2 Timoti 2:2 - Kaa n Kəzə̀ n fəghə mə

² Ney kɔʼ ghəə ghən wə â zownə mə n diinə n sə kə ndəmə aghə̂, wə fuu naŋa tsu ghəə a tii ghə n wɔ ghə̂ ghən ghə loʼ nə wə loʼ ni gaʼ fə̀ŋ zə n kow ghə, sey nə̀, ghə i loʼ ni dii nduŋŋə ndow tə ghə̂ ghə.

2 Timoti 2:2 ပူးပေါင်းရင်းမြစ်များ

Matyo 13:52

Tə n daŋŋə dza ndow tə ghə nə̀, “A sey loʼ nə̀, wù dii u kəlaŋ wey ghə dii tsunə wi nə̀ tə doʼo dzûmə n fɔ̀ɔ wə idəŋ wə, loʼ tə a loʼ mûkəbii wən tə ney shiə bənə n taw u wi, fə u wey wə nsə u fəghə wə.”

Matyo 24:25

Ghaa zow! Mə n ghəə ghən tə̀ ghaa dza naŋa tən nə̀ nəŋə i tii i ka kam kpii.

Lukas 12:42

Mûkəbii n beeli ndòw wi nə̀, “Wù kəfwaʼ u sə̀ŋi u loʼ wù wey tə khənə tow kə, tə̀ mûkəbii wi loʼ ni gaʼ fə̀ŋ n kow wi, tə ney naŋa wi tə a loʼ wù kətow nə tə i nyaŋə fə u ghə̂ a kəfwaʼ a loʼ ghə, nsə ni fu soʼo ghə n fəzəə wə n nəŋə i ghə i zə̂ə zə.

1 Kɔrint 4:2

Ghəə zey ghə ləghənə n wɔ wù wey ghə fuunə wi n daʼa kə ni fwaʼ kəfwaʼ, loʼ nə̀, tə khə ni teeli fwaʼa kə tə̀ mûkəbii ə wi n fə̀ŋ ə wi idzəm.

2 Kɔrint 2:14

Saa kee fuu kə kəzɔŋŋə tə̀ Zə̀ kə n təŋkey, abə saa loʼnə nə kəfə kəmɔʼ ghi Klisto nəŋə tədzəm, Zə̀ kə n sìi bwey kaabə tsə ghi saa tə a loʼ ghə̂ ghey ghə təm zə̂nə tsam n zəd i Klisto. Zə̀ kə ney saa ni ghəŋə nə̀ ghə̂ a keeli Klisto nə təluʼu tədzəm n tûm zey ghey naʼlə kaabənə. Tum tii loʼ tə̀ a loʼ zuʼ tə dzuŋu tə, tə ləmmənə dzɔbənə nə təluʼu tədzəm.

2 Kɔrint 3:5

Ghey dza dzə way nə̀ ghey kɔʼ kpiinu ni fwaʼ ghəə ghən n ngəŋ ə ghey, à loʼ Kəzə̀ kə fuunə ghey n daʼa kə tii kə.

Kolose 1:7

 loʼ Epafras tə â tiillə dza bənə ndzuŋ ə Kəzə̀ zən tə ghaa. Tə loʼ wù kəfwaʼ wən ghi wi dzəŋi fwaʼanə. Epafras wən ghey ngii ləghənə, fwaʼa tə Klisto n fə̀ŋ ə wi idzəm bòʼ saa.

1 Timoti 1:12

N fuu kəzɔŋŋə tə Yeso Klisto Mûkəbii saa, tə fuunə mə n daʼa kə nə n fwaʼ fwàʼ kuŋ. N fuu zɔŋŋə kə wi nghee tə koʼ tsu nə̀ n loʼnu tsətsəghə, tə u say kɔʼnə mə nə̀ n fwaʼ tə wi.

1 Timoti 1:18

N waa, Timoti, n ghəə ghən dza bə tə wɔ n təŋkey a bəghəm dzəŋi ghi ghəə ghey wù tûm Kəzə̀ â naʼa naŋanə kuum wɔ, sey nə̀ wə i loʼ ni ney ghɔɔmə i tii zə, wə təm zə̂ ghə̂ ghey ghə diinə ghəə a badla ghə.

1 Timoti 4:14

I kə wə koʼo kìinə daʼa key Zay kə Zow kə â fuunə tə wɔ n nəŋə zey tûm tə Kəzə̀ nsə ngəd tə dzûmə tə Klisto tə â gɔŋŋənə, gaʼ bə wɔɔ a ghə n tow kə.

1 Timoti 4:6

Abə wə tiillə dza ndownə ghəə ghən n dii kɔʼ bənə tə wɔ tə̀ dzûmə tə Klisto tə, ney soʼo fə̀ŋ zə n ghɔɔmə i Kəzə̀ zən wə bəghəmnə tii nsə isəŋə zən wə bweynə tii, wə i doʼo wù kəfwaʼ a Yeso Klisto u dzuŋu wə.

1 Timoti 5:22

I kə wə nə tsəŋŋənə n wû wə ni tsuʼ naŋa kɔʼ wù nə̀ tə i fwaʼa fwaʼ kə Mûkəbii kə. Ka i nyiəllə soʼo wɔɔ kə n ghəə a bəbə ghey ghə̂ a loʼ a ghəŋŋə kaabənə. Dəmə tsu kə nə̀ wə i zow n ghəə ghə a ghəŋŋə ghə.

1 Timoti 6:12

Kwu keeli taw tsu bəghəm i fə̀ŋ zə zə̀. Abə wə ghəŋənə sey, wə i keeli muu zə itsali tə a loʼ naamə kə. Zə̀ kə â sày wɔ nə wə keeli ndzoʼo muu i tii zə n nəŋə zey wə â dzanə nə wə bəghəm tə Klisto n sə kə ndəmə aghə̂.

2 Timoti 3:10

A kee bə wɔ a Timoti, wə khənu ghəə ghey mə â diinə ghə̂ ghə tii nsə muu zuŋ zə idzəm. Wə khənu jìi zey n bəghəmnə tii tə̀ Klisto nsə fə key n kəŋənə fa n mbi, ləghə zey n khənə n kow ghə̂ ghə, nsə nə̀ n khənu ni kow fə̀ŋ n fwaʼ K-a-zə̀ abə ghəə a taw kə ngee.

2 Timoti 3:14

A kee bə wɔ, təmi taw tsu kə nə isəŋə zey wə zoʼlə kɔʼ bənə nsə n ghəə zey wə bəghəmnə tii n təŋkey, wə khənu fə key ndzoʼo ghə̂ ghey wə koʼ neynə ghəə ghən n wɔ ghə loʼnə ghii kə.

Hibru 2:17

À wən loʼ ghə i tii zə Zə̀ kə a khə ni ghəŋə tsu nə̀ tə doʼo bə tə̀ a loʼ saa waazə a wi nə təjìi tədzəm sey nə̀, tə loʼ ni doʼo bə fɔɔngili u nii nii wə. Tə wən ghə loʼ ni gaʼ fə̀ŋ n kow wi, tə khə soʼonə sî i kwɔɔlə zə. Sey nə̀ tə loʼ ni ney fuu ndow wû u wi tə̀ a loʼ umaʼlə ni sow maʼa ghəə a bəbə ghən ghə̂ a ghəŋŋənə.