2 Timoti 3:16 - Kaa n Kəzə̀ n fəghə mə

¹⁶ À loʼ Kəzə̀ kə ghəŋŋənə nə̀ ghə̂ a tɔ̀ɔ ghəə ghey a tɔ̀ɔ doʼonə n màʼlə K-a-zə̀. Ghɔɔmə i Kəzə̀ zən loʼ ni dii ghə̂ ghə nə̀ isəŋə tii, kpaa ghə̂ ghey ghə ghəŋŋənə ghəə a bəbə ghə tii, ni dza ndow ghəə ghey ghə̂ a ghəŋə bəəbənə sey nə̀, ghə loʼ ni ghəŋə ghəə a dzuŋu ghə tii. Ghɔɔmə i Kəzə̀ i tii i loʼ soʼo ni tsə̀ə ghə̂ ghə tii nə̀ ghə i muu n jìi zey i loʼnə tsətsəghə.

2 Timoti 3:16 ပူးပေါင်းရင်းမြစ်များ

Matyo 13:52

Tə n daŋŋə dza ndow tə ghə nə̀, “A sey loʼ nə̀, wù dii u kəlaŋ wey ghə dii tsunə wi nə̀ tə doʼo dzûmə n fɔ̀ɔ wə idəŋ wə, loʼ tə a loʼ mûkəbii wən tə ney shiə bənə n taw u wi, fə u wey wə nsə u fəghə wə.”

Matyo 21:42

Yeso n dza ndòw tə̀ ghə nə̀, “ghaa ka kam tɔŋɔ koʼ n màʼlə K-a-zə̀ nə̀, ‘Tay zey ghə̂ a bɔm a təndaw â tuu maʼanə Fəd bə doʼo bə tay i bow i ndaw. A loʼ Mûkəbii, tə â ghəŋənə ghəə a tii ghə, Ghəə a tii ghə a ngii laabənə n sə̂ a ghey.’”

Matyo 22:43

Tə n bəb ndòw tə̀ ghə nə̀, “À kee loʼ kee Zay kə Zow kə â ghəŋə nə̀ Devid tɔŋɔ wi nə a loʼ ‘Mûkəbii’ ə? Devid n dza,

Matyo 26:54

A kee loʼ nə̀, abə n ghəŋə tsunə sey, ghə i way ni luulə ghəə ghey a tɔ̀ɔ doʼonə n màʼlə K-a-zə̀ nə̀ a khə ni teeli shi.”

Matyo 26:56

À kee loʼ nə̀, ghəə ghən a shi ni luulə ghəə ghey tûm tə Kəzə̀ tə â tɔ̀ɔ naŋanə n màʼlə K-a-zə̀.” Sey, ngəd tə wi tədzəm n tyi naŋa taʼa tsu wi.

Malakus 12:24

Yeso n beeli ndòw ghə nə̀, “Ghaa n bwù, bòʼ nə̀ ghaa khə way ghɔɔmə i Kəzə̀ zə, khə soʼo way daʼa K-a-zə̀ kə.

Malakus 12:36

Lòʼ sey nə̀ Devid â dza n daʼa kə Zay kə Zow kə bòʼ Klisto nə̀, ‘Yawe â dza tə̀ Mûkəbii wuŋ nə̀ Doʼo tsu n kpii wuŋ u təmə wə Ni ndòw kuum n nəŋŋə zey mə i ney naŋŋə bənə ghə̂ a təngəmə ghə ghə̀ n tənə ifuu zə.’

Tùm i dzuŋu zə kuum Yeso Klisto tə Jɔn â tɔɔnə 10:35

Ghaa khənu nə̀ ghɔɔmə i Kəzə̀ i kwey way. Abə Zə̀ kə â loʼ ni tɔŋɔ ghə̂ ghey ghə â zəllənə ghɔɔmə i wi zə nə̀ ghə loʼ uzə̀,

Tùm i dzuŋu zə kuum Yeso Klisto tə Jɔn â tɔɔnə 3:20

I loʼ nə̀, ghə̂ ghey ghə ghəŋŋənə ghəə a bəbə ghə, ghə ləghə way daa kə, ghə i ləghə soʼo way ni bə n tənə kədaa, sey nə̀, kə̂ kə nə̂ chiə diinə ghəə a ghə a bəbə ghə.

Kəfwaʼ 1:16

Tə n dza tə ghə nə̀, “Waazə ghə, ghəə ghən a tɔ̀ɔ doʼonə n màʼlə K-a-zə̀ a khə ni teeli bə shi, tɔŋɔ ghəə ghən Zay kə Zow kə â ghəŋə nə̀ fɔ̀ɔ Devid dza zey kuum Judas wən tə â diinə jii nə ghə bə kwu Yeso.

Kəfwaʼ 18:25

À n loʼ nə tə n tɔʼ zoʼlə ghəə ghə bòʼ jii zey i loʼnə i Mûkəbii zə. Tə n khə zày ni dii aghə̂ n ghəə ghə bòʼ Yeso loʼ sey nə̀ tə â tɔʼ khə kə aghəə bòʼ mmuu n Kəzə̀ mey Jɔn â fuunə.

Kəfwaʼ 20:20

Ghaa khənu nə̀ mə â ka səm koʼ tsə ni tsə̀ ghaa n ghəə zey i khə ni gaamə ghaa nghee mə â dii tsə ghaa n sə kə aghə̂ nsə n ndaw tə ghaa.

Kəfwaʼ 20:27

N təŋkey mə â ka səm koʼ tsə ni dza tə ghaa ghəə ghən adzəm Zə̀ kə ləghə nə̀ ghaa keeli.

Kəfwaʼ 28:25

Ghə n nuu dzawwə doʼo tsu n wû i ghə, zey nə u nuulə wə nghee ghə zow Pɔl dza tsunə nə̀, “Zay kə Zow kə â ka nɔʼ dzə ni dza tə ghə bày bày a ghaa ghə n bam i wù tûm Kəzə̀ Ayzaya nə̀,

Roma 15:4

Ghɔɔmə i Kəzə̀ zən ghə â tɔ̀ɔ naŋanə, â loʼ ni tsə̀ saa. Ghɔɔmə i tii zə â loʼ ni kuu fə̀ŋ tə saa, ghəŋŋə soʼo nə̀ saa i loʼ ni kow fə̀ŋ ni ləmə fə key Zə̀ kə â təb naŋanə tə̀ saa.

Roma 2:20

Ghaa dii ghə̂ ghey ghə khə way ghəə a Kəzə̀ ghə, dii soʼo ghə̂ ghey ghə ka kam beyyə n ghəə a Kəzə̀. Ghaa moʼlə nə̀ nghee ghə khə dzənə laŋ kə Mushi kə, ghaa khə may aghəə adzəm, ghaa way ni ghəŋə soʼo ghə i loʼ zə nə̀ à way isəŋə.

Roma 3:2

Ndəmə ndəmə tə aghəə tə tsəm loʼnu wù keelinə abə tə loʼnə wù Juu. Ghə i səŋi zə n ghəə a tii ghə loʼ nə̀, Zə̀ kə â fuu naŋa ghɔɔmə i wi tə ghə̂ a Təjuu ghə.

Roma 4:23

Ghɔɔmə zən i tɔ̀ɔ doʼo n màʼlə K-a-zə̀ nə̀, “Ghə bəghəm naŋa wi nə̀ tə loʼ tsətsəghə.” Â kad way tən kə tə̀ Abraham.

1 Kɔrint 12:7

Zuŋ key Zay kə Zow kə fuunə ghə̂ ghə n naamə kən loʼ nə̀, ghə i gaamə tiilə wû i ghə zə.

Galeshia 3:8

I mâ tɔ̀ɔ doʼo zey n màʼlə K-a-zə̀ nə Zə̀ kə i ghəŋə ghə̂ ghən ghə way ghə̂ a Təjuu ghə, i doʼo bə tsətsəghə n bam i bəghəm i fə̀ŋ. Zə̀ kə mâ dza naŋa zey soʼo tûm i dzuŋu zə tə Abraham nə̀, “N bam zə, naʼa tədzəm tə i keeli ibuulə.”

2 Timoti 2:25

Tə khə ni dii ndow ghə̂ ghey ghə zuulə baalənə wi nyaŋi fənyaŋi, n nəŋə i loʼ zə Zə̀ kə loʼnu ni ghəŋə nə̀ ghə kweyyə nuu bə fə̀ŋ tə ghə n ghəə a bəbə ghə, ghə zowkeeli soʼo isəŋə.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

Hibru 11:1

Ni keeli bəghəm i fə̀ŋ n kow Zə̀ kə loʼ ghəə zey i ghəŋŋə nə̀ saa i khə tən nə̀ saa i keelinu fə wey saa ləmmənə. À loʼ bəghəm i fə̀ŋ i dii bənə nə̀ fə key saa koʼo way ndzəm loʼnu.

Hibru 3:7

Sey, tə Zay kə Zow kə dzanə nə̀, “Abə ghaa zow tsunə ghɔɔmə i Kəzə̀ zə n tsuʼ fə na fən,

Hibru 4:12

Ghɔɔmə i Kəzə̀ i loʼ utaw, khə soʼo kədaʼa. I tɔb tsəghə təkɔb tədzəm. I khə kədaʼa ni nyi ndow n fə̀ŋ ə wù, n zay kə wù, zuŋ u wû u wù nsə n ghəb u wù. I loʼ ni saʼ moʼlə tə aghə̂ nsə ghə i ghaa zə wù dza i ghəŋŋə.