2 Timoti 2:10 - Kaa n Kəzə̀ n fəghə mə

¹⁰ À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

2 Timoti 2:10 ပူးပေါင်းရင်းမြစ်များ

Matyo 24:22

Abə Zə̀ kə ka gboo khəə tsuʼu n tii mə, tə wù umɔ̀ʼ i ka nɔb shi. À kee loʼ nə̀, Zə̀ kə î gboo khəə tsuʼu mən bòʼ ghə̂ a wi ghən tə sày naŋanə.

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Matyo 24:31

Ghə i daŋŋə zow mbwule i fuŋunə, tə i tûm shi ndòw tsətəndəghə tə Kəzə̀ n badla tə mbi tən n təkaykə, ghə i zuŋŋə naŋa bə ghə̂ a wi ghən tə sàynə n luʼu tədzəm fa mbi.”

Lukas 18:7

Abə wù tə a loʼ tə wən loʼ ni ghəŋə ighəə tə a loʼ i zey, ghaa moʼlə nə̀ Zə̀ kə i saʼ fuu way tə ghə̂ a wi ghey ghə dey zeelinə n səə wi tsuʼu ntsuʼu ə?

Lukas 22:57

Pita n tɔ̀ʼ tuu dza, “Iwaa, n buʼ khə dzə way wi.”

Tùm i dzuŋu zə kuum Yeso Klisto tə Jɔn â tɔɔnə 11:52

Tə n dza zey soʼo nə̀, Yeso i kad kpu kə way n tow kə naʼ i Təjuu, a i loʼ soʼo ni zuŋŋə dzəŋŋə bə waa a Kəzə̀ ghey ghə saŋŋə doʼo kaabənə n badla tə mbi tədzəm.

Tùm i dzuŋu zə kuum Yeso Klisto tə Jɔn â tɔɔnə 17:24

Bày, n ləghə nə̀ ghə̂ ghey wə â fuu tə̀ mə, ghə i loʼ ghi mə n luʼu key n loʼnə tii, tə̀ ghə loʼ ni mbɔŋ koʼ kɔʼlə muŋ, kɔʼlə mey wə â fuu tə̀ mə bòʼ ləghə zey wə khə n kow mə tə̀ mbi ni bə kaʼ.

Tùm i dzuŋu zə kuum Yeso Klisto tə Jɔn â tɔɔnə 17:9

N gɔŋŋə n tow u ghə, n gɔŋŋə dzə way n tow kə ghə̂ a mbi adzəm. Gɔŋŋə zuŋ i kee loʼ kə tə ghə̂ ghey wə â sày fuu bənə tə̀ mə, n təŋkey, à loʼ ghə̂ ghə.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

Roma 9:23

Zə̀ kə â dii sî i wi i kwɔɔlə zə tə̀ ghə̂ ghey tə â sàynə, ghəŋə nə̀ ghə keeli kɔʼlə n wi ni ghəŋə nə̀ aghə̂ adzəm a keeli nə̀ tə ngii khə sî i kwɔɔlə zə.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

1 Kɔrint 9:22

Abə n loʼnə ghi ghə̂ ghey ghə ka kam beyyə n bəghəm i fə̀ŋ i ghə, mə n doʼo bə soʼo tə a loʼ wù wey bəghəm i fə̀ŋ i wi i ka kam beyyə, sey nə̀ mə i loʼ ni kwu zə̂ bə ghə tə̀ Klisto. Sey, n bwey ufə ghi ghə̂ ghə adzəm ni ghəŋə nə̀ abə i bəb kə ngee, mə i loʼ ni bəghəshi a loʼ ghə.

2 Kɔrint 1:6

Abə ghey fəʼlənə nya, ghey sey fəʼlə bòʼ ghaa nsə ni ghəŋə nə̀ Zə̀ kə bəghəshi ghaa. Abə Zə̀ kə kee tsəmmənə fə̀ŋ tə ghey tə nya, à sey loʼ ni tsəmmə soʼo fə̀ŋ tə ghaa sey nə̀, ghaa i loʼ ni kow fə̀ŋ tə ghaa n fəghə zən ghaa fəʼlənə nya ighələ tə̀ ghey â kownə fə̀ŋ tə ghey tə.

2 Kɔrint 12:15

Sey, mə i fuu maynu fə̂ wey n khənə tə̀ ghaa, n buʼ fuu daŋŋə soʼo wû wuŋ ni ghəŋə nə̀ ghaa nyim n bəghəm i fə̀ŋ i ghaa. Nghee tə̀ n ngii ləghənə ghaa, à kee loʼ kee ghaa ləghə way mə ə?

2 Kɔrint 4:15

Ghəə ghən adzəm a loʼ ni gaamə ghaa sey nə̀, nghee tə̀ ndzuŋ ə Kəzə̀ zaamə ndownə, ndəmə aghə̂ ghə i loʼ ni ndəŋə fuu ndow zɔŋŋə kə tə̀ Zə̀ kə ni ghəŋə nə̀ ndəmə aghə̂ ghə i fuu kɔʼləmə tə̀ wi.

2 Kɔrint 4:17

Sey, nyaŋi mə nchɔd mən saa koʼonə nyisa, n fədlə bayyə naŋa bə saa nə̀ saa i keeli kɔʼlə mən n nə may way, n tsəghəshinə chɔd mən n dzəm a keelinə.

Efesus 3:13

Waazə ghə, a wən loʼ ghə i tii zə n dzanə nə̀, i kə fə̀ŋ nə baŋanə ghaa bòʼ chɔd mən n keelinə n tow u ghaa. N saa fəʼlə nə̀ ghaa i keeli nkɔʼlə.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

1 Tesalonika 5:9

Zə̀ kə ka saa sày dzə ni ghəŋə nə̀ saa keeli uchɔd. Tə say saa nə̀ saa i loʼ ni keeli ibəghəshi n bam i Mûkəbii Yeso Klisto.

2 Tesalonika 2:14

Zə̀ kə â tɔŋɔ naŋa ghaa n muu i zən n bam i tûm i dzuŋu zən ghey naʼanə tə ghaa. Tə tɔŋɔ ghaa nə ghaa i loʼ dzəŋi ghi Mûkəbii saa Yeso Klisto n ghaʼ i wi.

2 Timoti 1:1

A loʼ mə Pɔl n tɔ̀ɔ bənə màʼlə kən. Â tsəm kɔʼ Kəzə̀ ni sày mə nə̀ n doʼo ngəd tə Yeso Klisto. Tə tûm bə mə nə̀ n bə naʼa tûm i dzuŋu zə tə ghə̂ ghə bòʼ muu zən tə â təb naŋa tə ghə̂ ghən ghə loʼnə nə kəfə kəmɔʼ ghi Yeso Klisto.

2 Timoti 2:1

Abə wɔ a Timoti, wə loʼ waa wuŋ u dzuŋu wə, n gɔŋŋə nə̀ wə i taw bòʼ ndzuŋ zən Zə̀ kə fuunə tə wɔ nghee saa loʼnə nə kəfə kəmɔʼ ghi Yeso Klisto.

2 Timoti 2:3

Wə khə ni fəʼlə soʼo ghi mə tə a loʼ sawgoʼ u dzuŋu wə tə Yeso Klisto.

Taytus 1:1

À màʼlə kən tɔ̀ɔ bə mə Pɔl. N loʼ wù kəfwaʼ ə Kəzə̀, lòʼ soʼo ngəd ə Yeso Klisto. Zə̀ kə â say kɔʼ mə, tûm bə nə̀ n bə gaamə ni ghəŋə nə̀ bəghəm i fə̀ŋ i ghə̂ ghən Zə̀ kə sày naŋa nə̀ ghə doʼo ghə̂ a wi, zə i nyîmmə, n ghəŋə soʼo nə̀ ghə keeli isəŋə zey i loʼ ni gaamə ghə nə̀ ghə i muu n jìi zey Zə̀ kə ləghənə.

1 Pita 2:10

Sə isə, ghaa â buʼ way tsə ghə̂ a Kəzə̀, a kee bə nya, ghaa a loʼ ghə̂ a wi ghə. Sə isə, Zə̀ kə â ka dii dzə sî i wi kwɔɔlə zə n kow ghaa, a kee bə nya, tə n kwɔɔlə sî zə n kow ghaa.

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.