2 Timoti 2:18 - Kaa n Kəzə̀ n fəghə mə

¹⁸ Ghə̂ ghən dii ghəə ghey a way isəŋə. Ghə dii nə̀ ghə̂ a mâ nə kpu, zhəm dzəŋŋə tsəghə nə ivə. Laʼlə kə ighɔɔmə kə ghə kə tii kə fwɔdlɔ maʼa ghə̂ a loʼ ghey ghə bəghəmnə tə Klisto.

2 Timoti 2:18 ပူးပေါင်းရင်းမြစ်များ

Matyo 15:13

Yeso n beeli ndòw ghə dza nə̀, “Fə key kə zəghə doʼonə nə à ka Bày wuŋ idəŋ zəghə, ghə î suulə maʼanu.”

Matyo 22:29

Yeso n beeli ndòw ghə nə̀, “Ghaa n nyəŋ laʼ ni bəghəm nə̀ zhəm dzəŋŋə zə ivə i way n təŋkey, ghaa khə way ghəə zey ghɔɔmə i Kəzə̀ i diinə, ghaa khə soʼo way daʼa K-a-zə̀ kə.

Lukas 8:13

Tə tey tə â tsɔʼlənə n luʼu kə atay, à lòʼ ghə̂ ghey ghə zownə ghɔɔmə i Kəzə̀ zə, ney naŋa nə iduʼlə, zə n ka nyi təmi dzə n fə̀ŋ tə ghə, ghə bəghəm kɔʼɔ kə n tɔŋɔ fə inəŋə, ambə mɔɔmə koʼ i bənə, ghə n bwùlə doʼo i ndòw.

Kəfwaʼ 5:39

Abə a kee loʼ nə̀ a loʼ n daʼa K-a-zə̀, ghaa i way dzə ni buu naŋa ghə. Nə ghaa dza i buu naŋa ghə nə kədaʼa, ghaa i koʼ kə nə ghaa bənə zuulə baalə ghi Zə̀ kə.”

1 Kɔrint 11:19

À loʼ kənu ghə i dzuŋu zə nə̀ ghaa khənu ni dzawwə doʼo n wû i ghaa, sey nə̀, ghə loʼ ni tɔʼɔ koʼo keeli bə ghə̂ ghey ghə ndzəm loʼnə dzûmə tə Klisto tə.

1 Kɔrint 15:12

Saa fa naʼlə kaabə tsə nə̀ Zə̀ kə mâ zhəm dzəŋŋə Klisto nə ivə, a kee loʼ kee ghə̂ a loʼ ghə n fəŋŋə kə ghaa dza kaabənə nə̀ ghə̂ a way ni zhəm dzəŋŋə nə ivə ə?

Kolose 3:1

Nya wən Zə̀ kə zhəm dzəŋŋə bə dzənə ghaa nə ivə ghi Klisto, gaʼ na fə̀ŋ tə ghaa tə n fə̂ wən u loʼ idəŋ, n luʼu key Klisto doʼnə tii n kpii u Kəzə̀ u təmə wə.

1 Timoti 1:19

Tɔʼɔ təmi taw tsu kə n bəghəm i fə̀ŋ zey wə khənə n kow Klisto, wə i khə soʼo fə̀ŋ i zow zə. Ghə̂ a loʼnu nə̀ ghə n ndzəm tuu ni keeli fə̀ŋ tə zow tə, sey, ghə a bəəbə maʼa kɔʼ bəghəm i fə̀ŋ i ghə zə.

1 Timoti 6:10

I loʼ sey n təŋkey, ləghə zə ukhəə, i ney bə ghəə a bəbə ghə adzəm. Ghə̂ ghey ghə ngii shiə ndownə n sə̂ zə n ghəə ghə ukhəə n nyəŋ laʼ n bəghəm i fə̀ŋ i ghə. Fə̀ŋ tə nya fəmmə ghə bòʼ chɔd mən ghə keeli kaabənə.

1 Timoti 6:21

N dza sey n təŋkey ghə̂ ghey ghə moʼlə nə̀ ghə khə tɔb wən, ghə n nyəŋ laʼ n tûm i dzuŋu zən dzûmə tə Klisto tə bəghəmnə tii. N gɔŋŋə nə̀ ndzuŋ ə Kəzə̀ i loʼ ghi ghaa adzəm.

2 Timoti 2:14

I zəŋŋə zeeli ndow ghə̂ a Kəzə̀ ghə n ghəə ghən n dza bənə tə wɔ. Wə khə ni teeli kii naŋa ndow ghə n sə K-a-zə̀ nə̀ kə ghə nə ngii baŋŋənə fəghəm tə n ghɔɔmə i laʼlə zə. Ndzoʼo ghɔɔmə tə tii tə buʼ khə way gaamə i loʼ zə, tə fədlə sàʼà maʼa tɔb u ghə̂ ghey ghə zəllə bənə.

Taytus 1:11

Wə khə ni ghəŋə nə̀ ghə buu naŋa ghɔɔmə i ghə i tii zə, n təŋkey ghə fwɔdlɔ maʼa kaabə təndaw tədzəm nghee ghə diinə ghə n ghəə ghey ghə khə way daʼa kə ni dii. Ghə ghəə a badla ghən dii kaabə n təŋkey ghə ləghə nə̀ ghə̂ ghə i fuu bə ghə n khəə wə.

Hibru 3:10

À wey loʼ ghə i tii zə mə â fəələnə nəghə wə ghi ghə̂ a num tə tii tə, dza tsu nə̀, ‘Fə̀ŋ tə ghə̂ ghən tuu ni zow tə̀ mə, tuu soʼo ni naŋa laŋ wuŋ.’

Jems 5:19

Waazə ghuŋ ghə, abə wù ghaa u loʼ u ney dzəŋŋə bənə wù wey tə nyəŋə laʼa ndownə n jìi zey i way isəŋə,

1 Jɔn 2:19

Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.