ghə, ghaa moʼlə nə̀ ghaa loʼ ni kɔʼlə wû i ghaa idəŋ ə? Ngaŋ! Zə̀ kə î maʼa tsu ndòw ghaa n luʼu key ghə̂ a fəʼlənə tii. N təŋkey, abə a mə loʼ nə̀ ghəə a faalə ghey ghə â ghəŋənə n naʼ i ghaa, nə̀ ghə â ghəŋə n naʼ i Sodom, tə̂ Sodom mə nam loʼ ni bə shi na.

Matyo 16:19

Mə i fuu wɔ n chi kə fɔɔ wə idəŋ wə, nsə sey, ghəə zey wə î tuu maʼanə fa mbi, ghə i tuu maʼa soʼo idəŋ, ghəə zey wə bəghəm naŋanə fa n mbi ghə i bəghəm soʼo idəŋ.”

Lukas 24:5

Ghə n taa tsəŋ, kùm naŋa tsu tow u ghə aghəd. Ghə̂ a tii ghə n bəb tə̀ ghə nə̀, “A loʼ kee ghaa kəŋə bənə wù nə tə loʼ utaw n fəŋŋə kə ghə̂ a kpuu ghə ə?

Tùm i dzuŋu zə kuum Yeso Klisto tə Jɔn â tɔɔnə 11:25

Yeso n dza ndòw tə̀ wi nə̀, “À loʼ mə n zhəm dzəŋŋə nə ghə̂ ghə nə ivə, a loʼ mə n fuu soʼonə muu zə. Wù wey tə bəghəmnə tə̀ mə, abə tə kpu kənu, tə î keeli imuu.

Tùm i dzuŋu zə kuum Yeso Klisto tə Jɔn â tɔɔnə 14:19

Fəkəmə, ghə̂ a mbi ghə i kəm way ni koʼ mə, abə ghaa, ghaa i kee koʼonu mə. Ghaa i muu, n təŋkey, n loʼ utaw.

Roma 6:9

I loʼ sey n təŋkey saa khənu nə̀ nghee Zə̀ kə â zhəm dzəŋŋə bənə Klisto nə ivə, tə nə kəm kpu koʼ way. Və i kəm khə way daʼa kə n kow wi.

2 Kɔrint 13:4

N ghəə ghən dza n təŋkey, nghee tə̀ ghə â baanə wi n zat kə fəkaʼ tə â ndzəm khə way daʼa kə, tə kee nya muu n daʼa K-a-zə̀. Nghee tə̀ saa loʼnə ghi wi nə kəfə kəmɔʼ, i sey dii nə̀ saa khə soʼo way daʼa kə. À kee bə n doʼo i ghey ghi ghaa, saa i dzəŋi keeli ndzoʼo muu zey tə khənə n daʼa K-a-zə̀.

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Kolose 3:3

bòʼ nə̀, ghaa mâ kpuu dzəŋi ghi Klisto, sey, a ghaa nya tsəd naŋa Klisto tə loʼnə nə kəfə kəmɔʼ ghi Zə̀ kə.

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 7:16

Wù tii â ka doʼo dzə fɔɔngili tə̀ laŋ u wù sɔŋtsuʼ u diinə, tə â kee doʼo bə fɔɔngili nə̀ à ghəŋə Kəzə̀ n bam i daʼa kən kə loʼnə nə imuu nə̀ kə may way.

Hibru 7:25

À wey loʼ ghə i tii zə tə loʼ ni bəghəshiə ghə̂ ghey ghə bəghənə n səə Zə̀ kə nəŋə tədzəm nə̀ ghə tsəghə n baa wi n təŋkey, muu i wi i loʼ tən tsə kə ni buʼu wɔɔ kə tə̀ Zə̀ kə n tow u ghə.

Chi dii 10:6

Tə n kaa tsu n zəd i Zə̀ kən kə loʼnə utaw nəŋə tədzəm, tə wən tə â bɔmnə dəŋ kə, ghəlikətsə, nali kə dzuu nsə fə̂ wey u loʼ tii udzəm. Tsəndəghə zey n dza tsu nə̀, “Ghab kə i kəm shi way!”

Chi dii 15:7

Kəfə kəmɔʼ n fə wey ukaykə u loʼnə utaw n fuu ndow ndzəŋ tə itsàa təsəghəmbəghə tə tsətəndəghə tə Kəzə̀ tey təsəghəmbəghə. N ndzəŋ tə itsàa tə tii tə, â luu doʼo tən kə nəghə u fəə u Zə̀ kən kə muunə nəŋə tədzəm.

Chi dii 2:8

Yeso n dza bə tə̀ mə nə̀, “Tɔ̀ɔ tsu tə tsəndəghə ə Kəzə̀ zey i keyyənə dzəŋi kə dzûmə tə Klisto key n naʼ i Smayna nə̀, wù wey tə loʼnə sə kə loʼ soʼo wù ibam, tə wey tə â kpunə, kəm doʼo dzəŋŋə bə utaw, dza nə̀,

Chi dii 20:13

Nali kə dzuu kə n tən naŋa shi kɔʼ bə ghə̂ a kpuu ghey ghə â loʼnə tii a bii. Ivə nsə naʼ zə ivə zə n zəghə maʼa shi kɔʼ bə soʼo ghə̂ a kpuu ghey ghə â loʼnə fu. Zə̀ kə n saʼa ghə adzəm n ghəə ghən ghə â ghəŋənə

Chi dii 20:14

Ghə n daŋŋə ney maʼa nyi tsu ivə nsə naʼ zə ivə zə n nyî zə uvələ. Nyî zə uvələ zən loʼ və i zən i dzûmə ndow və i sə isə zə.

Chi dii 3:7

Yeso n dza bə tə̀ mə nə̀, “Tɔ̀ɔ ndow tə tsəndəghə zey i keyyənə dzəŋi kə dzûmə tə Klisto key n Filadefya nə̀, wù wey tə zow dza soʼo isəŋə, tə kwu keelinə chi kə fɔɔ Devid kə, wù wey abə tə chi naŋa kɔʼ fuʼ u ndaw wə, wù loʼ i way ni fìi, abə tə fìi naŋa tsunə, wù loʼ way ni chi, dza nə̀,

Chi dii 4:9

Nəŋə tədzəm fə̂ wey u ukaykə u loʼnə utaw n zhim tədzaŋa, fuu nkɔʼlə, ngɔɔmə, fuu soʼo kəzɔŋŋə tə wù wən tə doʼnə n kuu kə fɔɔ kə tii kə, nə̀ tə nə kpu koʼ way tə mbi nə bə may.

Chi dii 5:14

Fə wey ukaykə u loʼnə utaw n dza tsu nə̀, “Zə i loʼ sey.” Ngəd tey n təm ndow tənguʼ aghəd, fuu ndow ingɔɔmə tə̀ wù wey tə â doʼnə n kuu kə fɔɔ key nsə Waa Nji zey.

Chi dii 6:8

Mə n laalə, koʼ ndow kəkhinyam kə fiilə gow shwɔlizuu. Zəd i wù wey tə â nyəŋənə khinyam kə tii kə â loʼ Ivə, Naʼ zə ivə zə n kùʼlə bəghə soʼo n baa wi. Ghə n fu ndow ghə n daʼa kə nə kəbad kəmɔ̀ʼ nə tədzawwə təkaykə fa a ghəlitsə, nə̀ ghə wey aghə̂ n kɔb, dzəŋ i faalə zə, tədzaŋa nsə nyam tə mbvən fa a ghəlitsə.

Chi dii 9:1

Tsəndəghə Kəzə̀ zey zə â loʼ nə ulii utaa n tɔŋ tsu sɔŋ i wi. Mə n koʼ tsu fəsəghəbələ fə â nuu bə n bikighow bwu tsu bə n ghəlikətsə. Ghə n fuu ndow wi n chi kə fɔŋŋə k-a-buʼ key kə kuʼu way.