2 Timoti 3:12 - Kaa n Kəzə̀ n fəghə mə

¹² Isəŋə loʼ nə̀, wù wey tə ləghə ni muu muu i Kəzə̀ zən i loʼnə nə kəfə kəmɔʼ ghi Yeso Klisto, ghə i chɔdlɔnu wi.

2 Timoti 3:12 ပူးပေါင်းရင်းမြစ်များ

Matyo 16:24

Sey, Yeso n dza ndòw tə̀ ngəd tə wi tə nə̀, “Abə wù dza i dzûmə mə̀, tə khə ni ney tsu nə̀ wû u wi u way dzə fə kə loʼ kə, tə boʼo kɔʼ zat kə fəkaʼ kə wi, tə dzûmə bə mə.

Matyo 23:34

Sey, n dza bə tə̀ ghaa nə̀, mə î tûm bə ghaa n tûm tə Kəzə̀ tə, ghə̂ a tɔbə ghə, nsə ghə̂ a dii a kəlaŋ ghə. Ghaa i wey maʼa a loʼ ghə, ghaa baa a loʼ ghə n zat kə fəkaʼ, ghaa i bwɔd a loʼ ghə n Ndaw tə udzəŋi tə ghə̂ a Təjuu, ghaa i dzùm ghə naʼa tə naʼa.

Malakus 10:30

tə i doʼlənə sey nə̀ tə ka keeli dzəŋŋə fə u tii wə udzəm fa n mbi i zən, tə buʼ keeli tsəghəshi daŋŋə fə wey tə khənə nya (təndaw, awaazə, ghə zə̂, awaa nsə sum zə. Fə wən udzəm wə i bəghə soʼo n chɔdmə a tii). A i bə n mbi i fəghə zə, tə î keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 16:2

Ghə nə dzum nuu shiə bə ghaa n ndaw tə udzəŋi tə ghə̂ a Təjuu. N ndzəmə dza bə tə̀ ghaa nə̀, nəŋə i bəghənu, nə̀ a wey kə ndee ghaa, wù tii n moʼlə kə nə̀ i sey fwaʼa fwaʼ key Zə̀ kə ləghə nə̀ tə fwaʼ.

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

Tùm i dzuŋu zə kuum Yeso Klisto tə Jɔn â tɔɔnə 17:14

N mâ ghɔɔmə zə i fuu tə̀ ghə, ghə̂ a mbi ghə a bàa ghə, n təŋkey, ghə way dzə tə a loʼ ghə̂ a mbi, ighələ tə̀ n nghee n way wù mbi.

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

1 Kɔrint 15:19

Abə i loʼnə nə̀ bəghəm i fə̀ŋ i saa zən saa khənə n kow Klisto may kə n muu i mbi zən, i sey dii nə̀ ghə khə ni mow tə̀ saa tsəghəshi tə̀ ghə̂ ghə adzəm fa mbi.

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 4:9

Ghey khə ghə̂ a təngəmə n ndəm, à kee loʼ nə̀ Zə̀ kə ka kam tuu maʼa koʼ tsə ghey. Ghə bwɔdlə bəəbə ghey, à kee loʼ nə̀ ghə ka ghey wey maʼa dzə.

1 Timoti 2:2

Ghaa i gɔŋŋə n tow wə udəŋ, gɔŋŋə soʼo n tow u ghə̂ ghən ghə saʼa ghə̂ ghə, sey nə̀, saa loʼ ni zuŋ muu, muu soʼo muu dzuŋu zə ghi ghə̂ ghə adzəm n jìi zey i dzɔbənə n tə Zə̀ kə, dii ndow soʼo mwam u dzuŋu wə tə ghə̂ ghə.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

1 Timoti 6:3

Abə wù loʼ diinə ghəə a nuu ghə, nə̀ a bəghəm dzəŋi way ghi tûm i dzuŋu zən bòʼ Mûkəbii Yeso Klisto, nə̀ a bəghəm dzəŋi soʼo way ghi muu i dzûmə tə Klisto tə,

Taytus 1:1

À màʼlə kən tɔ̀ɔ bə mə Pɔl. N loʼ wù kəfwaʼ ə Kəzə̀, lòʼ soʼo ngəd ə Yeso Klisto. Zə̀ kə â say kɔʼ mə, tûm bə nə̀ n bə gaamə ni ghəŋə nə̀ bəghəm i fə̀ŋ i ghə̂ ghən Zə̀ kə sày naŋa nə̀ ghə doʼo ghə̂ a wi, zə i nyîmmə, n ghəŋə soʼo nə̀ ghə keeli isəŋə zey i loʼ ni gaamə ghə nə̀ ghə i muu n jìi zey Zə̀ kə ləghənə.

Taytus 2:12

À loʼ n bam i fə̀ŋ i dzuŋu zən Zə̀ kə dza bənə tə̀ saa nə̀, saa tuu maʼa muu zey Zə̀ kə ləghə way, saa ka gaʼ soʼo fə̀ŋ tə n fə u mbi. Tə ləghə nə̀ saa i loʼ ni kwu keeli muu i saa, ghəŋŋə ghəə ghey a kpiinə, ghəŋŋə soʼo ghəə ghey tə ləghənə nghee saa muunə fa n mbi zən.

1 Pita 3:14

Abə i buʼ kee loʼ kə nə̀ ghaa khə ni fəghə a dza ghaa ghəŋŋə ghəə ghey a kpiilənə, Zə̀ kə i buulə ghaa. Kə ghaa nə tsəŋənə wù loʼ, kə wù loʼ nə bəmi soʼonə ghaa.

2 Pita 3:11

Nghee i loʼ nə̀ Zə̀ kə i ləŋi maʼa fə wən udzəm n jìi i zən, i sey dii nə̀ ghaa khə ni muu ndzoʼo muu i ghaa zə ə? Ghaa khə ni muu muu i zow zə, ngɔɔmə soʼo Kəzə̀ nəŋə tədzəm,

Chi dii 12:4

Zə n ney kɔʼ kuu u wi kàŋŋə bə nsəghəbələ n bikighow nə kəbad kəmɔʼ nə tədzawwə tətəghə tə loʼnə ighələ, maʼa tsu bə aghəlitsə. Ngəm zey n təmi tsu n sə kə weyzən wey, ləmmə nə̀ tə ji tsu, tə̀ tə ney fə waa wi.

Chi dii 7:14

Mə n beeli ndow wi dza “Mûkəbii, wə khənu.” Tə n dza, “À wən loʼ ghə̂ ghən ghə nɔb shi bənə n ngoʼ i nii zə. Ghə n ney kɔʼ kaŋ tə Waa Nji tən tə â fəələnə, sow kɔʼ ndzə̂ tə ghə tii nə̀ tə i fəmə.