2 Timoti 4:18 - Kaa n Kəzə̀ n fəghə mə

¹⁸ Mûkəbii i bəghəshiənu mə n wɔɔ kə ghəə a bəbə ghə adzəm. Tə nə nyoʼlə ney ndow mə n fɔɔ u wi wə idəŋ wə. N gɔŋŋə nə̀ ghə̂ ghə i fuu wi n kɔʼləmə nəŋə tədzəm. À may kə sey.

2 Timoti 4:18 ပူးပေါင်းရင်းမြစ်များ

Matyo 13:43

Ghə̂ ghey ghə loʼ tsətsəghə nə kee nyiəllə kə tə a loʼ inyi n fɔ̀ɔ u Bày ghə. Nə wə khə utuŋŋə, wə zow.

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Matyo 6:13

Kə wə nə bəghəm nə̀ vəətsəə a mɔm koʼ ghey, Kee bəghəshi kə ghey n wɔɔ kə avəətsəə.’

Lukas 11:4

Neyzəə bəb i ghey zə, tə ghey neyzəə soʼo bəb zey ghə̂ a loʼ a ghəŋənə tə̀ ghey. Ka bəghəm nə̀ ghey bwu n buʼ kə Satan.”

Lukas 12:32

Sey, kə̂ ghaa nə tsəŋənə, abə ghaa təbə kənə, n təŋkey Bày ngii duʼlənu ni fu ghaa n fɔɔ u wi.

Lukas 22:29

Ighələ tə̀ Bày wùŋ fuunə mə̀ n daʼa kə ni saʼ tə a loʼ kədəŋ, mə̀ i fuu soʼonu ghaa n daʼa kə nə ghaa i saʼ tə a loʼ udəŋ.

Tùm i dzuŋu zə kuum Yeso Klisto tə Jɔn â tɔɔnə 17:15

N gɔŋŋə dzə way nə wə ney nuu shi kɔʼ ghə n mbi, n kee gɔŋŋə nə̀ wə tsəd naŋa tsu ghə, kə̂ Satan nə mɔmnə ghə.

Roma 11:36

I loʼ sey n təŋkey, à loʼ Kəzə̀ kə fwaʼnə fə wə udzəm. À naŋŋə wi fə wə udzəm, à loʼ wi tə khənə fə wə udzəm. Saa khə ni fuu kɔʼləmə tə Zə̀ kə nəŋə tədzəm. Zə i loʼ sey.

Roma 16:27

À may kə Kəzə̀ kə khənə ghəə ghə adzəm. N gɔŋŋə nə̀ saa mə tsəghə n bam i Yeso Klisto ni fuu kɔʼləmə tə̀ wi nəŋə tədzəm. Zə i loʼ sey.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 10:13

Keeli tsu na nə̀ ghə i loʼ i way zə i bə mɔm koʼonə ghaa nə̀ i ka kam mɔm koʼ tsə ghə̂ a nuu ghə. A kee loʼ nə̀ Zə̀ kə naŋŋənu ghɔɔmə i wi zə. Sey tə î way dzə ni bəghəm nə̀ ghə i loʼ i mɔm koʼ ghaa nə̀ ghaa i taw tsəghə way ghə i tii zə. Abə ghə i loʼ i kee mɔm koʼnə ghaa, tə i diinu ghaa n jìi tə̀ ghaa loʼ tyi shi tii, sey nə̀ ghaa loʼ ni kow fə̀ŋ n ghə i tii zə.

1 Kɔrint 15:50

Waazə ghə, ghəə zey n dzanə i loʼ nə̀, wû u wù sɔŋtsuʼ u way dzə ni nyi n fɔ̀ɔ u Kəzə̀. Gow uwû zən i fwaynə, way dzə ni nyi n fɔɔ u Kəzə̀ wən fə u fway way fu.

2 Kɔrint 1:10

Tə mâ bəghəshi ghey n ndzoʼo ngoʼ i faalə zən zə â loʼnə ni ney nuu tow kə wù. Tə nə nam bəghəshiə kənu ghey. Ghey sey gaʼ fə̀ŋ tə ghey n kow wi nə̀ tə i ndow kə n sə kə ni bəghəshiə ghey.

Galeshia 1:5

Kɔʼləmə i loʼ tə Zə̀ kə nəŋə tədzəm! Zə i loʼ sey.

1 Tesalonika 5:23

Ghey gɔŋŋə nə̀ Zə̀ kən kə ghəŋŋənə nə̀ fə̀ŋ tə ghaa tə i loʼ nə ibuulə, n wû u wi kə bə ghəŋə nə̀ ghaa i zow n muu i ghaa. Ghey gɔŋŋə nə̀ ghəə adzəm ghaa ghəŋŋənə, ghəə ghey ghaa ləghənə nsə ghəə ghey ghaa moʼlənə i khə way bwu i loʼ zə abə Mûkəbii saa Yeso Klisto i bə dzəŋŋənə.

2 Tesalonika 3:3

Zə̀ kə kee naŋŋənu ghɔɔmə i wi, tə i fuu ghaa n daʼa kə, tə keyyə ghaa kə Satan nə mɔmnə ghaa.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

1 Timoti 6:16

À may kə wi tə nə kpu koʼ way. Tə muu n luʼu key daa kə baŋanə fuu n jìi zey wù sɔŋtsuʼ way ni koʼ wi. Wù loʼ way tə koʼ koʼ tsənə wi nkee tə nə koʼonə wi. Nkɔʼlə ndzəm nsə daʼa kə i loʼ tə wi tə mbi nə bə may. A may kə sey.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

2 Timoti 4:1

N dza bə tə wɔ a Timoti n sə K-a-zə̀ nsə Yeso Klisto wən tə i saʼanə ghə̂ ghən ghə loʼ utaw nsə ghə̂ ghən ghə kpu dzənə, abə tə i bənə ni bə saʼ mbi tə a loʼ kədə̀ŋ nə̀,

Hibru 11:16

Ghə n fədlə mbuŋŋə ndow naʼ zey i dzɔb tsəghənə, tɔŋŋə naʼ zey i loʼnə idəŋ. Sey, Zə̀ kə dədlə way n tow kə abə ghə tɔŋŋənə wi nə̀ loʼ Zə̀ kə ghə bòʼ nə̀ tə n bayyə naŋa naʼ zə tə̀ ghə.

Hibru 12:22

Luʼu key ghaa kee bənə tii nya loʼ n Kaʼ u Zayɔn, naʼ i Zə̀ kən kə loʼnə utaw n Yerosalem zey i loʼnə idəŋ. Ghaa n bə n luʼu key ndəmə kam tə tsətəndəghə tə Kəzə̀ tə muunə fu nə̀ wù way ni taŋ may.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

1 Pita 1:5

Nghee tə̀ ghaa bəghəmnə tə̀ Klisto, Zə̀ kə i keyyə ghaa n daʼa kə wi kən tə khənə ni ndow kuum n nəŋə zey Klisto i bəghənə. À loʼ n nəŋə i tii zə ghə i bəghəshiənə ghaa n nəŋə zey Zə̀ kə i saʼanə mbi tii.

1 Pita 5:11

À loʼ wi tə khənə daʼa wə udzəm nəŋə tədzəm. Zə i loʼ sey.

2 Pita 1:11

A loʼ n jii i zən Zə̀ kə i fuu ghaa n daʼa kə ni nyi n fɔ̀ɔ wey Mûkəbii saa tə loʼnə Bəghəshi ə saa tɔŋŋə Yeso Klisto saʼanə tii nəŋə tədzəm.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.