2 Timoti 1:9 - Kaa n Kəzə̀ n fəghə mə

⁹ Zə̀ kə â bəghəshi saa, sày soʼo saa nə saa doʼo ghə̂ a wi. Tə â ka sey ghəŋə dzə bòʼ ghə i dzuŋu i loʼ zə saa â ghəŋə nə̀ tə wi, â fəd loʼ n təŋkey, à loʼ ghəə ghey tə â khə bayyə naŋa zeynə bòʼ ndzuŋ ə wi tə saa. Tə â tsəghə n kow Yeso Klisto ni fuu saa n ndzuŋ zən nə̀ mbi ka kam kaʼ.

2 Timoti 1:9 ပူးပေါင်းရင်းမြစ်များ

Matyo 1:21

Tə i jiə bə waa u num wə, wə̀ i tsə̀ tsu zəd i wi nə̀ à loʼ Yeso, n təŋkey, tə i bəghəshiə ghə̂ a wi n ghəə a ghə a bəbə ghə.”

Lukas 10:21

N nəŋə i tii zə, Zay kə Zow kə n ghəŋə nə̀ Yeso ngii keeli iduʼlə. Kə n ghəŋə nə̀ Yeso dza tsu nə̀, “N fuu kəzɔŋŋə tə wɔ a Bày, wə loʼ Mûkəbii idəŋ nsə n ghəlikətsə, wə nyi naŋa ghəə ghən tə̀ ghə̂ a tɔbə ghə nsə ghə̂ ghə umaʼlə ghə, kee dii fu tsu tə̀ ghinətəghə ghə. Â sey loʼ nghee wə a ləghənə nə̀ ghəə ghə a doʼo tii, a Bày.”

Tùm i dzuŋu zə kuum Yeso Klisto tə Jɔn â tɔɔnə 17:24

Bày, n ləghə nə̀ ghə̂ ghey wə â fuu tə̀ mə, ghə i loʼ ghi mə n luʼu key n loʼnə tii, tə̀ ghə loʼ ni mbɔŋ koʼ kɔʼlə muŋ, kɔʼlə mey wə â fuu tə̀ mə bòʼ ləghə zey wə khə n kow mə tə̀ mbi ni bə kaʼ.

Tùm i dzuŋu zə kuum Yeso Klisto tə Jɔn â tɔɔnə 17:9

N gɔŋŋə n tow u ghə, n gɔŋŋə dzə way n tow kə ghə̂ a mbi adzəm. Gɔŋŋə zuŋ i kee loʼ kə tə ghə̂ ghey wə â sày fuu bənə tə̀ mə, n təŋkey, à loʼ ghə̂ ghə.

Tùm i dzuŋu zə kuum Yeso Klisto tə Jɔn â tɔɔnə 6:37

Ghə̂ ghey adzəm Bày wuŋ fuu naŋanə tə̀ mə, î teeli bə doʼlə ghi mə. Abə wù bə doʼo bənə ghi mə, mə î dzum nuu koʼ way wi.

Kəfwaʼ 15:18

À wən loʼ ghəə ghən Mûkəbii a ghəŋŋə nə̀ ghə̂ a keeli n num tə ibam tə.’”

Kəfwaʼ 2:47

Ghə n fuu nkɔʼlə tə Zə̀ kə, aghə̂ adzəm n ngii ləghə ghə. Tsuʼu n dzəm, Mûkəbii n bəghəshiə aghə̂, kuu kpiʼi kɔʼɔ ndow taŋ ə ghə̂ ghey ghə bəghəmnə tə wi.

Roma 11:14

N moʼlə nə̀ fwaʼ kə tii kə loʼ ni ghəŋə nə̀ waazə ghuŋ, ghə̂ a Təjuu ghə i ghoʼo fə key ghə̂ ghən ghə way ghə̂ a Təjuu a khənə, sey, mə i loʼ ni gaamə ghə nə̀ ghə keeli ibəghəshi.

Roma 11:29

I loʼ sey n təŋkey, Zə̀ kə kəm kweyyə way fə̀ŋ ə wi abə tə sày kɔʼ dzənə wù, tə kəm ney nuulə soʼo way naamə key tə fuu dzənə tə wù tii.

Roma 16:25

N gɔŋŋə nə̀ saa mə fuu nkɔʼlə tə̀ Zə̀ kə. Tə loʼ ni ghəŋə nə̀ ghaa təmi taw tsu, ghaa gaʼ soʼo fə̀ŋ n kow wi. A wey loʼ ghəə zey tûm i dzuŋu zey n naʼlənə kuum Yeso Klisto dzanə. Ghəə zey tûm i dzuŋu zən dzanə kuum Klisto â nyi doʼonu n nùm tə ibam tə.

Roma 3:20

I loʼ nə̀, wù umɔʼ way dzə tə doʼlənə tsətsəghə n sə K-a-zə̀ a dza tə naŋŋə kəlaŋ, n təŋkey laŋ kə fədlə ghəŋŋə nə̀ wù keeli nə̀ tə n bəb i ghəŋə.

Roma 9:11

Zə̀ kə mâ sày naŋa tən wù wən tə i doʼlənə tow kə n fəŋŋə kə ghə ngɔ̀ŋ ghən nə ghə ka ghə kam ji. Â loʼ nə̀ ghə ka kam ghəŋə soʼo ghə i dzuŋu i loʼ zə nkee ghə i bəbə zə. Zə̀ kə â ghəŋə sey ni dii bə nə̀ jìi zey tə sàynə ghə̂ a wi ghə tii.

Roma 9:24

Saa loʼ soʼonu n taŋ a ghə̂ ghey Zə̀ kə â say naŋa nə̀ ghə i keeli kɔʼlə mən, a kad way kə ghə̂ a Təjuu ghə i keelinə kɔʼlə n tii mə, ghə̂ ghən ghə way ghə̂ a Təjuu ghə keeli soʼonu kɔʼlə n tii mə.

1 Kɔrint 1:18

Tûm zən bòʼ və i Yeso Klisto n zat kə fəkaʼ loʼ ilaʼlə tə̀ ghə̂ ghey ghə laʼa nay ndòwnə. A kee bə tə̀ ghey ghən ghey keelinə bəghəshi zə n wɔ Klisto, tûm ə tii dii bə daʼa K-a-zə̀.

Efesus 1:11

À loʼ nghee saa loʼnə nə kəfə kəmɔʼ ghi Klisto, Zə̀ kə say soʼonə saa nə̀ saa keeli naamə key tə â naʼa naŋanə. Tə n bɔɔmə fwaʼ kɔʼ bə aghəə adzəm tə̀ tə â moʼlə naŋanə ni fwaʼ, tə n bayyə naŋa i tsu.

Efesus 1:9

Tə chi dii bə ghəə a wi ghey ghə â nyì doʼonə tə̀ saa, tə̀ tə â bayyə naŋa n ləghə i fə̀ŋ i wi ni fwaʼ n bam i Klisto.

Efesus 2:5

Sey, nghee tə̀ saa â loʼnə tə̀ a loʼ ghə̂ ghey ghə kpu doʼonə bòʼ ghəə a saa a bəbə ghə, tə n fuu saa n muu zə nya nghee saa loʼnə nə kəfə kəmɔʼ ghi Klisto. À loʼ bòʼ ndzuŋ ə Kəzə̀, saa keelinə bəghəshi zə n bəb i saa.

Efesus 3:11

Ghəə a tii ghə â loʼ tsənu n fə̀ŋ ə Kəzə̀ nə nzeyyə, tə u fwaʼ naŋa bənə nya tə̀ tə â bayyə naŋanə n bam i Yeso Klisto, Mûkəbii ə saa.

Filipi 3:14

N dəmə ndow kə n sə kə, nə̀ n keeli kɔʼ kənaamə, tɔŋɔ naamə key kə loʼ idəŋ, kə key Zə̀ kə naŋanə tə̀ mə n bam i Yeso Klisto.

1 Tesalonika 4:7

I loʼ sey n təŋkey, Zə̀ kə ka tɔŋŋə dzə saa tə̀ a loʼ ghə̂ a wi nə̀ saa i ghəŋə ghəə a dzəə ghə. Tə tɔŋŋə saa nə̀ saa i muu muu zey i zownə.

1 Timoti 1:1

A màʼlə kən tɔ̀ɔ bə mə Pɔl, n loʼnə ngəd ə Yeso Klisto. N doʼonə tsəndəghə ə wi nə̀ a mə sày Zə̀ kən kə loʼnə bəghəshi ə saa nsə Yeso Klisto wən saa gaʼnə fə̀ŋ n kow wi.

2 Timoti 1:1

A loʼ mə Pɔl n tɔ̀ɔ bənə màʼlə kən. Â tsəm kɔʼ Kəzə̀ ni sày mə nə̀ n doʼo ngəd tə Yeso Klisto. Tə tûm bə mə nə̀ n bə naʼa tûm i dzuŋu zə tə ghə̂ ghə bòʼ muu zən tə â təb naŋa tə ghə̂ ghən ghə loʼnə nə kəfə kəmɔʼ ghi Yeso Klisto.

Taytus 1:2

Isəŋə zən i ghəŋŋənu, ghə i loʼ ni muu, ləmmə tənə nə̀ Zə̀ kə i fuunu ghə n muu zən i may way. Zə̀ kə kən kə badla way ghəə ghə, â təb naŋa saa n muu zə itsali zən tə̀ wi ni bɔm mbi.

Hibru 3:1

Waazə ghuŋ a zow ghə, ghaa ghən Zə̀ kə tɔŋɔnə nə̀ ghaa dzəŋi doʼo ghə̂ a wi idəŋ, gaʼ ndow na fə̀ŋ tə ghaa n kow Yeso wən Zə̀ kə tûm bənə nə̀ tə bə doʼo fɔɔngili u nii nii wə tə̀ saa.

1 Pita 1:20

Zə̀ kə â sày wi nə̀ mbi ka kam doʼo zey, ghə n ney dii shi bə wi n tsuʼu mən mbi may kəŋŋə bənə tii bòʼ ghaa.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

Chi dii 13:8

Aghə̂ adzəm n mbi ghə i ngɔɔmə faalə kə nyam mbvən i tii zə. Ghə̂ ghən adzəm zəd a ghə â loʼ nə̀ ghə n tɔ̀ɔ n màʼlə kə ghə̂ ghən ghə i keelinə muu zə itsali zə, nə̀ a khə Waa Nji zən ghə a weynə nə ghə n bɔm mbi, i kee ngɔɔmə way nyam tii.

Chi dii 17:8

Nyam mbvən zən â buʼ loʼ tsə utaw, nyisa, i kee kəm way dzə utaw. Fəkəmə, zə i shi kɔʼ bə n fɔŋŋə k-a-bùʼ key kə kùʼu way, i ndow n luʼu key ghə i ləŋi maʼanə wi tii. Dzuu zə i zum ghə̂ ghən ghə muu n ghəlikətsə, ghə â ka kam tɔ̀ɔ naŋa zəd a ghə n màʼlə key ghə̂ ghey ghə i keelinə muu zə itsali zə loʼnə tii tə̀ mbi ni kaʼ. Dzuu zə i zum ghə ni koʼ faalə kə nyam mbvən key n təŋkey zə â buʼ loʼ tsə utaw, nyisa i kəm way dzə utaw, zə i nam bəghənu.