Ləghə i ghəŋŋə wù nə̀ tə i ghə̂mə n kow waazə nəŋə tədzəm. I ghəŋŋə wù nə̀ tə i gaʼa fə̀ŋ n kow waazə nə aghəə adzəm. I ghəŋŋə wù nə̀ tə i gaʼa fə̀ŋ n kow Zə̀ kə. I ghəŋŋə nə̀ wù i kow fə̀ŋ nəŋə tədzəm.
À loʼ wù ghaa wə tə fwaʼanə tə a loʼ sawgoʼ nə̀ tə zəə kə n mbəghə kə wi ə? À loʼ ndee tə̀ zəghənə tam wə, tə n ka kɔy nəghə ə? Nkee a loʼ ndee tə nyiəllənə mbɔŋ tə, tə n way ni kammə mə̂ ghii n tii mə ə?
Sey, kə wə i dədlə n tow kə ni təmi tiillə bòʼ Mûkəbii saa, kə wə nə dədlə soʼo n tow kə ni dza ndow nə̀ wə khənu mə wən n loʼ fa n ndaw tsaʼ bòʼ Klisto. Fət təmdzəŋi bə mə ni fəghə bòʼ tûm i dzuŋu zən. Wə khə ni fəghə n təŋkey Zə̀ kə n fuu wɔ n daʼa kə tii kə.
À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.
N fa fəʼlənu, ghə u kùm naŋa daŋŋə mə nə tətsaʼ tə a loʼ wù tsɔŋɔ n təŋkey n naʼlə tûm i dzuŋu zən. Ghə i dzuŋu i loʼ kə nə̀ ghə way ni kùm naŋa dzə ghɔɔmə i Kəzə̀ nə tətsaʼ.
Wə khənu nghee ghə â chɔdnə mə tii nsə nghee mə â fəghənə tii. Wə khə soʼonu chɔd mey mə â keelinə n naʼ i Antyɔk, Ikonum, nsə n Listra. Nghee tə ghəə ghən â shinə n kow mə, Mûkəbii n nam bəghəshi mə n ghəə a tii ghə adzəm.
A kee bə wɔ a Timoti, abə à shiə kə ghə i ghaa zə, kə wə tə tsəŋŋə n wû wə. Kow tsu fə̀ŋ ni fəghə bòʼ Mûkəbii, i dəmə ndow kə ni naʼa tûm i dzuŋu zə tə ghə̂ ghə, fwaʼa fwaʼ kə kədzəm tə a loʼ wù kəfwaʼ a Kəzə̀.
Moʼlə tsu n na nghee ghaa â buʼ loʼnə tii n nəŋə zey ghaa â bəghəm kɔʼnə tûm i dzuŋu zə bòʼ Klisto. Ghaa n fəghə kɔʼ bə n ndəmə ndəmə tə aghəə, ghəə a tii ghə n ka kee taw tsəghə dzə ghaa.
À loʼ bəghəm i fə̀ŋ zə â ghəŋənə nə̀ Mushi tyi nuu shi bə n naʼ zə Ijip nə̀ tə tsəŋə way nə̀ də̀ŋ kə Ijip kə i fəələnu n nəghə wə ghi wi. Tə n kow fə̀ŋ, ndow kə n sə kə ni tyi shi n təŋkey, tə â naŋa ndow kə isə n kow Zə key a koʼo way.
Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.