2 Timoti 3:2 - Kaa n Kəzə̀ n fəghə mə

² Ghə̂ ghə i bɔɔmə ləghə kə wû i ghə zə, shiə n sə̂ ghə n ghəə ghə ukhəə, ghaŋŋə iwû, kpaalə aghə̂, zow way tə ghə bày a ghə ghə, ney way wù n taŋ, fuu way zɔŋŋə kə tə ghə̂ ghey ghə gaamənə ghə, ghə nə ney way ghəə a Kəzə̀ ghə n taŋ,

2 Timoti 3:2 ပူးပေါင်းရင်းမြစ်များ

Matyo 15:6

tə kəm khə way ni gaamə bày wi nsə này wi. Sey ghaa baʼa naŋŋə ndòw ghɔɔmə i Kəzə̀, ghəŋŋə nə̀ ghə̂ ghə i dzûmə ndòw ghəə a laŋ kə inaʼ key ghaa diinə.

Lukas 12:15

Yeso n dza ndòw tə̀ ghə nə̀, “Ney kɔʼ na ghə̂mə zə n ləghə i fə u mbi, n təŋkey ghə muu i wù i taŋa way n ndəmə tə ufə tey tə khənə.”

Lukas 16:14

Ambə ghə̂ a tə Falasi a zow tsunə sey, ghə n tsoʼ maʼa Yeso, n təŋkey, ghə a ngii ləghə ukhəə.

Lukas 6:35

Sey, i ləghə na ghə̂ a təngəmə a ghaa ghə, ghəŋə ndzuŋ tə̀ ghə̂ ghə, fuulə fuu shiə fə u ghaa, moʼlə way nə ghə i teeli fu dzəŋŋə. Abə ghaa ghəŋənə sey, ghaa i keeli naamə kə nii kə, ghaa i loʼ luʼu wey waa a Kəzə̀ a səŋi a loʼnə tii, n təŋkey, tə ghəŋə ndzûŋ tə̀ ghə̂ à məə ghə nsə ghə̂ a bəbə ghə.

Kəfwaʼ 5:36

Ghaa khənu nə Tiodas â nuu kɔʼ dzə fa, dza nə̀ i loʼ wù səŋi, ghə̂ ghə n nuu kwɔɔ ndow n baa wi nyiə kɔʼɔ ndow nbɔm nkaykə. Ghə n wey tsu wi, ghə̂ ghey adzəm ghə â dzûmənə wi n tyi saŋŋə i tsu, dzəŋi kə tii kə n may tən ndow sey.

Roma 11:18

Kə ghaa nə koʼo kiinə ghə̂ ghən Zə̀ kə â khəm nuu shi bənə tə a loʼ təkpìi ni zuŋ nyi dzəŋi bə ghaa n kaʼ fə tii fə tɔŋɔ ghə̂ a Təjuu n təŋkey, à way dzə ghaa kpìi tən ghə zuŋ nyi bənə, ghaa ghəŋŋənə nə̀ ghaŋ tə i taw, à fəd loʼ təghaŋ tə ghəŋŋənə nə̀ ghaa i taw.

2 Kɔrint 5:15

Tə â kpu n tow u ghə̂ adzəm, sey nə̀ ghə̂ ghey ghə muunə, ghə i muu tə̀ wi, à kəm way dzə tə̀ wû i ghə zə̀, n təŋkey, tə â kpunu, Zə̀ kə n kəm zhəm dzəŋŋə bə wi nə̀ ivə n tow kə ghə.

Filipi 2:21

Ghə̂ a loʼ ghey adzəm, kay wù laalə tsu kə ghəə a wi, laalə way ghəə a Yeso Klisto ghə.

Kolose 3:5

Sey, ghaa khə ni teeli tuu maʼa ghəə a bəbə ghən gow uwû ləghənə, tə a loʼ; ilaŋŋə, ghəə a dzəə ghə, ni mbuŋŋə ni nyəŋi ghi wù, moʼlə tə bəbə tə, nsə mə̂ wə, n təŋkey, mə̂ u loʼ ighələ tə̀ wù nə̀ ngɔɔmənə muʼu mə.

2 Tesalonika 2:4

Abə wù wən i dii bənə wû wə, tə i tsayyə Kəzə̀, tə tsayyə fə̂ wey udzəm ghə̂ a ngɔɔmənə tə̀ a loʼ Kəzə̀, tə kɔʼlə naŋa kɔʼ wû u wi idəŋ n kow fə̂ wən udzəm. Tə buʼ nyi daŋŋə n Ndaw Kəzə̀, tə ney naŋa kɔʼ wû u wi nə̀ tə loʼ Kəzə̀.

1 Timoti 1:20

Hemenus nsə Alekzanda loʼ ndzoʼo ghə̂ a tii ghə, Mə n ghə fuu tsəghə ndow tə Satan nə̀ tə ghəŋə ghəə zey tə loʼ ni ghəŋə tə ghə. Zə i ghəŋŋənu tə ghə zoʼlə tsu nə̀ ghə khə way ni tsayyə Zə̀ kə.

1 Timoti 1:9

Saa khə soʼonu nə Zə̀ kə ka laŋ kə ghəŋə dzə tə ghə̂ ghən ghə loʼ tsətsəghə. Â fəd loʼ tə ghə̂ ghən ghə bwuulə maʼa laŋ kə nsə ghə̂ ghey ghə ney way n wɔ Zə̀ kə, ghə̂ ghən ghə khə way Zə̀ kə nsə ghə̂ a bəbə ghə, ghə̂ ghən ghə khə way Zay kə Zow kə nsə ghə̂ ghən ghə ngɔɔmə way Zə̀ kə, ghə̂ ghən ghə weyyənə ghə bày a ghə ghə nkee ghə này ghə ghə, ghə̂ ghən ghə weyyənə ghə̂ ghə.

1 Timoti 3:3

Tə khə way ni loʼ ndzoʼo wù wey tə ngii ləghənə lə mə, tə khə soʼo way ni loʼ wù wey tə khənə mbow fə. Tə fəd khə ni loʼ wù wey tə loʼnə zəələ kə wù kə, soʼo way ghɔɔmə zə, shiə soʼo way n sə̂ zə n ghəə ghə ukhəə.

1 Timoti 6:10

I loʼ sey n təŋkey, ləghə zə ukhəə, i ney bə ghəə a bəbə ghə adzəm. Ghə̂ ghey ghə ngii shiə ndownə n sə̂ zə n ghəə ghə ukhəə n nyəŋ laʼ n bəghəm i fə̀ŋ i ghə. Fə̀ŋ tə nya fəmmə ghə bòʼ chɔd mən ghə keeli kaabənə.

1 Timoti 6:4

ndzoʼo wù tii maŋa ghaŋŋə uwû nə kənunu loʼ sey nə̀ tə zowkeeli way ghə i loʼ zə. Chɔt u wù tii u loʼ kə ni soʼo kaabə tsə ghɔɔmə zə, ghəŋŋə soʼo nə̀ ghə̂ ghə i fəə kaabə dzuu ghə. Ghəə ghən ghəŋŋənu ghə n kpaalə iwû n jìi zey ghə zèy daŋŋə ndow ni ghoʼo wû zə, ghəə a kəndəm, bii iwû nə təghɔɔmə nsə moʼlə tə bəbə tə.

2 Timoti 3:4

ghə nə fìilə fuu shiə ghə̂ ghə, ghəŋŋə zɔ̀ʼ tə aghəə, ghə nə khə nə̀ a bɔɔmə may kə ghə, ghə nə ləghə ghəə ghən a dzɔbənə tə ghə, kee ləghə way Zə̀ kə,

Jems 2:8

Abə ghaa ndzəmə naŋŋənə laŋ kə fɔɔ u Kəzə̀ wən kə tɔ̀ɔ doʼonə n màʼlə K-a-zə̀ nə̀, “Wə khə ni ləghə wù wey tə kuʼlə loʼnə n səə wɔ tə wə ləghə wû wə wə̀.” Ghaa sey ghəŋŋə ghə i dzuŋu zə.

Jems 4:16

A fa loʼ nə̀ ghaa fəllə ghaŋŋə iwû n fwaʼa tə ghaa tən ghaa moʼlənə ni fwaʼ. Abə ghaa ghaŋŋənə wû zə sey, ghaa sey ghəŋŋə ghəə a bəbə ghə.

Jems 4:6

À kee loʼ nə̀ Zə̀ kə n fuu saa n ndzuŋ ə wi naʼ idzəm nə̀ kə moʼlə tə saa tə bəbə tə nə taw tsəghənə saa. À wey loʼ ghə i tii zə i tɔ̀ɔ doʼo n màʼlə K-a-zə̀ nə̀, “Zə̀ kə tsuulə tsu ndzə̂ ə wù wən tə ghaŋŋənə wû wə, kee dii ndzuŋ ə wi tə wù wən tə zuŋ tsunə wû u wi wə.”

1 Pita 5:5

N jìi i mɔʼɔ zə, ghaa waa a fəghaŋ, ghaa khə ni zow ndow tə̀ gheynyim a ghaa ghə. Ghaa ghey adzəm ghaa loʼnə nə̀ ghaa n bəghəm fuu tə̀ Zə̀ kə, ghaa khə ni tsuulə tsu wû i ghaa ni fwaʼa ndow tə̀ waazu ghə, n təŋkey, i tɔ̀ɔ doʼo n màʼlə K-a-zə̀ nə̀, “Zə̀ kə baa ghə̂ ghey ghə kɔʼlənə wû zə Kee dii fə̀ŋ ə wi i dzuŋu zə tə̀ ghə̂ ghey tsuulə tsu wû i ghə zə.”

2 Pita 2:10

Tə i chɔdlɔ tsəghəshiə ghə̂ ghey ghə ghəŋŋənə dzəə dzəə tə aghəə tey gow uwû ghə ləghənə, koʼo kìi soʼo daʼa K-a-zə̀. Ghə̂ ghən ghə diinə ghəə a badla ghən tsəŋə way ghə i loʼ zə, ngii kɔʼlə soʼo iwû. Ghə buʼu tsəŋə way ni tsayyə zay wey u loʼnə idəŋ.

2 Pita 2:12

Ghə̂ ghən ghəŋŋə aghəə nə̀ ghə moʼlə way tə a loʼ nyam tə mbvən tə ghə â jinə ghə nə̀ ghə i kwu ləŋi maʼa. Ghə maŋa tsayyə aghəə nə̀ ghə buʼ tɔʼ khə way ghəə a tii ghə. À wey loʼ ghə i tii zə Zə̀ kə i ləŋi maʼanə ghə tə̀ ghə nə ləŋi maʼanə nyam tə mbvən tə.

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

2 Pita 2:3

N sə a ghə a shiə ghə, ghə̂ a dii a tsɔŋɔ ghən nə dza bə zəzəə mən n fiilənə isəŋə tə̀ ghaa ni nəəbə ney ukhəə n wɔ ghaa. Zə̀ kə mâ khə bayyə naŋa nə̀ tə i chɔdlɔ ghə̂ ghən, tə kam bweeli soʼo way.

Màʼlə kə Jud tə̀ ghə̂ a Kəzə̀ ghə 1:16

Ghə̂ ghən khə kə ni nyuŋŋə ghɔɔmə nsə ni kəŋə chɔd wə n kow ghə̂ a loʼ ghə. Ghə dzûmə ndow kə ghəə a ghə a bəbə ghey fə̀ŋ tə ghə tə ləghənə. Ghə ghaŋŋə kaabə tsə iwû, nəəbə soʼo aghə̂ nə idzuu ni keeli fə key ghə ləghənə.

Chi dii 13:1

Mə n koʼ ndow faalə kə nyam mbvən i loʼ zə i shiə kɔʼɔ bənə n nali kə dzuu. Zə n khə təndɔŋ ighəm nsə tow wə usəghəmbəghə. Ndɔŋ tə tii tə tədzəm n khə taŋŋə kə fɔɔ. Tow u tii wə udzəm wə a khə izəd i tsayyənə Zə̀ kə.

Chi dii 16:11

Ghə n tsɔɔmə Zə̀ kə idəŋ kə, n fɔɔbə zey ghə â zownə nsə səghə ghə mey n kow ghə. Ghə n kee tuu tən ni kwey fə̀ŋ tə ghə n ghəə a bəbə ghey ghə â ghəŋŋənə.

Chi dii 16:21

Tətay n nii nii mə n tsɔʼlə tsu idəŋ n kow ghə̂ ghə nə̀ fəmɔʼ fə dədlə tə a loʼ mbəghə kə asəb. Zəŋ i tətay mən n ghəŋə nə̀ ghə kaʼ ni tsɔɔmə Kəzə̀ n təŋkey tətay n tii mə â ngii faalənu.

Chi dii 16:9

Ghə n fə kɔʼ n faalə faalə kə zuʼ kə num kən. Sey ghə n zey ndow ni tsayyə zəd i Zə̀ kən kə khənə daʼa kə n kow zəŋ tən, ghə kee tuu tən ni kwey nuu bə fə̀ŋ tə ghə n ghəə a bəbə ghə, tuu soʼo ni kɔʼlə wi.