2 Timoti 4:2 - Kaa n Kəzə̀ n fəghə mə

² wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

2 Timoti 4:2 ပူးပေါင်းရင်းမြစ်များ

Lukas 7:23

Buulə i loʼ tə̀ wù wey tə səmə way ni dzûmə mə.”

Lukas 7:4

Ghə n bə kòʼ bə Yeso, buʼ wi n wɔɔ kə dza, “Wù wən ndzəm kpiinu tə̀ wə gaamə wi,

Lukas 9:60

Yeso n dza ndòw tə̀ wi nə̀, “naŋa tsu tə̀ ghə̂ a kpuu a tsəllə ndòw ghə̂ a kpuu ghə, abə wɔ, ndòw naʼa ndòw ghəə a fɔɔ u Kəzə̀.”

Kəfwaʼ 13:5

Ambə ghə bə kuum tsunə n Salamis, ghə n naʼlə tûm Kəzə̀ n ndaw tə udzəŋi tə ghə̂ a Təjuu. Jɔn Mak n loʼ ghi ghə ni gaamə ghə n fwaʼ kə ghə.

Kəfwaʼ 16:13

Ambə n tsuʼ inaʼ, ghey n nuu shi ndow inaʼ, ndow n nguŋ ə dzuu, khə kə nə̀ ghey i koʼonu luʼu kə gɔŋŋə kə ghə̂ a Təjuu ghə. Ghey n gaʼ doʼo tsu fu, zey ndow ni ghɔɔmə tə gheyzən ghey ghə â zuŋŋə doʼonə fu.

Kəfwaʼ 20:7

N tsuʼ inaʼ wə nkala, ghey n tsu doʼo tsu n kuubə tə ni zə̂ baa K-a-zə̀. Nghee tə Pɔl â khənə moʼlə zə ni zəghə tsətsə wey, tə n kaʼ tsu ni ghɔɔmə, tə n ghɔɔmə aghəə tə ghə̂ ghə sa, ndow taa ndow n fə̀ŋ ə tsuʼu tə.

Kəfwaʼ 28:16

Ambə ghey bə nyi bənə n Rom, ghə n zəghə tsu Pɔl nə tə muu n ngəŋ ə wi, kee naŋa tsu kə sawgoʼ imɔʼ nə zə i keyyə wi.

Roma 10:15

Wù loʼ soʼo ngee ni ndow naʼa tûm i dzuŋu zə nə̀ Zə̀ kə ka wi tûm ə? I bɔɔmə loʼ tə̀ i tɔ̀ɔ doʼonə n màʼlə K-a-zə̀ nə̀, “À ngii loʼ ghə i dzuŋu zə ni koʼ nə̀ tûm tə Kəzə̀ tə nya bəghənu ni bə naʼa tûm i dzuŋu zə!”

Roma 12:12

Ghaa khə ni duʼlə ni ləmə ghəə ghən Zə̀ kə təb naŋanə tə ghaa. Ghaa i kow fə̀ŋ abə ghaa loʼnə nə uchɔd, gɔŋŋə nəŋə tədzəm.

Galeshia 6:6

Ghə̂ ghən ghə zoʼlənə ghəə a Kəzə̀ ghə, khə ni fuu ndow soʼo fə u dzuŋu wən ghə khənə tə ghə̂ ghən ghə diinə ghə n ghəə a Kəzə̀.

Kolose 1:25

À loʼ Kəzə̀ tə sàynə mə nə̀ n doʼo wù kəfwaʼ a wi n dzəŋi kə dzûmə tə Klisto. Fwaʼ kən tə funə tə mə loʼ ni tiilə dza ghɔɔmə i Kəzə̀ tə ghə̂ ghə.

Kolose 4:3

Ghaa i gɔŋŋə soʼo n tow u ghey, nə Zə̀ kə ghəŋə nə̀ ghey keeli kəbuʼ ni naʼa ghəə ghən a nyì doʼonə bòʼ Klisto, n təŋkey, à wən loʼ zuŋ key n loʼnə tii n ndaw tsaʼ.

1 Tesalonika 1:6

Nghee ghaa â buʼu fəʼlə kənu, Zay kə Zow kə n ghəŋə nə̀ ghaa bəghəm tûm i dzuŋu zə nə iduʼlə. Sey, ghaa n bɔɔmə ney ndow ghow kə ibwey kə ghey dii tsu nə̀ ghaa mâ ney soʼo ghow kə ibwey kə Mûkəbii kə.

1 Tesalonika 5:14

Ghey buʼu kəwɔɔ a waazə ghə nə̀ ghaa i kpaa tsu ghə̂ ghey ghə ləghə way ni fwaʼ, tsəmmə ndow a ghey ghə tsəŋənə, gaamə ghə̂ ghey ghə ka kam tɔʼ beyyə n bəghəm i fə̀ŋ i ghə, kow fə̀ŋ ghi ghə̂ ghə adzəm.

1 Tesalonika 5:20

I kə ghaa nə kii maʼanə ghɔɔmə zey i loʼ nə̀ a chi dii bə Kəzə̀ tə wù loʼ.

1 Timoti 4:13

Ni ney nuu tsu nya, ndow kuum n nəŋə zey mə i bəghənə tii, wə khə ni tɔŋɔ màʼlə K-a-zə̀ kə tə ghə̂ ghə, naʼlə ndow ghɔɔmə i Kəzə̀ tə ghə, dii soʼo aghə̂ nghee ghə khə ni muu tii.

1 Timoti 5:20

A kee bə ngəd tey tə mgbaʼi ghəŋŋə kuulə kə ghəə a bəbə ghə, wə khə ni kpaa ndow ghə n sə kə aghə̂ adzəm, sey nə̀, ghə̂ a loʼ ghey loʼ ni tyi tsəŋ.

2 Timoti 2:21

Wù wey tə sòw nuu tsu wû u wi wə n ghəə a bəbə ghə, tə i doʼo bə tə a loʼ fə kə kuum ighəə, n təŋkey tə zownu n sə kə mûkəbii wi, tə n bayyə naŋa wû u wi wə, ləmmə tənə soʼo ni fwa fwaʼ kə dzuŋu kə.

2 Timoti 2:25

Tə khə ni dii ndow ghə̂ ghey ghə zuulə baalənə wi nyaŋi fənyaŋi, n nəŋə i loʼ zə Zə̀ kə loʼnu ni ghəŋə nə̀ ghə kweyyə nuu bə fə̀ŋ tə ghə n ghəə a bəbə ghə, ghə zowkeeli soʼo isəŋə.

2 Timoti 3:10

A kee bə wɔ a Timoti, wə khənu ghəə ghey mə â diinə ghə̂ ghə tii nsə muu zuŋ zə idzəm. Wə khənu jìi zey n bəghəmnə tii tə̀ Klisto nsə fə key n kəŋənə fa n mbi, ləghə zey n khənə n kow ghə̂ ghə, nsə nə̀ n khənu ni kow fə̀ŋ n fwaʼ K-a-zə̀ abə ghəə a taw kə ngee.

Taytus 1:13

Ghəə ghən wù tûm Kəzə̀ wən â dzanə bòʼ ghə̂ a Krit loʼ isəŋə. À wey loʼ ghə i tii zə wə khə ni kpaa tənə tsu ghə n sə kə ghə, sey nə̀ ghə loʼ ni təmi taw tsu n bəghəm i fə̀ŋ i ghə.

Taytus 2:15

Sey, a wən loʼ ghəə ghən wə khə ni dii ndow tə dzûmə tə Klisto tə. I kuu ndow fə̀ŋ tə ghə tə, kpaa tənə ndow soʼo ghə abə ghə ghəŋə bəəbə tsunə ghəə zə tə a loʼ wù wey tə khənə daʼa kə tii kə. Ka tsəm bəghəm nə wù loʼ koʼ kìi wɔ.

Hibru 13:22

Waazə ghuŋ ghə, n buʼu bə kəwɔɔ tə̀ ghaa nə̀ ghaa kow tsu fə̀ŋ ni zəllə tûm zən n tɔ̀ɔ bənə ni kuu bə fə̀ŋ tə ghaa. A wey loʼ ghə i tii zə n tɔ̀ɔ bənə sə fə aghəə fən tə̀ ghaa.

Chi dii 3:19

Ghə̂ ghən adzəm n ləghənə, mə n kpaa tsu ghə, mə n chɔd tsu ghə. Sey, ghaa khə ni ndzəm khə nə̀ ghaa numnu nkee ghaa kaynu, ghaa kweyyə nuu bə soʼo fə̀ŋ tə ghaa n ghəə a bəbə ghə.