Chi dii 1:11 - Kaa n Kəzə̀ n fəghə mə

¹¹ Zə n dza bə tə̀ mə nə̀, “Tɔ̀ɔ tsu ghəə ghən wə i koʼonə nə̀ kəmàʼlə, wə tûm ndow tə dzəŋi u dzûmə tə Klisto wən usəghəmbəghə. Tum ndow màʼlə kə tii kə tə̀ dzəŋi kə dzûmə tə Klisto key n Efesus, Smayna, Pegamum, Tyatira, Sadis, Filadefya, nsə Lodishya.”

Chi dii 1:11 ပူးပေါင်းရင်းမြစ်များ

Kəfwaʼ 16:14

Weyzən u loʼ wə n loʼ fu ghə â tɔŋŋə nə̀ a loʼ Lidia, tə â shinə n naʼ i Taytira. Tə n fìilə tsə ndzə̂ tə wən i taw zə, ngɔɔmə soʼo Kəzə̀. Mûkəbii n chi kɔʼ fə̀ŋ ə wi nə̀ tə bəghəm ghɔɔmə i Pɔl.

Kəfwaʼ 18:24

Nghee tə̀ Pɔl bwey kaabənə n mboʼo tə Frigya tə nsə Galeshya, wù Juu u loʼ wə n ndow bə n naʼ i Efesus, zəd i wi zə â loʼ nə̀ a loʼ Apolos, tə â shinə n naʼ i Alekzandra. Tə n loʼ dzɔbə dzə̀, tɔʼ khə soʼo màʼlə K-a-zə̀.

Kəfwaʼ 20:17

Ambə Pɔl loʼnə n Miletus, tə n tûm tɔŋɔ tsu ngəd tə dzûmə tə Klisto tey n Efesus nə ghə bə koʼ wi.

1 Kɔrint 15:32

Abə mə â zuulə baalənə ghi nyam tə mbvən tən tɔŋŋə ghə̂ ghən n naʼ i Efesus, nə̀ à maŋ loʼ kə n moʼlə tə wù sɔŋtsuʼ, n mə zə̂ kee a tii abə à loʼ nə̀ ghə̂ a kpu a mə zhəm dzəŋŋə way nə ivə ə? Abə i ndzəm loʼnə nə̀ ghə̂ a kpu a zhəm dzəŋŋə way nə ivə, saa sey khə ni maŋ muu tə̀ ghə̂ a loʼ a dzanə nə̀, “Bə na, saa zə̂, saa mə nlə, n təŋkey, tsətsə, saa i kpuunu.”

1 Kɔrint 16:8

À kee loʼ nə̀ n doʼlə kəŋŋə ndow dzə fa n Efesus, zə̂ kə Pentikɔs kə tsəghə kɔʼ dzə.

Efesus 1:1

À màʼlə kən tɔ̀ɔ bə mə Pɔl. Zə̀ kə n say mə nə̀ n doʼo ngəd ə Yeso Klisto. N tɔ̀ɔ bə tə̀ ghə̂ a Kəzə̀ ghən n naʼ i Efesus ghə bəghəmnə tə̀ Yeso Klisto, taw dzɔbə n bəghəm i fə̀ŋ i ghə.

Kolose 2:1

N ləghə nə̀ ghaa keeli tsu nə n ngii dəmənu bòʼ ghaa nsə ghə̂ ghey ghə loʼnə n dzəŋi kə dzûmə tə Klisto n naʼ i Lodishya, buʼu dəmə soʼo tə ghə̂ ghey ghə loʼ nə ghə ka kam koʼ koʼ tsə mə n wû wuŋ wə.

1 Timoti 1:3

N ləghə nə̀ wə doʼo tsu n Efesus tə̀ mə â dza nə̀ tə wɔ nghee mə â dza i nuu ndow n Masedonya. Ghə̂ a loʼ a loʼ fey, ghə sii ndzəŋŋənə ghə̂ ghə, sey, n ləghə nə̀ wə buu naŋa ndow ghə.

Chi dii 1:17

Ambə n koʼ ndow wi, mə n bwu ndow n tənə fuu i wi, doʼo ndow tə a loʼ wù kpuu. Sey, tə n gaʼ tsu wɔ̀ kə wi kə zəə kə n kow mə, dza tsu nə̀, “Ka tsəŋ, aloʼ mə tɔŋŋə ney kəsə̂ nsə fii kəbam.

Chi dii 1:19

Tɔ̀ɔ tsu nə kəmàʼlə ghəə ghey wə koʼonə, ghəə ghən a neynə bənə kə nyisa nsə a ghey ghə i neynə bənə n nəŋə zə ibam zə.

Chi dii 1:2

Sey, Jɔn loʼ wù wən tə tiilə dza may bənə ghəə ghey adzəm tə â koʼnə. Ghəə a tii a loʼ kuum ghɔɔmə i Kəzə̀ nsə ghəə asəŋ ghey Yeso Klisto â diinə tə̀ wi.

Chi dii 1:20

Ghəə zey i nyi doʼonə n səghəbələ mən nsəghəmbəghə wə â koʼnə n wɔɔ kuŋ kə zəə kə nsə nyəllə u kədaa wən usəghəmbəghə nə̀ ghə faalə nə itsaa dii nə̀, səghəbələ mən nsəghəmbəghə tey n tow u tsətəndəghə tən tə keyyənə dzəŋi u dzûmə tə Klisto wən usəghəmbəghə, nyəllə u kədaa wən a tey n tow u dzəŋi u dzûmə tə Klisto wən usəghəmbəghə.”

Chi dii 1:4

À loʼ mə Jɔn n tɔɔnə màʼlə kən. N tɔ̀ɔ bə tə̀ dzəŋi u dzûmə tə Klisto wən usəghəmbəghə u loʼnə n mboʼo Eshya. N gɔŋŋə nə̀ Zə̀ kə mə dii ghaa n ndzuŋ ə wi, tə fuu soʼo ghaa n buulə zə. À loʼ wi tə â loʼnə nə nzeyyə, tə loʼnə nyisa, à loʼ soʼo wi tə i bəghənə. N gɔŋŋə soʼo nə̀ zày u Kəzə̀ wən usəghəmbəghə u loʼnə n sə kə ndaŋ ə kədə̀ŋ ə Kəzə̀ dii ghaa n ndzuŋ, u fuu soʼo ghaa n buulə zə.

Chi dii 1:8

Mûkəbii tə loʼnə Zə̀ kə, dza nə̀, “N loʼ ney kəsə̂ nsə fii kəbam. Mə â loʼ nə̀ nzeyyə, mə n loʼ nə nyisa, à loʼ soʼo mə, n khənə ni kəm bə. À khə mə daʼa wə udzəm.”

Chi dii 10:4

Ambə ghow i kə̀m tsunə tənəŋə təsəghəmbəghə, mə n ləghə ni tɔ̀ɔ tsu ghəə ghən n zow tsu, kəm fəd zow ndow dzə̀ i loʼ zə i ghɔɔmə bənə idəŋ, nə̀, “Nyi naŋa tsu ghəə ghən ghow zən i kəm tsunə tənəŋə təsəghəmbəghə dzanə. Kə wə nə tɔ̀ɔ naŋŋə soʼonə.”

Chi dii 14:13

Sey, mə n zow dzə̀ i loʼ zə idəŋ i ghɔɔmə nə̀, “Tɔ̀ɔ naŋa tsu nə̀, ni ney nuu tsu nya, ndow n sə kə, Zə̀ kə i buulə ghə̂ ghən ghə kpunə nə̀ ghə fwaʼa fwaʼ kə Mûkəbii!” Zay kə Zow kə dza nə̀, “Ndzəm ndzəm, ghə i keelinu zayyə zə n fwaʼ kə taw kən ghə fwaʼanə, n təŋkey, ghəə a dzuŋu ghey ghə ghəŋŋənə dii bə fə key ghə loʼnə ghii kə.”

Chi dii 19:9

Tsəndəghə Kəzə̀ zey n dza tə mə nə̀, “Tɔ̀ɔ naŋa tsu nə̀, Zə̀ kə i buulə ghə̂ ghən ghə tɔŋɔnə n zə̂ kə ney zə iwû i Waa Nji zey!” Tə n dza kpiʼi bə tə̀ mə nə̀, “À wən loʼ ghɔɔmə zən i loʼnə isəŋə, i nuu bə n wɔ Zə̀ kə.”

Chi dii 2:1

Yeso Klisto n dza bə soʼo tə mə nə̀, “Tɔ̀ɔ tsu tə tsəndəghə ə Kəzə̀ zey i keyyənə dzəŋi kə dzûmə tə Klisto key n Efesus nə̀, wù wey tə khənə səghəbələ mə nsəghəmbəghə n wɔɔ kə wi kə zəə kə, bwey soʼo n fəŋŋə kə nyəllə u kədaa wən usəghəmbəghə nə̀ ghə faalə nə itsàa, dza nə̀,

Chi dii 2:12

Yeso n dza kpiʼi bə tə̀ mə nə̀, “Tɔ̀ɔ ndow tə̀ tsəndəghə zey i keyyənə dzəŋi kə dzûmə tə Klisto key n naʼ i Pegamum nə̀, wù wey tə khənə kɔb zey i tɔbənə badla təbəghə, dza nə̀,

Chi dii 2:18

Yeso n dza bə tə̀ mə nə̀, “Tɔ̀ɔ ndow tə tsəndəghə ə Kəzə̀ zey i keyyənə dzəŋi kə dzûmə tə Klisto key n Tyatira nə̀, waa Kəzə̀ wən sə̂ a wi a baŋanə tə a loʼ uvəllə, fuu i wi zə u nyiəllənə tə a loʼ vuʼ kən ghə tsoʼlə tsunə, dza nə̀,

Chi dii 2:24

Sey, n dzaa bə tə ghaa a loʼ ghey n Tyatira, tɔŋŋə ghaa ghən ghaa ka koʼ ney ghəə a bəbə a wi ghən tə diinə nsə ghəə ghə tɔŋŋə nə̀ à loʼ ghəə a Satan a nyiə doʼo ghə nə̀ kəm kuu kpiʼi dzə way fəm kə loʼ kə n kow ghaa.

Chi dii 2:8

Yeso n dza bə tə̀ mə nə̀, “Tɔ̀ɔ tsu tə tsəndəghə ə Kəzə̀ zey i keyyənə dzəŋi kə dzûmə tə Klisto key n naʼ i Smayna nə̀, wù wey tə loʼnə sə kə loʼ soʼo wù ibam, tə wey tə â kpunə, kəm doʼo dzəŋŋə bə utaw, dza nə̀,

Chi dii 21:5

Wù wey tə â doʼnə n kuu kə fɔɔ key n dza nə̀, “Nya, n ghəŋŋə tsu ufə̂ udzəm u doʼo bə u fəghə wə!” Tə n dza kpiʼi bə tə mə nə̀, “Tɔ̀ɔ naŋa tsu ghəə a ghən, n təŋkey ghɔɔmə zən loʼ ghɔɔmə zey ghə̂ a loʼ ni gaʼ fə̀ŋ tii, loʼ soʼo isəŋə.”

Chi dii 22:10

Tsəndəghə Kəzə̀ zey n dza bə tə̀ mə nə̀, “Kə wə i nyi naŋa ghɔɔmə zən ghə tɔ̀ɔ naŋa zey bənə n màlə kən, n təŋkey, nəŋə zey ghəə ghən adzəm khə ni ney kəbənə tii n shɔd.

Chi dii 22:16

“Mə Yeso, mə n tûm bə tsəndəghə zuŋ nə tə bə naʼa bə ghəə ghən tə̀ ghaa n dzəŋi u dzûmə tə Klisto. N loʼ waa waa fɔɔ Devid, n loʼ səghəbələ fə n bələbələ tə fən fə nyiəllənə.”

Chi dii 3:1

Yeso n dza bə tə̀ mə nə̀, “Tɔ̀ɔ ndow tə̀ tsəndəghə ə Kəzə̀ zey i keyyənə dzəŋi kə dzûmə tə Klisto key n Sadis nə̀ wù wey tə̀ khənə Zày u Kəzə̀ wən usəghəmbəghə nsə səghəbələ mən nsəghəmbəghə, dza nə̀, n khənu ghəə ghey wə ghəŋŋənə. Wə dii bə tə wə loʼ utaw, loʼ sey nə̀ wə loʼ wù kpu.

Chi dii 3:14

Yeso n dza kpiʼi bə tə̀ mə nə̀, “Tɔ̀ɔ ndow tə tsəndəghə ə Kəzə̀ zey i keyyənə dzəŋi kə dzûmə tə Klisto key n Lodishya nə̀, wù wey ghə tɔŋŋə nə̀ à loʼ Zə i loʼ sey, tə wey tə zownə tə̀ Zə̀ kə, dza soʼo isəŋə n ghəə a Kəzə̀, wù wey Zə̀ kə â dzəŋi kaʼ tsu ni bɔm ufə udzəm fa n mbi ghi wi, dza nə̀,

Chi dii 3:4

Wə nam khənu sə̂ fə aghə̂ fə loʼ fə n Sadis, ghə loʼ nə̀ ghə ka kam dzəələ ndzə̂ tə ghə tə. Ghə i bwey dzəŋi ghi mə nə̀ ghə n dzəŋə keeli ndzə tə fəmə tə n təŋkey, ghə n kɔʼ kpi ni bwey ghi mə.

Chi dii 3:7

Yeso n dza bə tə̀ mə nə̀, “Tɔ̀ɔ ndow tə tsəndəghə zey i keyyənə dzəŋi kə dzûmə tə Klisto key n Filadefya nə̀, wù wey tə zow dza soʼo isəŋə, tə kwu keelinə chi kə fɔɔ Devid kə, wù wey abə tə chi naŋa kɔʼ fuʼ u ndaw wə, wù loʼ i way ni fìi, abə tə fìi naŋa tsunə, wù loʼ way ni chi, dza nə̀,