2 Timoti 2:12 - Kaa n Kəzə̀ n fəghə mə

¹² Abə saa tɔʼ kow tsunə fə̀ŋ tə, Saa i dzəŋi saʼa soʼo mbi ghi wi. Abə saa tuu maʼanə wi, Tə i tuu maʼa soʼo saa.

2 Timoti 2:12 ပူးပေါင်းရင်းမြစ်များ

Matyo 10:33

Wù wey tə kee tuu maʼa mə n sə̂ kə aghə̂, Mə î tuu maʼa soʼonu wi n sə̂ kə Bày wuŋ idəŋ.”

Matyo 26:35

Pita n dza, “Mə î tuu maʼa koʼ way wɔ, abə a loʼ kə nə̀ n khə ni kpu.” Ngəd tə Yeso tə loʼ tey n dza tsu soʼo sey.

Matyo 26:75

Pita n daŋŋə taa moʼlə tsu ghəə zey Yeso â dzanə tə̀ wi nə̀, “Tə mwaʼ kə ni tɔŋ, a i loʼ nə̀ wə̀ n mə tuu maʼa tənəŋə tətəghə.” Tə n nuu tsu fu, shi ndow a bii, ndòw dey dzɔb i tsu.

Malakus 10:33

Tə n dza tə̀ ghə nə̀, “A sa kɔʼɔ ndòw n Yerosalem, a loʼ fu ghə i fìi fuu ndòwnə Waa Wù Sɔŋtsuʼ tə̀ ghə fɔɔngili a nii ghə nsə ghə̂ a dii ghə ulaŋ ghə. Ghə i tsəʼlə tsu saʼ nə̀ ghə wey wi, sey ghə i ney fuu ndòw wi, n wɔ ghə̂ ghey ghə ka bəghəm tə̀ Zə̀ kə,

Malakus 8:38

Wù wey tə dədlənə n tow kə bòʼ mə, nsə ghəə ghən n diinə fa n mbi zən nya ghə nəb ityim nsə bəbə bəbə tə aghə̂ tə kəmənə tii, mə, Waa wù sɔŋtsuʼ, mə i dədlə soʼonu n tow kə n kow wi abə mə i dzəŋŋə bənə n ghaʼ i Bày zə nsə tsətəndəghə tə Kəzə̀ tə zow tə.”

Lukas 12:9

Wù wey tə tuu maʼanə mə n sə kə aghə̂, Waa wù sɔŋtsuʼ i tuu maʼa soʼonu wi nsəkə tsətəndəghə tə Kəzə̀.

Lukas 22:29

Ighələ tə̀ Bày wùŋ fuunə mə̀ n daʼa kə ni saʼ tə a loʼ kədəŋ, mə̀ i fuu soʼonu ghaa n daʼa kə nə ghaa i saʼ tə a loʼ udəŋ.

Lukas 22:30

Sey nə̀ ghaa i loʼ ghi mə̀ n baŋŋə kuŋ, n fɔɔ wùŋ, ghaa i zəə, ghaa i məə, ghaa doʼo ndow n kuu u təfɔɔ ni saʼ naʼa tə Izree tən ighəm n ghii tə təbəghə.”

Lukas 9:26

Wù wey tə i dədlə n tow kə bòʼ mə nsə ghɔɔmə zuŋ zə, Waa wù sɔŋtsuʼ nə dədlə soʼo n tow kə tə wù tii abə tə nə bənə n kɔʼlə n wi mə, nsə kɔʼlə n Bày mə nsə tsətəndəghə tə Kəzə̀ tə zow tə.

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Roma 5:17

À loʼ kənu isəŋə nə̀ və zə â keeli kədaʼa n kow ghə̂ ghə fa n mbi nə̀ à ney bə bəb zey wù umɔʼ â ghəŋə tsunə. A kee loʼ nə̀, ndzuŋ zən nsə naamə kən kə bəghənə n bam i wù umɔʼ tɔŋɔ Yeso Klisto kə tsəghəshi bəb zey, ghəŋŋənə nə̀ saa doʼo tsətsəghə n muu i saa ghi Zə̀ kə.

Roma 8:17

Nghee saa loʼnə waa a Kəzə̀ ghə, saa i zə̂ə soʼonu fə wey Zə̀ kə â təb naŋanə tə ghə̂ a wi ghə. Saa ghi Klisto i dzəŋi zə̂ə soʼonu fə key Zə̀ kə â naŋanə tə wi. I loʼ sey n təŋkey, abə saa ndzəmə fəʼlə dzəŋinə ghi Klisto, saa i keeli soʼonu kɔʼlə mey tə khənə.

Filipi 1:28

Kə̂ ghaa nə̂ tsəŋənə ghə̂ a təngəmə a ghaa ghə, keeli tsu na fə̀ŋ. Abə ghaa ghəŋə nə̀ sey, ghə i loʼ ni koʼ n wû i ghə zə nə̀ ghə î ləŋi nu, a i keeli ghaa bəghəshi zə, kùmnə a loʼ Kəzə̀ tə təmə fuunə tsam ə tii tə̀ ghaa.

1 Timoti 5:8

Abə wù laalə way tə tyəm a ndaw a wi ghə, a ka tsəm dza ghə̂ ghey ghə muunə n ndaw ghi wi, i sey diinə tə kəm bəghəm dzə way tə Klisto, tə u bəb tsəghəshi soʼonə wù wən tə ka bəghəm tə Klisto.

Màʼlə kə Jud tə̀ ghə̂ a Kəzə̀ ghə 1:4

N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.

Chi dii 1:6

A loʼ wi tə ghəŋənə nə̀ saa doʼo bə ghə̂ a wi, saa doʼo soʼo ghə fɔɔngili ni fwaʼa tə Zə̀ kə tə loʼ Bày wi. Nkɔʼlə n dzəm nsə daʼa wə udzəm n mbi loʼ u wi wə tə̀ mbi nə bə may. Zə i loʼ sey.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

Chi dii 2:13

N khənu luʼu key wə muunə tii. N khənu nə̀ wə muu n luʼu key Satan bəghə doʼonə tii. Wə təmi tən tsu kə n zəd zuŋ. Wə ka tuu maʼa dzə bəghəm i fə̀ŋ zən ghaa khənə n kow mə. N tsuʼu mən ghə â wey maʼanə Antipas wən tə â tɔʼ tiilə dzanə ghəə ghə bòʼ mə tə ghə̂ ghə n naʼ zə, wə n ka tsəm tuu maʼa mə.

Chi dii 20:4

Mə n koʼ ndow kuu wə udəŋ nə ghə̂ ghey ghə â doʼonə tii, ghə n fuu ghə n daʼa kə ni saʼ. Mə n koʼ ndow soʼo zay u ghə̂ ghən ghə â gboo tôw u ghə wə boʼnə ghə â tiilə dza aghəə bòʼ Yeso tiilə dza soʼo aghəə bòʼ ghɔɔmə i Kəzə̀. Mə n koʼ ndow soʼo ghə̂ ghey ghə â ka ngɔɔmə faalə kə nyam mbvən key, muʼu fey fə fiilənə wi, ka ney tsə̀ə faalə kə nyam mbvən key n kaʼ usə u ghə nkee n wɔɔ kə ghə. Ghə n doʼo bə utaw, saʼ soʼo tə a loʼ udəŋ ghi Klisto nə tənum kam.

Chi dii 20:6

Zə̀ kə i ngii buulə ghə̂ ghən ghə i ney dzəŋinə ghə ghi ghə̂ a sə isə ghən Zə̀ kə i zhəm dzəŋŋə bənə ghə nə ivə, tə ney soʼo ghə nə̀ ghə loʼ ghə̂ a zow ghə. Və i zən i dzûmə ndow i sə isə zə, khə way daʼa kə n kow ghə. Ghə i fəd doʼo bə ghə fɔɔngili ghey ghə fwaʼanə tə Kəzə̀ nsə tə Klisto, ghə i saʼa ghi wi nə tənum kam.

Chi dii 3:10

Nghee wə naŋŋənə laŋ kuŋ kə ni kow fə̀ŋ, mə i bəghəm way nə̀ kaakaa fə mɔm wɔ n nəŋə zə uchɔd. Chɔt u bəghənu fa n mbi ni mɔm koʼ ghə̂ ghey adzəm ghə muunə fa a ghəlitsə.

Chi dii 3:21

Wù wən tə taw tsəghənə ghəə a bəbə ghə, mə i fuu wi n bùʼ kə, tə doʼo dzəŋi ghi mə n kuu kə fɔɔ kuŋ. Ighələ tə mə â taw tsəghənə ghəə a bəbə ghə, doʼo dzəŋi tsu ghi Bày wuŋ n kuu kə fɔɔ kə wi.

Chi dii 3:8

n khənu ghəə ghey wə ghəŋŋənə. N khənu nə̀ wə khənu nyaŋi fə kədaʼa fə, wə a ghəŋŋə ghəə ghey mə â diinə wɔ tii, ka tuu maʼa soʼo zəd zuŋ. Koʼo! Mə n chi naŋa fuʼ u ndaw wə tə wɔ nə wù loʼ tsəm way ni fìi naŋa.

Chi dii 5:10

Wə n ghəŋə nə̀ ghə doʼo bə fɔɔ wey fɔɔngili tə shiənə tii ni fwaʼ tə̀ Zə̀ kə saa kə ghə i saʼa aghə̂ adzəm fa a ghəlitsə.”