2 Timoti 2:11 - Kaa n Kəzə̀ n fəghə mə

¹¹ Ghɔɔmə zən loʼ isəŋə nə̀, “Abə saa kpu nə̀ saa loʼ nə kəfə kəmɔʼ ghi wi Saa i muulə soʼonu nə kəfə kəmɔʼ ghi wi.

2 Timoti 2:11 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 14:19

Fəkəmə, ghə̂ a mbi ghə i kəm way ni koʼ mə, abə ghaa, ghaa i kee koʼonu mə. Ghaa i muu, n təŋkey, n loʼ utaw.

Roma 6:5

Nya wən i loʼ nə̀ saa n doʼo nə kəfə kəmɔʼ ghi Klisto nghee saa â kpunə dzəŋinə ghi wi, i sey dii nə̀ saa i zhəm dzəŋŋə bə soʼonu nə ivə tə̀ tə â zhəm dzəŋŋə bənə nə ivə.

Roma 6:8

Nghee i loʼ nə̀ saa mâ kpu dzəŋi ghi Klisto, saa khə bəghəm i fə̀ŋ nə̀ saa i muulə soʼonu ghi wi.

2 Kɔrint 13:4

N ghəə ghən dza n təŋkey, nghee tə̀ ghə â baanə wi n zat kə fəkaʼ tə â ndzəm khə way daʼa kə, tə kee nya muu n daʼa K-a-zə̀. Nghee tə̀ saa loʼnə ghi wi nə kəfə kəmɔʼ, i sey dii nə̀ saa khə soʼo way daʼa kə. À kee bə n doʼo i ghey ghi ghaa, saa i dzəŋi keeli ndzoʼo muu zey tə khənə n daʼa K-a-zə̀.

2 Kɔrint 4:10

Ghey loʼ tən tsə kə tə ghey boʼo keeli və i Yeso nə uwû, sey nə̀ ghə̂ ghə i koʼo bə muu i Yeso zə n kow ghey.

1 Tesalonika 4:17

Ghə̂ ghən ghə i loʼ utaw n nəŋə i tii zə i daŋŋə nuu təmdzəŋi ndow ghə nə təmbaʼ, ghə i dzəŋi kpiilə kɔʼ ndow ghi Mûkəbii idəŋ. Sey saa i doʼo tən ndow ghi Mûkəbii.

1 Tesalonika 5:10

Yeso â kpu n tow u saa sey nə̀ abə saa loʼ kə utaw nkee saa kpunə, saa i loʼ dzəŋi ghi wi abə tə̀ i bənə.

1 Timoti 1:15

Ghɔɔmə zən nə̀, “Yeso Klisto â bə fa n mbi ni bə bəghəshi ghə̂ a bəbə ghə.” Loʼ isəŋə, saa khə ni ndzəm ney ghɔɔmə i tii zə, saa bəghəm soʼo. Mə â ney kəsə n ghə̂ ghən adzəm ghə ghəŋŋənə ghəə a bəbə ghə.

1 Timoti 3:1

Ghəə ghən ghə dzanə loʼ isəŋə nə̀, wù wey tə ləghə ni doʼo kətow tə dzûmə tə Klisto tə, tə ləghə ni fwaʼa fwaʼ kə dzuŋu kə.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.