2 Timoti 4:1 - Kaa n Kəzə̀ n fəghə mə

¹ N dza bə tə wɔ a Timoti n sə K-a-zə̀ nsə Yeso Klisto wən tə i saʼanə ghə̂ ghən ghə loʼ utaw nsə ghə̂ ghən ghə kpu dzənə, abə tə i bənə ni bə saʼ mbi tə a loʼ kədə̀ŋ nə̀,

2 Timoti 4:1 ပူးပေါင်းရင်းမြစ်များ

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Lukas 19:12

Tə n dza nə̀, “Wu nii u loʼ wə a bwey nay ndow n naʼ i loʼ zə, nə ghə tsuʼ wi fu tə a loʼ kədəŋ, tə i kəm dzəŋŋə bə.

Lukas 19:15

Ambə ghə tsuʼ tsu wi tə a loʼ kədəŋ, tə n dzəŋŋə bə n naʼ i wi, daŋŋə tûm tɔŋɔ tsu ghə̂ a kəfwaʼ a wi ghey tə â fu nə ghə n khəə wə, ni kəŋ keeli kɔʼ fə key ghə keeli kuulə nə n bikiwən key ghə a ghəŋŋənə.

Lukas 23:42

Tə n dza ndòw tə̀ Yeso nə̀, “Yeso, moʼlə mə, bə wə i loʼnə n fɔɔ wə.”

Kəfwaʼ 10:42

Tə n dza nə̀ ghey i naʼlə ndow tûm i dzuŋu zə tə ghə̂ ghə, təmi tiilə ndow soʼo tə̀ ghə̂ ghə nə̀ tə loʼ wù wən Zə̀ kə naŋa nə̀ tə i saʼa ghə̂ ghən ghə loʼnə utaw nsə a ghən ghə kpu dzənə.

Kəfwaʼ 17:31

Tə â fu laŋ kən təŋkey tə n naŋa tsuʼ fey wù wən tə sày naŋanə i saʼanə mbi idzəm n jìi zey i loʼnə tsətsəghə. Tə n dii tsəə tə ghə̂ ghə adzəm nə̀ ghəə ghən loʼ isəŋə nghee tə â zhəm dzəŋŋə bənə wi nə ivə.”

Roma 2:16

Tûm i dzuŋu zən n naʼlənə, bɔɔmə dii bə nghee zə i doʼlənə tii abə Zə̀ kə i saʼanə ghəə ghən a nyi doʼonə n fə̀ŋ tə aghə̂ tə n bam i Yeso Klisto.

Kolose 3:4

Abə Zə̀ kə i dii bənə Klisto wən tə baa khənə muu i ghaa zə tə mbi, ghaa i loʼ dzəŋi ghi wi n ghaʼ i wi.

2 Tesalonika 2:8

Abə ghə i ney nuu tsunə wù wey tə kwɔɔ ghəə ghən, wù wən tə sii ndzəŋŋənə ghə̂ ghə i dii bə uwû. A kee loʼ nə̀, Mûkəbii Yeso i bəghə wey maʼa daʼa kə wi n zuʼ tə idzuu tə wi, tə ləŋi maʼa wi n nyiələ i wi.

1 Timoti 5:21

Nghee tə Zə̀ kə, Yeso Klisto nsə tsətəndəghə tə Kəzə̀ tən Zə̀ kə sày kɔʼnə loʼnə tə̀ a loʼ ghə təmi tiillə, n dza bə tə wɔ nə̀ wə dzûmə kɔʼ bə laŋ wən n fuu bənə tə wɔ nə̀ wə sày way wù, laalə soʼo way tûm usə u wù wə abə wə ghəŋŋənə ghəə zə.

2 Timoti 1:10

Zə̀ kə â chi dii bə ghəə ghən adzəm tə saa n nəŋə zey Yeso Klisto wən tə loʼnə bəghəshi ə saa â bənə. Tə n ghəŋə və zə u kəm khə way daʼa kə n kow saa, tə u ghəŋə soʼo nə̀ saa i khə muu zə itsali zə n bam i tûm i dzuŋu zən tə diinə tə saa.

2 Timoti 2:14

I zəŋŋə zeeli ndow ghə̂ a Kəzə̀ ghə n ghəə ghən n dza bənə tə wɔ. Wə khə ni teeli kii naŋa ndow ghə n sə K-a-zə̀ nə̀ kə ghə nə ngii baŋŋənə fəghəm tə n ghɔɔmə i laʼlə zə. Ndzoʼo ghɔɔmə tə tii tə buʼ khə way gaamə i loʼ zə, tə fədlə sàʼà maʼa tɔb u ghə̂ ghey ghə zəllə bənə.

2 Timoti 4:18

Mûkəbii i bəghəshiənu mə n wɔɔ kə ghəə a bəbə ghə adzəm. Tə nə nyoʼlə ney ndow mə n fɔɔ u wi wə idəŋ wə. N gɔŋŋə nə̀ ghə̂ ghə i fuu wi n kɔʼləmə nəŋə tədzəm. À may kə sey.

2 Timoti 4:8

Naamə kə ləmmə mə nya idəŋ n fwaʼ kə dzuŋu kən n fwaʼnə ghii kə. Naamə kə tii kə way kə tə mə, kə loʼ soʼo tə ghə̂ ghey adzəm ghə ləghənə ni koʼ tsuʼ fey Klisto i bəghə dzəŋŋənə ibam. À naamə kə tii kə naŋa Mûkəbii wən tə saʼanə ghə̂ ghə n jìi zey i loʼnə tsətsəghə.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

1 Pita 1:7

Chɔt mən loʼ ni dii bə nə̀ bəghəm i fə̀ŋ i ghaa i ndzəm loʼnu. Kasə tsaa zən i loʼ ni bəb, ghə nam mɔm koʼonu nə uvələ. Nghee bəghəm i fə̀ŋ i ghaa i tsəghəshi kə tsaa zə, ghə khə soʼonu ni mɔm koʼ, sey nə̀ ghaa loʼ ni taw tsəghə ghəə a mbi. Abə ghaa ghəŋənə sey, Zə̀ kə i ghəŋə nə̀ ghə̂ a kali ghaa, ghə fuu ghaa n kɔʼlə mə nsə ngɔɔmə zə n tsuʼ fey Yeso klisto i bəghənə a tii.

1 Pita 4:5

À kee loʼ kə nə̀ ghə nə tiilə dza kɔʼɔ bənu nghee ghə muu kɔʼ bənə muu i ghə zə tii tə̀ Zə̀ kə, tə tey tən kə ni saʼ aghə̂ adzəm. Tə i saʼa ghə̂ ghey ghə loʼnə utaw nsə a ghey ghə kpu dzənə.

1 Pita 5:4

Abə ghaa ghəŋŋənə sey, abə wù wey tə loʼnə tow kə n tə̀ ghə̂ a baʼa a tənjì ghə i bənə, tə i dzəŋi bə ghaa n taŋŋə kə fɔɔ key kə loʼ nə̀, jìi zey kə nyiəllənə tii, nyiəllə i tii i nə kwey koʼ way.

2 Pita 1:11

A loʼ n jii i zən Zə̀ kə i fuu ghaa n daʼa kə ni nyi n fɔ̀ɔ wey Mûkəbii saa tə loʼnə Bəghəshi ə saa tɔŋŋə Yeso Klisto saʼanə tii nəŋə tədzəm.

2 Pita 1:17

Ghey â loʼnu fu n nəŋə zey Zə̀ kə tə loʼnə Bày â fuu wi ngɔɔmə zə nsə kɔʼlə mə. Dzə̀ i loʼ zə n dəb dza shi tsu bə fu idəŋ nə̀, “À wən loʼ waa wuŋ wən n ngii ləghənə, n ngii duʼlənu ghi wi!”

1 Jɔn 2:28

Sey, ghaa ghən ghaa loʼnə waa ghuŋ ghə, ghaa doʼo tsu kə nə kəfə kəmɔʼ ghi Klisto, sey nə̀ abə tə i bə dzəŋŋə nə̀, saa i khə fə̀ŋ ni təmi n sə kə wi nə saa ka nyi doʼo bòʼ tow kə dədlə kə.

Chi dii 1:7

Koʼo na! Tə wey tə bəghənə nə təmbaʼ! Ghə̂ adzəm i koʼo wi, ghə̂ ghey ghə â tsuʼnə wi, i koʼ daŋŋə soʼo wi. Ghə̂ adzəm fa n mbi ghə i deyyə bòʼ wi. Zə i bɔɔmə doʼo kə sey! I doʼo sey.